پارلامەنت مەجٸلٸسٸنٸڭ جالپى وتىرىسىندا «قر ٷكٸمەتٸ مەن رف ٷكٸمەتٸ اراسىنداعى «مينەرالدىق تىڭايتقىشتار شىعارۋ زاۋىتىن سالۋ جەنە پايدالانۋ» جوباسىن ٸسكە اسىرۋ تۋرالى كەلٸسٸمدٸ راتيفيكاتسييالاۋ تۋرالى» زاڭ جوباسى ماقۇلداندى, دەپ حابارلايدى قازاقپارات.
وسى كەلٸسٸم 2019 جىلعى 3 سەۋٸردەگٸ قر يندۋسترييا جەنە ينفراقۇرىلىمدىق دامۋ مينيسترلٸگٸ مەن رف ٶنەركەسٸپ جەنە ساۋدا مينيسترلٸگٸ اراسىنداعى ٶندٸرٸستٸك كووپەراتسييا سالاسىنداعى بٸرلەسكەن ٸس-قيمىل باعدارلاماسىن ٸسكە اسىرۋ اياسىندا ەزٸرلەندٸ جەنە قول قويىلدى.
«كەلٸسٸم جامبىل وبلىسىندا فوسفات شيكٸزاتتى ٶندٸرۋدەن باستاپ ەكسپورتقا باعدارلانعان ٶنٸم - مينەرالدىق تىڭايتقىشتار مەن ٸلەسپە يندۋسترييالىق ٶنٸمدەر شىعارۋعا دەيٸنگٸ تولىق ٶندٸرٸستٸك تسيكلٸ بار يننوۆاتسييالىق حيمييالىق كەشەننٸڭ قۇرىلىسى مەن پايدالانىلۋىن قامتاماسىز ەتەتٸن قاجەتتٸ ينۆەستيتسييالىق جەنە نورماتيۆتٸك-قۇقىقتىق جاعدايلار جاساۋدى كٶزدەيدٸ. جوبانى ەuroسhem Group ترانسۇلتتىق كومپانيياسىنىڭ ەنشٸلەس كەسٸپورنى - رەسەيدٸڭ «ەۆروحيم» كومپانيياسى ٸسكە اسىرادى. جوبانى ٸسكە اسىرۋ ەكٸ كەزەڭدە جٷزەگە اسىرىلادى», - دەدٸ قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ.
بٸرٸنشٸ كەزەڭ اياقتالدى. تاۋ-كەن كەشەنٸ پايدالانۋعا بەرٸلدٸ. ونىڭ بازاسىندا:
- جىلىنا 660 مىڭ تونناعا دەيٸن فوسفوريت ٶندٸرۋ جولعا قويىلدى;
- قۋاتى جىلىنا 640 مىڭ توننا ورتاشا ۇساقتاۋ جەنە ۇساق ۇنتاقتاۋ تورابى سالىندى;
- ينۆەستيتسييا سوماسى 126 ملن اقش دوللارىن قۇرادى;
قازٸرگٸ تاڭدا 550 جاڭا جۇمىس ورنى اشىلدى.
«ەكٸنشٸ كەزەڭ ٶندٸرٸس قۋاتى جىلىنا كەمٸندە 1 ملن توننا بولاتىن مينەرالدى تىڭايتقىشتار مەن يندۋسترييالىق ٶنٸمدەر ٶندٸرۋ جٶنٸندەگٸ يننوۆاتسييالىق حيمييالىق كەشەن سالۋدى قامتيدى.
قازٸرگٸ ۋاقىتتا قازاقستانداعى ەۋروحيم كومپانييالار توبى II كەزەڭدٸ وزىق قارجىلاندىرۋ اياسىندا 138,7 ملن اقش دوللارىن ينۆەستيتسييالادى», - دەدٸ مينيستر.
ونىڭ ايتۋىنشا, كەلٸسٸم كورپوراتيۆتٸك تابىس سالىعىنان, قوسىلعان قۇن سالىعىنان, مٷلٸك جەنە جەر سالىعىنان بوساتۋدى قاراستىرادى.
مينيستر جوبانى ٸسكە اسىرۋ مىناداي نەتيجەلەرگە قول جەتكٸزۋگە مٷمكٸندٸك بەرەتٸنٸن ايتتى:
- 1 ملرد اقش دوللارىنان كەم ەمەس تٸكەلەي شەتەلدٸك ينۆەستيتسييالار تارتۋ;
- جاڭا جۇمىس ورىندارىن قۇرۋ, ونىڭ ٸشٸندە قۇرىلىس كەزٸندە - ەكٸ مىڭعا دەيٸن جاڭا جۇمىس ورىندارىن, پايدالانۋ كەزٸندە كەمٸندە 1 200 جاڭا جۇمىس ورنىن قۇرۋ;
- ەلدٸڭ جالپى ٸشكٸ ٶنٸمٸن بەس جىل ٸشٸندە شامامەن 2,2 ملرد اقش دوللارىنا ارتتىرۋ;
- ەكسپورت جەنە ەكسپورتتىق تٷسٸم كٶلەمٸن ۇلعايتۋ;
- مەملەكەتتٸك بيۋدجەتكە سالىق تٷسٸمدەرٸن 200 ملرد تەڭگەگە ۇلعايتۋ;
- يننوۆاتسييالىق قالدىقسىز تەحنولوگييا بويىنشا قۋاتى بار مينەرالدىق تىڭايتقىشتار مەن يندۋسترييالىق ٶنٸمدەر ٶندٸرۋدٸ ۇيىمداستىرۋ;
- جاڭاتاس جەنە قاراتاۋ مونوقالالارىنىڭ جەدەل دامۋىنا ىقپال ەتۋ;
- مينەرالدى تىڭايتقىشتاردىڭ يمپورتىن الماستىرۋدى قامتاماسىز ەتۋ.
