قر بٸلٸم جەنە عىلىم مينيسترٸ ورتا بٸلٸم سالاسىنىڭ ٶكٸلدەرٸمەن كەزدەستٸ, دەپ حابارلايدى "ۇلت اقپارات".
«ٷزٸلٸستٸ قاجەت ەتپەي, تٶرت جارىم ساعات بويى ەڭگٸمەلەستٸك. ەرٸپتەستەرٸم كٶكەيلەرٸندە جٷرگەن ساۋالدارىن قويىپ, مەسەلەلەرٸن ورتاعا سالدى جەنە يدەيالارىمەن بٶلٸستٸ. كەزدەسۋگە قاتىسۋشىلار ورتا بٸلٸم بەرۋدٸ دامىتۋ بويىنشا ٶز ۇسىنىستارىن ايتتى. ەدٸسكەرلەردٸڭ رٶلٸن ارتتىرۋ, روتاتسييا ينستيتۋتىن ەنگٸزۋ, بٸلٸم بەرۋ ۇيىمدارىنىڭ باسشىلارىنا قويىلاتىن تالاپتاردى كٷشەيتۋ, ولاردى تاعايىنداۋ جەنە اتتەستاتتاۋ تەرتٸبٸن ٶزگەرتۋ قاجەتتٸلٸگٸ تۋرالى سٶز قوزعالدى. ۇستازدار «بٸلٸكتٸ پەداگوگتار باسشىلىق لاۋازىمدارعا ۇمتىلۋعا قۇلىقتى ەمەس» دەيدٸ. ٶيتكەنٸ ديرەكتورلاردىڭ ايلىعى ۇستازداردىڭ ەڭبەكاقىسىنان ەلدەقايدا تٶمەن. دەگەنمەن, جٷكتەلەتٸن مٸندەت كٶپ, ارتىلاتىن جاۋاپكەرشٸلٸك جوعارى», - دەپ جازدى مينيستر ەلەۋمەتتٸك جەلٸدەگٸ پاراقشاسىندا.
وسىعان بايلانىستى ا. ايماعامبەتوۆ مەكتەپ باسشىلارىن تاعايىنداۋ جەنە ولاردىڭ جالاقىسىن ارتتىرۋ بويىنشا ەنگٸزٸلەتٸن ٶزگەرٸستەر تۋرالى ايتىپ بەردٸ.
«الداعى ۋاقىتتا وسى جاڭاشىلدىقتار جايىندا تولىعىراق جازاتىن بولامىن. كەزدەسۋ بارىسىندا پەداگوگتاردى اتتەستاتتاۋ, سالاداعى تسيفرلاندىرۋ, پەداگوگيكالىق ەتيكا نورمالارىن ساقتاۋ, بٸلٸم بەرۋ باعدارلامالارى مەن وقۋلىقتاردىڭ مازمۇنىن جاقسارتۋ, قاشىقتان وقىتۋدى ۇيىمداستىرۋ مەسەلەلەرٸ, «التىن بەلگٸگە» ٷمٸتكەرلەرگە قويىلاتىن تالاپتاردى كٷشەيتۋ جەنە تاعى باسقا ٶزەكتٸ مەسەلەلەر كٶتەرٸلدٸ», - دەدٸ مينيستر.
ونىڭ ايتۋىنشا, جيىنعا قاتىسۋشىلار پەداگوگ مەرتەبەسٸ ارتىپ, جالاقىنىڭ ايتارلىقتاي كٶتەرٸلگەنٸن العا تارتتى.
«باسقا دا ٶزەكتٸ مەسەلەلەردٸ بٸرگە تالقىلادىق. ولاردىڭ كٶپشٸلٸگٸ بويىنشا تٸپتٸ زاڭنامالىق دەڭگەيدە ناقتى شەشٸمدەر قابىلدانعان. بۇل مەسەلەلەر تۋرالى دا كەلەسٸ جازبالارىمدا تولىعىراق ايتىپ بەرەمٸن. كەزدەسۋگە قاتىسقان ەرٸپتەستەرٸمە ايتىلعان ۇسىنىستارى مەن قويىلعان سۇراقتارىنا العىس ايتامىن», - دەدٸ ا. ايماعامبەتوۆ.
