بٸلٸم مينيسترلٸگٸ مەكتەپتەگٸ كانيكۋلدىڭ ۇزاقتىعى ٶزگەرٸسسٸز قالعانىن مەلٸمدەدٸ, - دەپ حابارلايدى Tengrinews.kz تٸلشٸسٸ.
ەسكە سالايىق, بۇعان دەيٸن بيزنەسمەن جەنە Bi Group قۇرىلىس حولدينگٸنٸڭ نەگٸزٸن قالاۋشى ايدىن راحىمباەۆ قازاقستاندا مەكتەپتەگٸ كانيكۋلدىڭ ۇزاقتىعىن تٶرت اپتاعا قىسقارتۋدى جەنە سول ارقىلى وقۋ جىلىنىڭ ۇزاقتىعىن 38 اپتاعا دەيٸن ۇلعايتۋدى ۇسىنعان بولاتىن. ونىڭ ايتۋىنشا, وقۋ جىلىنىڭ ۇزاقتىعى ازييانىڭ الدىڭعى قاتارلى ەلدەرٸنە قاراعاندا قىسقا, بۇل بٸلٸم بەرۋدٸڭ تيٸمدٸلٸگٸنە ەسەر ەتەدٸ. سونداي-اق كەسٸپكەر كومپانييانىڭ تۇرعىن ٷي كەشەنٸ جانىنان اشىلىپ جاتقان BINOM ورتا مەكتەپتەرٸندە بيىل بٸلٸم مينيسترلٸگٸنٸڭ رۇقساتىمەن وقۋ جىلىنىڭ ۇزارتىلاتىنىن دا اتاپ ٶتكەن بولاتىن.
بٸلٸم مينيسترلٸگٸ Tengrinews.kz سايتىنىڭ ساۋالىنا بەرگەن جاۋابىندا ەلٸمٸزدە وقۋ جىلى 1 قىركٷيەكتە باستالىپ, 25 مامىردا اياقتالاتىنىن جەنە بۇل ٶزگەرٸسسٸز قالاتىنىن حابارلادى.
"بۇعان دەيٸن 2021 جىلعى تامىز كەڭەسٸنٸڭ قورىتىندىسى بويىنشا مينيسترلٸك ى.التىنسارين اتىنداعى ۇلتتىق بٸلٸم اكادەميياسىنا بٸلٸم الۋشىلاردىڭ جٷكتەمەسٸن ازايتۋعا, وقۋ جىلىنىڭ وڭتايلى ۇزاقتىعىن انىقتاۋعا, بٸلٸم بەرۋ ۇيىمدارىندا ەڭبەككە اقى تٶلەۋدٸڭ ساعاتتىق جالاقى جٷيەسٸنٸڭ ارتىقشىلىقتارىنا جەنە ٷلگٸلٸك وقۋ باعدارلامالارىن جاڭارتۋعا قاتىستى بٸرقاتار زەرتتەۋلەر جٷرگٸزۋدٸ تاپسىردى", - دەپ حابارلادى بعم ۆيتسە-مينيسترٸ شولپان كارينوۆا.
ۆيتسە-مينيستردٸڭ ايتۋىنشا, مۇنداي شەشٸم قابىلداۋ جەنە كانيكۋلداردى قىسقارتۋ, وقۋ جىلىن ۇزارتۋ بويىنشا پيلوتتىق جوبانى جٷرگٸزۋ ٷشٸن بيىلعى وقۋ جىلىن اياقتاۋ قاجەت. مەنشٸك نىسانىنا قاراماستان, بارلىق بٸلٸم بەرۋ ۇيىمدارى مەملەكەتتٸك جالپىعا مٸندەتتٸ ستاندارتتى ساقتاۋعا مٸندەتتٸ.
سونداي-اق, مينيسترلٸك جاڭا جوبالاردى ەنگٸزۋ كەزٸندە دەلەلدەمەلەر مەن الدىن الا تالقىلاۋ ارقىلى راستالعان عىلىمي كٶزقاراس ماڭىزدى دەپ سانايدى.
