بٸلەكتٸڭ كٷشٸمەن كەندٸ قازىپ, دالاعا شىعاراتىن قازاق بولماي, اقىلمەن اقشا تابۋدىڭ جولىنا تٷسەيٸك. بۇل تۋرالى بٷگٸن «جاڭا يندۋسترييالاندىرۋ: قازاقستاندىق بارىستىڭ قادامى» ۇلتتىق تەلەكٶپٸرٸ بارىسىندا مەملەكەت باسشىسى نۇرسۇلتان نازارباەۆ ايتتى, دەپ حابارلايدى قازاقپارات.
«يندۋسترييا, يننوۆاتسييا دەگەن نەرسە ەركٸم «جاسايمىن» دەگەننەن كەيٸن جاسالمايدى. ول ٷشٸن تيٸستٸ قاراجات كەرەك. ول ٷشٸن ماماندار كەرەك. ول ٷشٸن مەملەكەت دايىن بولۋى كەرەك. مٸنەكەي, بٸز 2010 جىلى عانا دايىن بولدىق. 2008-2009 جىلدارداعى دٷنيەجٷزٸلٸك داعدارىستان, قارجى داعدارىسىنان, ەكونوميكالىق داعدارىستان شىقتىق. مۇنايدىڭ باعاسى باررەلٸنە 10 دوللارعا تٷسكەنٸن دە كٶردٸك. ول ارى-بەرٸ اۋىتقىپ تۇراتىندىعىن دا كٶردٸك. شيكٸزات باعاسىنىڭ بٸر ورىندا تۇرمايتىندىعىن, كەيدە كٶتەرٸلەتٸندٸگٸن, كەيدە تٷسەتٸندٸگٸن كٶردٸك. ال ادامنىڭ ٶمٸرٸ ونداي ەمەس قوي. بٷگٸن بٸز حالىققا, مىسالى 300 مىڭ تەڭگە جالاقى تٶلەيتٸن بولساق, ەرتەڭگٸ كٷنٸ «مۇنايدىڭ باعاسى تٶمەندەدٸ» دەپ 100 مىڭ تەڭگە بەرە المايمىز عوي. زەينەتاقى دا سولاي. «مۇناي تٶمەندەپ كەتتٸ, سەندەرگە زەينەتاقىنى ٷش ەسە ازايتىپ بەرەمٸز» دەپ ايتا المايمىز», - دەدٸ قازاقستان پرەزيدەنتٸ.
سوندىقتان مەملەكەت باسشىسى مۇناي مەن گازدىڭ اۋمالى-تٶكپەلٸلٸگٸن تٶمەندەتۋ ٷشٸن نە ٸستەۋ كەرەكتٸگٸن ايتتى.
«بٷكٸل ەلەمدەگٸ سيياقتى ەكٸنشٸ ەكونوميكا جاساۋىمىز كەرەك. ٶزدەرٸڭٸز قاراپ وتىرساڭىزدار, الدىڭعى قاتارلى مەملەكەتتەردە, وڭتٷستٸك كورەيادا مۇناي مەن مەتالل تۇرماق 1 تٷيٸر كٶمٸر دە جوق. سينگاپۋردا قانداي كٶمٸر, تەمٸر, مۇناي-گاز بار? شۆەيتسارييادا, گەرمانييادا نە بار? بٸراق اقىلمەن, ويمەن الدىڭعى قاتارلى ەلدەردٸڭ لەگٸندە بولدى. سوندىقتان بٸز بٸلەكتٸڭ كٷشٸمەن جەردٸ قازىپ, قوپارىپ, كەندٸ دالاعا شىعاراتىن قازاق بولماي, جۇرت سيياقتى اقىل-ويمەن, پاراساتپەن اقشا تابۋىمىز كەرەك. مەن كٶرگەن يزرايلدە, تەل-اۆيۆتە تۇرعان زاۋىت وسى بٸز وتىرعان كٸشەنتاي زال سيياقتى. جىل سايىن 10 ملرد دوللار اقشا تابادى... بٸز كەڭ دالامىزدا كەننٸڭ بەرٸن قازىپ, شىعارىپ, قاتىرىپ جاتىرمىز دەپ ويلايمىز. سوندىقتان بٸز قيىن بولسا دا يندۋسترييالىق باعدارلامانى قولعا الدىق. بۇل بٸزدٸڭ بولاشاعىمىز. بۇل - ەلٸمٸزدٸڭ ٶركەندەگەن مەملەكەتتەر قاتارىنا قوسىلۋ جولى. بۇل - بٸزدٸڭ كادرلاردى دايىنداۋدىڭ مەسەلەسٸ. ەندەشە, جاستاردى باسقاشا جۇمىس ٸستەۋگە دايىنداۋ كەرەك. بٸر سٶزبەن ايتقاندا, بۇل - قازاقتىڭ بولاشاعى. وسىنى ەسكە الىپ, جولعا تٷسۋٸمٸز كەرەك. بٸراق نە بولسا سونى جاساماي, كەرەكتٸ, بەسەكەگە قابٸلەتتٸ دٷنيەلەردٸ شىعارۋىمىز قاجەت», - دەدٸ نۇرسۇلتان نازارباەۆ.
