ەنشٸ ديماش قۇدايبەرگەن ەلەمدٸك دەڭگەيدەگٸ قانداي ەنشٸلەرمەن جۇمىس جاساپ جاتقانى جەنە الداعى جوسپارى تۋرالى ايتىپ بەردٸ, دەپ حابارلايدى قازاقپارات تٸلشٸسٸ.
«ەرينە, ەنشٸ ٷشٸن جاقسى كومپوزيتورلارمەن جۇمىس جاساۋ ٶتە ماڭىزدى بولىپ تابىلادى. وسى ورايدا, مەنٸڭ مانسابىمدا, شىعارماشىلىق ٶمٸرٸمدە جاقسى كومپوزيتورلار كەزدەسٸپ جاتىر دەپ ايتۋعا تولىق نەگٸز بار. قازٸرگٸ ۋاقىتتا بٸز يگور كرۋتويمەن جاقسى مۋزىكالىق تاندەم بولىپ جٷرمٸز. ول كٸسٸنٸڭ كەسٸبي تۇرعىداعى بٸلٸكتٸلٸگٸ, مۋزىكاداعى بٸلٸمٸ تۋرالى ۇزاق ەڭگٸمە ايتۋعا بولادى. ٶيتكەنٸ, ول پاۆاروتتي, لارا فابيان, دميتريي حۆوروستوۆسكيي سەكٸلدٸ ەلەمدٸك كومپوزيتورلارمەن جۇمىس جاساعان بٸلٸكتٸ ٶنەر يەسٸ. قازٸرگٸ تاڭدا كرۋتويدىڭ شىعارعان بٸرنەشە تۋىندىلارى مەنٸڭ رەپەرتۋارىما ەنٸپ وتىر», - دەدٸ ديماش قۇدايبەرگەن وكق-دا ٶتكەن باسپاسٶز مەسليحاتىندا.
ەنشٸ ٶز سٶزٸندە سول سەكٸلدٸ «تيتانيك» ەنٸ بويىنشا جۇمىس جاساعان, گرەممي سىيلىعىنىڭ ەكٸ مەرتە يەگەرٸ ۋولتەر افاناسەفف ەسٸمدٸ تاماشا كومپوزيتورمەن شىعارماشىلىق قارىم-قاتىناستا ەكەنٸن اتاپ ٶتتٸ.
«بٸراق حالىققا ەبدەن تولىققاندى پٸسكەن دايىن شىعارمانى ۇسىنعىمىز كەلەدٸ. سول سەبەپتەن مەن ٶزٸمە نەمۇرايلى قاراي المايتىن مۋزىكانتتار قاتارىنان بولعاندىقتان, ەربٸر ەندٸ شىعارماس بۇرىن جٷز ويلانىپ, مىڭ تولعانامىن. ال مەنٸڭ ساحناعا الىپ شىعىپ, ورىنداپ جٷرگەن ەندەرٸم تەك كومپوزيتورلاردىڭ ەمەس, مەنٸڭ دە جٷرەگٸمنەن ٶتكەن ەندەر. ال ول ەندەردٸ بٸردەن كەزٸكتٸرۋ ٶتە قيىنعا سوعادى», - دەدٸ ەنشٸ.
ديماش جاقىندا ەڭ العاشقى البومى جارىق كٶرەتٸنٸن ايتىپ ٶتتٸ.
«قازاق ىرىمشىل حالىقپىز عوي. الداعى ماقساتتاردى جايىپ سالعاندى جٶن كٶرمەيمٸز. دەگەنمەن ايتىپ ٶتەيٸن, يگور اعامىز ەكەۋمٸز ايتىپ جٷرگەن «قالجىراعان اققۋلاردىڭ سەزٸمٸ» دەگەن ەنگە بەينەبايان تٷسٸرگەلٸ جاتىرمىز. ودان كەيٸن امەريكاداعى كومپوزيتورلاردان كەلگەن تاماشا ەندەرگە بەينەبايان تٷسٸرگەلٸ وتىرمىز», - دەدٸ ديماش.
ەسكە سالا كەتسەك, بۇعان دەيٸن وكق-دا ٶتكەن باسپاسٶز مەسليحاتىندا ديماش قۇدايبەرگەن جاستار جىلى اياسىندا استانادا كونتسەرت بەرەتٸنٸن حابارلاعان بولاتىنبىز.
