بيىل ۇلتتىق بٸلٸكتٸلٸك تەستٸلەۋدەن 160 مىڭ مۇعالٸم ٶتەدٸ. بۇل تۋرالى بٸلٸم جەنە عىلىم ۆيتسە-مينيسترٸ شولپان قارينوۆا مەلٸم ەتتٸ, دەپ حابارلايدى قازاقپارات.
ۇلتتىق بٸلٸكتٸلٸك تەستٸلەۋدٸ ٶتكٸزۋ مەسەلەلەرٸ بويىنشا بعم ٶتكٸزگەن ونلاين باسپاسٶز مەسليحاتىندا شولپان قارينوۆا بۇل سىن - جالپى بٸلٸم سالاسى, مۇعالٸمدەر مەن پەداگوگيكالىق ماماندار ٷشٸن ٶتە ماڭىزدى سۇراق ەكەنٸن اتاپ ٶتتٸ.
«بارشاڭىز بٸلەتٸندەي, ەلٸمٸزدە «پەداگوگتار مەرتەبەسٸ تۋرالى» زاڭ قابىلدانىپ, مۇعالٸمدەردٸڭ ناقتى مٸندەتتەرٸ ايقىندالعانىن, جٷكتەمەلەرٸن ازايتۋعا بايلانىستى مينيستردٸڭ بٸرنەشە ۇستانىمىن بۇعان دەيٸن جەتكٸزگەن ەدٸك. زاڭ اياسىندا بٸرنەشە نورماتيۆتٸك-قۇقىقتىق قۇجاتتار قابىلداندى.
ۇلتتىق بٸلٸكتٸلٸك تەستٸلەۋ – جالپى مۇعالٸمدٸ اتتەستاتتاۋدىڭ ەكٸ كەزەڭٸنٸڭ بٸرٸنشٸسٸ. بٸرٸنشٸ كەزەڭٸ – ەدەتتەگٸدەي تەستٸلەۋ ارقىلى ٶتكٸزٸلەدٸ. تەستٸلەۋ كەزٸندە مۇعالٸمدەر ٶز پەندەرٸنە بايلانىستى بٸلٸكتٸلٸگٸن كٶرسەتەدٸ. ەدٸستەمە بويىنشا سۇراقتارعا جاۋاپ بەرٸپ, اتتەستاتتاۋدىڭ ەكٸنشٸ كەزەڭٸنە جولداما الادى», - دەدٸ ۆيتسە-مينيستر.
ونىڭ ايتۋىنشا بيىل ۇلتتىق بٸلٸكتٸلٸك تەستٸلەۋگە 160 مىڭعا جۋىق مۇعالٸم قاتىسادى.
«بيىلدان باستاپ جوو-لاردىڭ پەداگوگيكالىق ماماندىقتارى بويىنشا تٷلەكتەرٸ وسى تەستٸلەۋگە قاتىسا الادى. تەستٸلەۋدٸڭ ەكٸنشٸ كەزەڭٸ مۇعالٸمنٸڭ ەڭبەگٸن كەشەندٸ تالداۋ بويىنشا ٶتكٸزٸلەدٸ. ونىڭ نەتيجەسٸندە مۇعالٸمدەردٸڭ بەرٸ دە ٶز ەڭبەكاقىلارىن 1 قىركٷيەكتان باستاپ 30-دان 50 پايىزعا دەيٸنگٸ ارالىقتا ٶسٸرە الادى. بۇل – مۇعالٸمدٸ قولداپ, ەڭبەگٸن باعالاۋعا بايلانىستى جۇمىستار. سوندىقتان ۇلتتىق بٸلٸكتٸلٸك تەستٸلەۋدٸڭ ماڭىزى جوعارى. ٷستٸمٸزدەگٸ جىلدىڭ 2 ماۋسىمى كٷنٸ ٷردٸس بارلىق ٶڭٸردە باستالدى», - دەدٸ ول.
