سانيتارلىق-ەپيدەميولوگييالىق باقىلاۋ كوميتەتٸنٸڭ تٶراعاسى ايجان ەسماعامبەتوۆا Ashyq جٷيەسٸن مەكتەپ پەن بالاباقشالارعا ەنگٸزۋ مٷمكٸندٸگٸ تۋرالى پٸكٸر بٸلدٸردٸ, دەپ حابارلايدى "ۇلت اقپارات".
«قازٸر بالالاردى قىركٷيەكتەن باستاپ وففلاين رەجيمدە وقىتۋ مەسەلەسٸ پىسىقتالىپ جاتىر. ەرينە, مەكتەپتە بٸلٸم الاتىن بالالاردىڭ سانى قازٸر ايتارلىقتاي كٶپ – 3 ميلليوننان اسادى. بٸز دە بالالاردىڭ مەكتەپتەن ٷيٸنە ۆيرۋس اپارۋ نەمەسە ٷيٸنەن مەكتەپكە ۆيرۋس الىپ كەلۋ قاتەرٸ بار ەكەنٸنەن قاۋٸپتەنٸپ وتىرمىز. سوندىقتان مەكتەپتەرگە, مەكتەپكە دەيٸنگٸ بٸلٸم ۇيىمدارىنا, جوعارى وقۋ ورىندارى مەن ارنايى بٸلٸم بەرەتٸن ورىندارعا Ashyq جٷيەسٸن مٸندەتتەپ ەنگٸزۋ مەسەلەسٸ قاراستىرىلىپ جاتىر. بٸراق ناقتى بٸر شەشٸم جوق», - دەدٸ كوميتەت تٶراعاسى.
سونداي-اق, ول بٸلٸم وشاقتارىنا Ashyq جٷيەسٸن ەنگٸزگەن كٷننٸڭ ٶزٸندە سمارتفون الىپ جٷرۋدٸڭ قاجەت بولمايتىنىن تٷسٸندٸردٸ.
«بٷگٸندە بٸز مۇعالٸمدەرگە مٸندەتتٸ تالاپ قويىپ وتىرمىز. مەديتسينالىق قارسى كٶرسەتٸلٸمٸ جوق مۇعالٸمدەردٸڭ بەرٸ وفلاين رەجيمدە جۇمىس ٸستەۋٸ ٷشٸن ەكپە الۋى كەرەك. بۇل بالالاردىڭ قاۋٸپسٸزدٸگٸ ٷشٸن قاجەت بولعاندىقتان, مٸندەتتٸ تالاپ. سونىمەن قاتار, باس سانيتار دەرٸگەردٸڭ قاۋلىسى بويىنشا Ashyq جٷيەسٸنٸڭ اياسىندا سمارتفونى جوقتار جسن-ٸن كٶرسەتۋ ارقىلى ستاتۋستى انىقتاۋ مٷمكٸندٸگٸ بار», - دەدٸ سانيتارلىق-ەپيدەميولوگييالىق باقىلاۋ كوميتەتٸنٸڭ تٶراعاسى.
سونىمەن قاتار ول Ashyq جٷيەسٸنە قاتىساتىن نىساندارعا بالالاردىڭ كٸرۋ تەرتٸبٸن تٷسٸندٸردٸ.
ونىڭ ايتۋىنشا, 12 جاسقا دەيٸنگٸ بالالار قوعامدىق ورىندارعا كٶپ جاعدايدا اتا-اناسىمەن بٸرگە بارادى.
«Ashyq جٷيەسٸنە ەنگەن نىساندارعا 12 جاسقا تولماعان بالالار اتا-اناسىنىڭ جەتەگٸنسٸز كٶپ بارا بەرمەيدٸ. ال اتا-انالارىنىڭ «قاۋٸپسٸز» ستاتۋسى بولسا, بالالارى دا ەركٸن كٸرە الادى. ال اتالمىش نىساندارعا اتا-اناسىنسىز باراتىن, 12-دەن اسقان بالالار ٷشٸن ەرٸكتٸ پتر تەست جٷيەسٸ بار. بيزنەس نىساندارىنىڭ ٶزدەرٸ بالالاردىڭ Ashyq جٷيەسٸندەگٸ ستاتۋسىن انىقتاۋ تۋرالى مٸندەتتٸ تالاپ قويىپ جاتقان جايتتار بار. سوندىقتان 12 جاسقا دەيٸنگٸ بالالاردان Ashyq جٷيەسٸندە ستاتۋسىن انىقتاۋ تالاپ ەتٸلمەيدٸ. ودان ٷلكەن بالالار ەرٸكتٸلٸك اياسىندا ٸسكە اسادى», - دەدٸ كوميتەت باسشىسى.
ونىڭ ايتۋىنشا, سوڭعى كەزدە بالالار كوروناۆيرۋسپەن بۇرىنعىدان جيٸ اۋىراتىن بولعان. دەگەنمەن, بۇل ولاردى اتا-انالارىنىڭ كەلٸسٸمٸنسٸز ۆاكتسينالاۋعا نەگٸز بولا المايدى.
«بالالاردىڭ قۇقىقتارى تۋرالى زاڭ بويىنشا بالالارمەن قاتىستى دٷنيەنٸڭ بەرٸ اتا-انانىڭ رۇقساتىمەن جاسالۋى كەرەك. ياعني, 18-گە دەيٸنگٸ بالالاردىڭ اتا-انالارىنان نەمەسە ٶكٸلدەرٸنەن كەلٸسٸم الۋ مٸندەتتٸ. سوندىقتان وسىنداي تەرتٸپ بويىنشا جۇمىس ٸستەپ جاتىرمىز», - دەدٸ ايجان ەسماعامبەتوۆا.
