BI Group kompaniiasynyń qurylys nysany aýmaǵynda jumysshy qyzdy zorlaǵan brigadirge qatysty sot úkimi shyqty, dep habarlaidy Sputnik Qazaqstan "NeMolchiKz" qoǵamdyq qoryna silteme jasap.
Qordyń qamqorshylyq keńesiniń múshesi Tatiana Koroldiń aitýynsha, sot sheshimimen brigadir bes jylǵa bas bostandyǵynan aiyryldy. Qylmysker qaýipsizdigi ortasha deńgeidegi túrmede jazasyn óteidi.
"Prokýror da biz sekildi jeti jyl surady. Bul bap boiynsha ári ketse, 8 jyl beredi. Búgin sot ony bes jylǵa bas bostandyǵynan aiyrýǵa úkim shyǵardy", - deidi Korol.
Onyń aitýynsha, jumysshy qyzdy zorlaǵan brigadir buǵan deiin isti bolmaǵan. Oǵan qosa, kámelettik jasqa tolmaǵan balalary bar. Sol sebepti sot bes jylǵa bas bostandyǵynan aiyrýǵa sheshim shyǵarǵan.
Aita keteri, Qylmystyq kodekstiń 120-baby ("Zorlaý") boiynsha qylmystyń aýyrlyǵyna qarai 5-20 jylǵa bas bostandyǵynan aiyrý jazasy qarastyrylǵan.
Qylmystyń mán-jaiy
Biyl 30 naýryzda BI Group kompaniiasy salyp jatqan qurylys nysanynyń aýmaǵynda áieldiń zorlanǵany týraly aqparat jariialandy. Brigadir jumysshy áieldi eki saǵat boiy uryp-soǵyp zorlaǵan.
Qyz qosalqy merdigerde jumys istegen. Liftshi ári kiltshi bolǵan oǵan boiaý taratý mindeti de kirgen. Al basqa qosalqy merdigerlik uiym "BigBro Group" JShS-nyń syrlaýshylar brigadiri odan boiaý alýǵa únemi kelip turǵan. Tiisken kezderi de bolypty. Biraq qyz jigiti bar ekenin aityp, artyq áńgimeden aýlaq bolýǵa tyrysqan.
21 naýryzda saǵat 20.00 shamasynda er adam qyzdy jańa jumys orny bar ekenin aityp shaqyrady. Áńgimeni eshkim estimeý úshin qosalqy bólmege kirýin suraidy. Sol jerde jańa jumys týraly aita bastaidy. Qyz oilanamyn deidi. Osy ýaqytta oǵan kireberiste kútip turǵan jigiti qońyraý shalady. Qyz qazir shyǵatynyn aityp, esikke qarai júredi. Dál sol kezde brigadir tap berip, tunshyqtyra bastaidy. Qyzǵa aiqailap, artqa jol joq ekenin aitady. Ony basynan, betinen uryp, pyshaqpen qorqytady. Al qyzdyń jigiti qaita qońyraý soǵady. Alaida kúdikti qyzdy telefonyn óshirýge májbúrlep, zorlaidy.
"Budan keiin ol qyzǵa syra ishkizip, qorqytýyn jalǵastyrady, uryp-soǵyp, oǵan moiynsunýyn talap etedi. Bul shamamen 21.30 deiin sozylady. Er adam ekinshi márte jynystyq qatynasqa túskisi keledi. Qyz jylap eń bolmaǵanda mýzyka qosýdy suraidy. Ol jylamaýǵa ýáde berip, telefondy alady. Osy ýaqyt aralyǵynda ol túngi aýysymmen jumys isteitin áriptesine zorlanyp jatqany týraly habarlama jiberip úlgeredi", - deidi "NeMolchiKz" qorynyń ókilderi.
Áriptesi qyzdy kúzetshilerdiń kómegimen taýyp, politsiia shaqyrady. Kúdikti qamaýǵa alynady. Alaida úsh kúnnen keiin ol eshqaida ketpeý týraly qolhatpen bosatylady. Al "Milenbaev" jeke kásipkerliginiń basshysy qyzǵa qysym jasap, aryzyn qaitaryp alýy úshin aqsha usynady.
Naýryzdan keiin qyz óziniń jumystan shyǵarylǵanyn, onyń ornyna basqa adamdy shaqyryp qoiǵanyn biledi.
