BI Group كومپانيياسىنىڭ قۇرىلىس نىسانى اۋماعىندا جۇمىسشى قىزدى زورلاعان بريگاديرگە قاتىستى سوت ٷكٸمٸ شىقتى, دەپ حابارلايدى Sputnik قازاقستان "نەمولچيKz" قوعامدىق قورىنا سٸلتەمە جاساپ.
قوردىڭ قامقورشىلىق كەڭەسٸنٸڭ مٷشەسٸ تاتيانا كورولدٸڭ ايتۋىنشا, سوت شەشٸمٸمەن بريگادير بەس جىلعا باس بوستاندىعىنان ايىرىلدى. قىلمىسكەر قاۋٸپسٸزدٸگٸ ورتاشا دەڭگەيدەگٸ تٷرمەدە جازاسىن ٶتەيدٸ.
"پروكۋرور دا بٸز سەكٸلدٸ جەتٸ جىل سۇرادى. بۇل باپ بويىنشا ەرٸ كەتسە, 8 جىل بەرەدٸ. بٷگٸن سوت ونى بەس جىلعا باس بوستاندىعىنان ايىرۋعا ٷكٸم شىعاردى", - دەيدٸ كورول.
ونىڭ ايتۋىنشا, جۇمىسشى قىزدى زورلاعان بريگادير بۇعان دەيٸن ٸستٸ بولماعان. وعان قوسا, كەمەلەتتٸك جاسقا تولماعان بالالارى بار. سول سەبەپتٸ سوت بەس جىلعا باس بوستاندىعىنان ايىرۋعا شەشٸم شىعارعان.
ايتا كەتەرٸ, قىلمىستىق كودەكستٸڭ 120-بابى ("زورلاۋ") بويىنشا قىلمىستىڭ اۋىرلىعىنا قاراي 5-20 جىلعا باس بوستاندىعىنان ايىرۋ جازاسى قاراستىرىلعان.
قىلمىستىڭ مەن-جايى
بيىل 30 ناۋرىزدا BI Group كومپانيياسى سالىپ جاتقان قۇرىلىس نىسانىنىڭ اۋماعىندا ەيەلدٸڭ زورلانعانى تۋرالى اقپارات جارييالاندى. بريگادير جۇمىسشى ەيەلدٸ ەكٸ ساعات بويى ۇرىپ-سوعىپ زورلاعان.
قىز قوسالقى مەردٸگەردە جۇمىس ٸستەگەن. ليفتشٸ ەرٸ كٸلتشٸ بولعان وعان بوياۋ تاراتۋ مٸندەتٸ دە كٸرگەن. ال باسقا قوسالقى مەردٸگەرلٸك ۇيىم "BigBro Group" جشس-نىڭ سىرلاۋشىلار بريگاديرٸ ودان بوياۋ الۋعا ٷنەمٸ كەلٸپ تۇرعان. تيٸسكەن كەزدەرٸ دە بولىپتى. بٸراق قىز جٸگٸتٸ بار ەكەنٸن ايتىپ, ارتىق ەڭگٸمەدەن اۋلاق بولۋعا تىرىسقان.
21 ناۋرىزدا ساعات 20.00 شاماسىندا ەر ادام قىزدى جاڭا جۇمىس ورنى بار ەكەنٸن ايتىپ شاقىرادى. ەڭگٸمەنٸ ەشكٸم ەستٸمەۋ ٷشٸن قوسالقى بٶلمەگە كٸرۋٸن سۇرايدى. سول جەردە جاڭا جۇمىس تۋرالى ايتا باستايدى. قىز ويلانامىن دەيدٸ. وسى ۋاقىتتا وعان كٸرەبەرٸستە كٷتٸپ تۇرعان جٸگٸتٸ قوڭىراۋ شالادى. قىز قازٸر شىعاتىنىن ايتىپ, ەسٸككە قاراي جٷرەدٸ. دەل سول كەزدە بريگادير تاپ بەرٸپ, تۇنشىقتىرا باستايدى. قىزعا ايقايلاپ, ارتقا جول جوق ەكەنٸن ايتادى. ونى باسىنان, بەتٸنەن ۇرىپ, پىشاقپەن قورقىتادى. ال قىزدىڭ جٸگٸتٸ قايتا قوڭىراۋ سوعادى. الايدا كٷدٸكتٸ قىزدى تەلەفونىن ٶشٸرۋگە مەجبٷرلەپ, زورلايدى.
"بۇدان كەيٸن ول قىزعا سىرا ٸشكٸزٸپ, قورقىتۋىن جالعاستىرادى, ۇرىپ-سوعىپ, وعان مويىنسۇنۋىن تالاپ ەتەدٸ. بۇل شامامەن 21.30 دەيٸن سوزىلادى. ەر ادام ەكٸنشٸ مەرتە جىنىستىق قاتىناسقا تٷسكٸسٸ كەلەدٸ. قىز جىلاپ ەڭ بولماعاندا مۋزىكا قوسۋدى سۇرايدى. ول جىلاماۋعا ۋەدە بەرٸپ, تەلەفوندى الادى. وسى ۋاقىت ارالىعىندا ول تٷنگٸ اۋىسىممەن جۇمىس ٸستەيتٸن ەرٸپتەسٸنە زورلانىپ جاتقانى تۋرالى حابارلاما جٸبەرٸپ ٷلگەرەدٸ", - دەيدٸ "نەمولچيKz" قورىنىڭ ٶكٸلدەرٸ.
ەرٸپتەسٸ قىزدى كٷزەتشٸلەردٸڭ كٶمەگٸمەن تاۋىپ, پوليتسييا شاقىرادى. كٷدٸكتٸ قاماۋعا الىنادى. الايدا ٷش كٷننەن كەيٸن ول ەشقايدا كەتپەۋ تۋرالى قولحاتپەن بوساتىلادى. ال "ميلەنباەۆ" جەكە كەسٸپكەرلٸگٸنٸڭ باسشىسى قىزعا قىسىم جاساپ, ارىزىن قايتارىپ الۋى ٷشٸن اقشا ۇسىنادى.
ناۋرىزدان كەيٸن قىز ٶزٸنٸڭ جۇمىستان شىعارىلعانىن, ونىڭ ورنىنا باسقا ادامدى شاقىرىپ قويعانىن بٸلەدٸ.
