بٸلٸم جەنە عىلىم مينيسترٸ اسحات ايماعامبەتوۆ وتاندىق باسىلىمداردىڭ بٸرٸنە بەرگەن سۇحباتىندا قاشىقتان وقۋ قاشان اياقتالۋى مٷمكٸن ەكەنٸن ايتتى. قاشىقتان وقۋ – ەلەمدٸك تەجٸريبەگە سٷيەنگەن نەتيجە ەكەنٸن, ونلاين وقۋدىڭ ارتىقشىلىعى مەن كەمشٸلٸگٸ, دەستٷرلٸ وقۋ جٷيەسٸنە اۋىسۋ مەسەلەلەرٸنە توقتالدى, - دەپ حابارلايدى «ۇلت اقپارات».
حالىقارالىق تەجٸريبەنٸ زەردەلەي باستاعان بٸلٸم مينيسترلٸگٸ بارلىق تالاپتاردى ەسكەرۋگە تىرىسىپ جاتقانىن جەتكٸزدٸ.
«ەلەم بويىنشا قاشىقتان وقىتۋعا قاتىستى بارلىعىنا ورتاق بٸرنەشە پروبلەمانىڭ بار ەكەنٸن كٶرٸپ وتىرمىز. مەسەلەن, بٸزدە قاشىقتان بٸلٸم بەرۋدٸڭ ساپاسى تٶمەن دەيدٸ. ٶيتكەنٸ ينتەرنەتتٸڭ جىلدامدىعى باياۋ. الايدا جاقسى ينتەرنەتٸ بار دامىعان مەملەكەتتەردٸڭ ٶزٸندە قاشىقتان جەنە دەستٷرلٸ جولمەن بەرٸلگەن بٸلٸمنٸڭ اراسىندا ٷلكەن ايىرماشىلىق بار», - دەدٸ بٸلٸم جەنە عىلىم مينيسترٸ اسحات ايماعامبەتوۆ.
نەگٸزٸ, بٸلٸم بەرۋ سينحروندى فورماتتان بۇرىن اسينحروندى سيپاتتا بولۋى كەرەك. بۇل – قاشىقتان وقىتۋ قاعيداتتارىنىڭ بٸرٸ. بۇل تۋرالى مينيستر بىلاي دەيدٸ:
«نەگٸزٸ, بٸز دە مەكتەپتەردٸڭ اشىلعانىن قالايمىز جەنە بالالاردىڭ دەستٷرلٸ فورماتتا بٸلٸم العانىن قولدايمىز. يە, مۇعالٸمدەر ٷشٸن ارنايى كۋرستار ۇيىمداستىرىلدى. دەگەنمەن, ولاردىڭ جاڭا فورماتتا جۇمىس ٸستەۋ دايىندىعىنا قاتىستى مەسەلە بار.
بۇل جۇمىس اتقارىلىپ جاتىر. ٶتكەن اپتادا مەن باسپالار, اۆتورلار مەن ساراپشىلارمەن كەڭەس ٶتكٸزدٸم. اۆتورلار مەن ساراپشىلار ٷشٸن ۋنيۆەرسيتەتتەردە ارنايى كۋرستار ۇيىمداستىرىلدى. بۇل جەردە ماڭىزدى بٸر مەسەلەنٸ ەسكەرۋ كەرەك, مىقتى مامانداردىڭ بارلىعى بٸردەي ديداكتيكا مەن پەداگوگيكا جاعىنان جاقسى وقۋلىق شىعارا بەرمەيدٸ. اۆتورلارعا دا كٶمەك پەن قولداۋ قاجەت. وعان قوسا, مەكتەپتەردە ەدٸستەمە دە, وقۋ باعدارلامالارى دا ٶزگەردٸ. سوندىقتان بارلىق وقۋلىق ساراپتاما مەن اپروباتسييادان ٶتۋٸ كەرەك. سول جەردە مۇعالٸمدەر, ساراپشىلار مەن اۆتورلار بەرٸن قارايدى, تالقىعا سالادى, بٸر شەشٸمگە كەلٸپ, ٶزگەرٸس ەنگٸزەدٸ» دەدٸ مينيستر.
سونداي-اق, ايتا كەتەيٸك, قاشىقتان وقىتۋ 12 جىلدىق بٸلٸم بەرۋگە كٶشۋ جوسپارىن شەگەرمەيدٸ. جۇمىستار كەزەڭ-كەزەڭٸمەن اتقارىلىپ جاتىر.
«بٸز وسى جۇمىستى 12 جىلدىق بٸلٸم بەرۋ جٷيەسٸنە كٶشۋ شارالارىمەن ٷندەستٸرۋٸمٸز كەرەك. ەيتپەسە, ەكٸ جۇمىس بولىپ كەتەدٸ, بيۋدجەتتەن ارتىق شىعىن شىعادى. بالا بٸرٸنشٸ سىنىپقا بارعان كەزدە جاڭا وقۋلىقتاردى دا الۋى تيٸس. 12 جىلدىق بٸلٸم بەرۋگە كٶشۋ جوسپار بويىنشا اتقارىلىپ كەلەدٸ», - دەدٸ بٸلٸم مينيسترٸ.
وسى ورايدا ايتا كەتەيٸك, قاشىقتان وقۋ بٸرنەشە جىلعا سوزىلۋى مٷمكٸن, ٷش جىلعا دەيٸن دەستٷرلٸ وقۋعا ورالماۋىمىز مٷمكٸن دەگەن ەڭگٸمەلەر ەل اراسىندا تاراي باستادى. بٸلٸم مينيسترلٸگٸ بۇل ەڭگٸمەنٸ قاۋەسەتكە بالاپ, جوققا شىعاردى.
«مەن سٸزدەرگە ناقتىسىن ايتايىن, قاشىقتان وقىتۋ ٷش جىل بولمايدى. بٸز بٸرتٸندەپ دەستٷرلٸ بٸلٸم بەرۋ فورماسىنا كٶشۋدٸ جوسپارلاپ وتىرمىز. سوڭعى شەشٸمدٸ باس سانيتارلىق دەرٸگەر قابىلدايدى. دەل قازٸر ول شەشٸمنٸڭ قاي كەزدە شىعاتىنىن ايتا المايمىن. ەزٸرشە, قاشىقتان وقىتۋدى تەك بٸرٸنشٸ توقساندا عانا قالدىرۋعا ۇسىنىس جاسالدى. ەندٸ, رەسپۋبليكا بويىنشا 7 مىڭ مەكتەپتٸڭ بارلىعى تولىپ تۇرعان جوق. باسىم بٶلٸگٸ بٸر اۋىسىممەن جۇمىس ٸستەيدٸ. سوسىن شاعىن جيناقتى مەكتەپتەر بار. مەسەلەن, اۋىل مەكتەپتەرٸ جارتىلاي بوس تۇر. ونداي مەكتەپتەر جىلدا جابىلادى, سەبەبٸ بالا جوق, ادامدار اۋىلدان قالاعا كٶشٸپ جاتىر. سودان قالاداعى مەكتەپتەر بالاعا تەز تولىپ كەتەدٸ» دەدٸ مينيستر.
ايتا كەتەيٸك, وسىنداي جاعدايدا وقۋشى كٶپ بولسا, مەكتەپ ينفراقۇرىلىمى دا سوعان ساي بولۋى قاجەت. سپورت زالدارى, اسحانا, كومپيۋتەرلٸك تەحنيكا – بەرٸ-بەرٸ بالا سانىنا سەيكەس جاسالاۋى شارت. ەگەر مەكتەپتە 25 بالاعا بٸر كومپيۋتەر كەلسە, وندا تسيفروۆيزاتسييا تۋرالى ايتۋدىڭ ٶزٸ قيسىنسىز.
ەستەرٸڭٸزگە سالا كەتەيٸك, بيىل 2020-2021 وقۋ جىلىندا 3,3 ميلليون وقۋشى بٸلٸم الۋعا كٸرٸستٸ. ولاردىڭ ٸشٸندە بٸرٸنشٸ سىنىپقا بارعان 352 مىڭ بالا بار.
