فوتو: instagram.com/beibutshumenov
كەسٸپقوي بوكسشى بەيبٸت شٷمەنوۆ استاناداعى ويىن-ساۋىق ورتالىقتارىنىڭ بٸرٸندە بولعان وقيعاعا قاتىستى TengriSport سايتىنا سۇحبات بەردٸ, دەپ حابارلايدى Tengrinews.kz.
ايتا كەتەيٸك, بۇعان دەيٸن سپورتشىنىڭ قولىندا بالاسى بار ەر ادامدى سوققىعا جىققان ۆيدەوسى جەلٸدە تاراپ, قولدانۋشىلاردىڭ نارازىلىعىن تۋدىرعان ەدٸ. ال ول وقيعا قالاي باستالعانى جايلى بوكسشىنىڭ ٶزٸ باسقاشا باياندايدى. قازٸرگٸ تاڭدا بۇل ٸسكە قاتىستى جەبٸرلەنۋشٸ تاراپ ارىز جازعان. استانا پوليتسييا دەپارتامەنتٸ قىلمىستىق كودەكستٸڭ 293-بابى "بۇزاقىلىق" بويىنشا تەرگەۋ جٷرگٸزٸلٸپ جاتقانى تۋرالى حابارلادى.
39 جاستاعى سپورتشى وقيعا بالالاردىڭ كەلٸسپەي قالۋىنان جەنە ەكەسٸنٸڭ دٶرەكٸ جاۋاپ قاتۋىنان باستالعانىن بايانداعان.
"مەن ۇلىمدى قازاقستانعا الىپ كەلگەنمٸن, ول – اقش ازاماتى. ول وتانىنا كەلٸپ, وسىندا قىدىرىپ قايتسا دەپ كەلگەنبٸز. بٸز Mega Silkway ويىن-ساۋىق ورتالىعىنا باردىق, ول Happylon-دا ويناعاندى ۇناتادى. ودان كەيٸن ەكٸنشٸ قاباتىنا كٶتەرٸلٸپ, تاماقتانىپ الماق بولدىق. وندا بالالار وينايتىن جەرٸ بولدى.
بالام ويناۋعا كەتكەن, ازدان سوڭ ونى بٸرەۋ ۇرعانىن ايتىپ شاعىمدانىپ كەلدٸ. بٸر بالا ارقاسىنان ۇرىپ, اياعىنان سٷيرەگەن. مەنٸڭ ۇلىم ەشتەڭە تٷسٸنبەگەن, امەريكادا مۇندايدى مٷلدە كٶرمەگەن. ونىڭ جاسى 8-دە, بٸز ونىمەن دوسى سەكٸلدٸ سٶيلەسەمٸز. وعان ەشقاشان داۋىس كٶتەرمەگەنبٸز, سوندىقتان دا قاتتى قورىققان بولار.
ازدان سوڭ ول بالا قايتا كەلٸپ ۇلىمدى باسىنان ۇرا باستاعان, قاشىپ ٷلگەرگەن. ودان كەيٸن ۇلىم ونى ەكەسٸ الىپ كەتكەنٸن ايتتى. ال ونىڭ جانىندا تاعى بٸر كٸشكەنتاي بالاسى بولدى", - دەيدٸ بەيبٸت شٷمەنوۆ.
سپورتشىنىڭ ايتۋىنشا, پىشاق الىپ ۇمتىلعاننان كەيٸن بارىپ اشۋعا بۋلىققان. ال وعان دەيٸن دٶرەكٸ جاۋاپ قاتقانى شامىنا تيگەن.
"مەن وعان كەلٸپ, سەنٸڭ بالاڭ با ۇرعان دەپ سۇرادىم. ال ول "يە, نە ٸستەي الاسىڭ?" دەدٸ. مەن مۇندايدى كٷتپەدٸم. وعان جاقىنداپ "نە ايتىپ تۇرعانىڭدى بٸلەسٸڭ بە?" دەگەندە, ول قولىنا ٸلٸنگەن زاتپەن ۇمتىلدى. كەيٸننەن قولىنداعى پىشاق ەمەس ەكەنٸن ۇعىنىپ, اۋىستىرىپ قايتا ۇرۋعا تىرىستى.
ماعان "ونىڭ قولىندا پىشاق بار" دەپ ايقايلادى. ول كٸشكەنتاي بالانى تاستاماي, قورعانۋ ٷشٸن پايدالاندى. مەن ونى ارتىنان ۇستاپ, كٸشكەنتايىن قولىنان بوساتتىرۋعا تىرىستىم. ول بالانى جٸبەرگەن جوق, قايتا ونى قالقان رەتٸندە پايدالاندى. قانداي ەكە مۇنداي قادامعا بارادى? ەگەر مەنٸڭ وتباسىمدا سونداي جاعداي بولسا, ولاردى قورعاعان بولار ەدٸم. ۆيدەودا بەرٸ كٶرٸنٸپ تۇر. پىشاقتى كٶرٸپ, ونى قولىنان الىپ تاستاۋعا تىرىستىم. پوليتسييا كەلٸپ, بٸز سوسىن بٶلٸمشەگە باردىق", - دەيدٸ بوكسشى.
سونداي-اق ول پوليتسييامەن بولعان ديالوگ تۋرالى ايتىپ, وقيعانىڭ تاعى بٸر قاتىسۋشىسى بارىن مەلٸمدەگەن.
"بٸز بٶلٸمشەگە بارعاننان كەيٸن ونىڭ قازاقستاندا زاڭسىز جٷرگەنٸ مەلٸم بولدى. ول قىرعىزستان ازاماتى ەكەن. ال ونىڭ بالانى قولىنان نەگە تاستاماعانىن سوندا تٷسٸندٸم. بالا ٶزٸنٸكٸ ەمەس بولىپ شىقتى. ال ونى قورعانۋ ٷشٸن پايدالانعان.
ۆيدەونى دۇرىستاپ قاراساڭىز, قولىنا بٸر زاتتى الىپ, كەيٸننەن ونىڭ پىشاق ەمەسٸن بٸلٸپ تاستاي سالادى. بالانى تاستاي سالىپ پىشاقتى قولعا الىپ, ماعان ۇمتىلدى. دەنٸ ساۋ ادام وسىلاي جاساي ما?" – دەيدٸ بوكسشى.
پوليتسييا بٶلٸمشەسٸندە بەيبٸت بالالاردىڭ اناسىمەن سٶيلەسكەن.
"ەكٸ بالانىڭ اناسى تازا اعىلشىن تٸلٸندە سٶيلەيدٸ ەكەن. ول مەنەن, ەيەلٸمنەن جەنە ۇلىمنان كەشٸرٸم سۇرادى. ۇلىنىڭ مٸنەزٸن ايتىپ, اۋتيزممەن اۋىراتىنىن دا جەتكٸزدٸ. ەسٸل اۋداندىق پوليتسييا بٶلٸمٸندەگٸ كامەرادا بەرٸ جازىلعان.
ۆيدەودا بٸزدٸ اجىراتپاق بولعان تاعى بٸر ەر ادام بار. اق جەيدەدە بولدى. ونىڭ ەسٸمٸ – عاني. ول بولات تەمٸروۆتٸڭ (جەڭٸل سالماقتا كسرو, تمد چەمپيونى) ٸنٸسٸ. بۇل ٸستٸ سول ۋشىقتىرىپ جاتىر دەپ ويلايمىن.
باسىندا ول ماعان ارىز جازباق بولعان. قاسىنداعىلار تىنىشتاندىرعان ەدٸ. مەن وعان شابۋىلداعان جوقپىن, قايتا ماعان باسقا ەلدٸڭ ازاماتى پىشاقپەن ۇمتىلدى. عانيدىڭ نيەتٸ باسقا, جەنە سونىڭ ادۆوكاتى جۇمىس ٸستەپ جاتقان سيياقتى", - دەيدٸ شٷمەنوۆ.
بوكسشىنىڭ ەيەلٸ دە ارىز جازعان. بەيبٸتتٸڭ ايتۋىنشا, قىرعىزستان ازاماتى ونى وقيعا كەزٸندە يتەرٸپ جٸبەرگەن. قولى كٶگەرٸپ قالعان.
"ەر ادام ٶزٸ ٷشٸن ەمەس, بالاسىنا ايقايلاعانى ٷشٸن مۇنداي ەرەكەتكە بارعانى جايلى ايتادى. ۆيدەودا مەنٸڭ بالامدى ۇرعان ٷلكەنٸ جوق. ونىڭ قولىنداعى انا ەيەلدٸڭ كٸشكەنتايى بولاتىن.
مەن ونىمەن جاي سٶيلەسۋگە بارعانمىن, ال ونىڭ جاۋابى تاڭعالدىردى. ول قولىنا تاماقتاناتىن قۇرالدى العاندا دا ۇرعان جوقپىن, ونى ۇستاپ قالۋعا تىرىستىم. بالانى جٸبەرگەنٸن كٷتتٸم. ۆيدەودا ونىڭ پىشاقتى قالاي العانى كٶرٸنٸپ-اق تۇر.
ەكٸنشٸ ۆيدەودا ونىڭ سىنعان بٶتەلكەنٸ قولىنا العانىن كٶرۋگە بولادى. ونى سوسىن تاستاي سالادى. مەنٸڭ مٸندەتٸم وتباسىمدى قورعاۋ. مەن ونىڭ اناۋ ەيەلمەن بٸرگە تۇرىپ ەلٸمٸزدە زاڭسىز جٷرگەنٸن رەسمي تٷردە مەلٸمدەيمٸن.
مەن قاراپايىم اداممىن, جۇرت نازارىنا تٷسە بەرگٸم كەلمەيدٸ. مەندە شىعار جول جوق, سوندىقتان دا بۇل سۇراقتارعا جاۋاپ بەردٸم. ينتەرنەتتە ەڭگٸمە كٶپ ايتىلىپ جاتىر, ٷشٸنشٸ تاراپ وسىدان حايپ جاساعىسى كەلەدٸ. ەشبٸر ەكە ٶز بالاسىن قالقان رەتٸندە پايدالانبايدى.
مەن بالاعا ەشقاشان داۋىس كٶتەرمەگەن بولار ەدٸم. ولار پەرٸشتە عوي, سوندىقتان دا مەن ونى اتا-انالارىنا تٷسٸندٸرگٸم كەلگەن. بۇلاي بولارىن كٸم بٸلگەن.
وقيعادان كەيٸن پوليتسييا بٶلٸمشەسٸندە بالالاردىڭ اناسىمەن بەيبٸت كٷيدە تاراستىق. ال ەندٸ بۇل وقيعاعا ٷشٸنشٸ بٸر تاراپتىڭ قىزىعۋشىلىعى ويانعان سەكٸلدٸ", - دەيدٸ بەيبٸت شٷمەنوۆ.
ايتا كەتەيٸك, بەيبٸت شٷمەنوۆ – تانىمال قازاقستاندىق كەسٸپقوي بوكسشى. مانسابىن 2007 جىلى باستاعان. 19 جەكپە-جەك ٶتكٸزٸپ, 17-دە جەڭٸسكە جەتكەن. 2 كەزدەسۋٸندە قارسىلاسىنا ەسە جٸبەرگەن. 2017 جىلى جاراقاتىنا بايلانىستى مانسابىن اياقتاعان.
ۆيدەو: egovpress
