2018 جىلعى جەلتوقساندا ەلٸمٸز حالىقارالىق بەيبٸتشٸلٸك پەن قاۋٸپسٸزدٸكتٸ ساقتاۋ ٷشٸن نەگٸزگٸ جاۋاپكەرشٸلٸك جٷكتەلگەن بٸرٸككەن ۇلتتار ۇيىمىنىڭ باستى ورگانى – بۇۇ قاۋٸپسٸزدٸك كەڭەسٸنٸڭ تۇراقتى ەمەس مٷشەسٸ رەتٸندە ەكٸ جىلدىق جۇمىسىن سەتتٸ اياقتادى.
دەل وسى بۇۇ قاۋٸپسٸزدٸك كەڭەسٸ ەلەمگە تٶنگەن قاۋٸپتٸ نەمەسە اگرەسسييا اكتٸسٸن انىقتاۋدا جەتەكشٸ رٶل اتقارادى, حالىقارالىق سانكتسييالاردى ەنگٸزۋگە جەنە بۇۇ-نىڭ قولداۋىمەن ەسكەري نەمەسە بٸتٸمگەرشٸلٸك وپەراتسييالاردى جٷرگٸزۋگە قۇقىلى. مۇندا ەلەمدەگٸ ەڭ شيەلەنٸسكەن قاقتىعىستار مەن داعدارىستار تالقىلانادى, ال ونىڭ شەشٸمدەرٸ حالىقارالىق قۇقىق نورمالارىنا سەيكەس بۇۇ-نىڭ بارلىق مٷشە ەلدەرٸ ٷشٸن مٸندەتتٸ بولىپ تابىلادى.
قازاقستان رەسپۋبليكاسى پرەزيدەنتٸ ن.ە.نازارباەۆتىڭ 2017 جىلى 1 قاڭتاردا بۇۇ قاۋٸپسٸزدٸك كەڭەسٸنە جولداعان «قاۋٸپسٸز, ەدٸل جەنە ٶركەندەگەن ەلەم قۇرۋ ٷشٸن جاھاندىق ەرٸپتەستٸكتٸ نىعايتۋ جٶنٸندەگٸ قازاقستاننىڭ تۇجىرىمدامالىق كٶزقاراسى» اتتى ساياسي ٷندەۋٸندە كٶزدەلگەن جەتٸ باسىمدىق بٸزدٸڭ جۇمىسىمىزدىڭ باستى باعدارىنا اينالدى.
1-باسىمدىق. قارۋسىزدانۋ مەن يادرولىق قارۋدى تاراتپاۋ
بٸز ەلەمدٸك قاۋىمداستىقتىڭ يادرولىق قارۋدى تاراتپاۋ رەجٸمٸن دەيەكتٸ نىعايتۋ جەنە كەڭەيتۋ ارقىلى پلانەتانى يادرولىق قارۋدان ارىلتۋ بويىنشا ەلەم قوعامداستىعىنىڭ كٷش-جٸگەرٸن شوعىرلاندىرۋدى جالعاستىردىق. 2018 جىلى قاڭتاردا ٶتكەن «جاپپاي قىرىپ-جويۋ قارۋلارىن تاراتپاۋ: سەنٸم شارالارى» تاقىرىبىنداعى جوعارى دەڭگەيدەگٸ تاقىرىپتىق بريفينگٸ بۇۇ قاۋٸپسٸزدٸك كەڭەسٸندەگٸ قازاقستاندىق تٶراعالىقتىڭ باستى وقيعاسىنا اينالدى.
بۇل ٸس-شارا قازاقستان تاريحىنداعى ماڭىزدى وقيعا بولدى. مەملەكەت باسشىسى العاش رەت بۇۇ قاۋٸپسٸزدٸك كەڭەسٸنە تٶراعالىق ەتتٸ جەنە وسى ٶزەكتٸ مەسەلە بويىنشا قازاقستاننىڭ سىرتقى ساياساتىنىڭ نەگٸزگٸ باسىمدىقتارىن اتاي وتىرىپ, كەڭەستٸڭ زالىندا قازاق تٸلٸندە سٶيلەدٸ.
وسى تاقىرىپ بويىنشا پٸكٸرتالاس «ەلەم. XXI عاسىر» مانيفەسٸ رۋحىندا يادرولىق قارۋدى تاراتپاۋدى, جانجالداردىڭ الدىن الۋدىڭ جان-جاقتى ستراتەگيياسىنىڭ نەگٸزگٸ ەلەمەنتٸ رەتٸندە العاش رەت تانۋعا مٷمكٸندٸك بەردٸ.
قاۋٸپسٸزدٸك كەڭەسٸ قازاقستاننىڭ ۇسىنىسى بويىنشا, قاقتىعىستاردى رەتتەۋ, قايدا جەنە قاشان ورىندى بولسا, بولاشاق ۇرپاقتاردى سوعىس اپاتىنان قۇتقارۋ ٷشٸن مٷشە مەملەكەتتەردٸڭ ورتاق ماقساتتارعا جەتۋ جولىنداعى كٷش-جٸگەرٸن بٸرٸكتٸرۋ ارقىلى سەنٸمدٸ قالپىنا كەلتٸرۋ شارالارىن قامتۋى مٷمكٸن دەگەن ەرەجەلەردٸ قۇجات تٷرٸندە بەكٸتكەنٸ ماڭىزدى. بۇل پوستۋلاتتار تٶراعانىڭ 2018 جىلداعى بٸرٸنشٸ مەلٸمدەمەسٸ. قاۋٸپسٸزدٸك كەڭەسٸنٸڭ ساياسي تٷردە مٸندەتتٸ قۇجاتىنا ەنگٸزٸلگەن.
2-باسىمدىق. داۋ-جانجالسىز ەلەم قۇرۋ
بۇۇ قك مەن با-نىڭ رەسمي قۇجاتىنا اينالعان «ەلەم. XXI عاسىر» مانيفەسٸ وسى جٷزجىلدىقتا ەلەمدٸ سوعىس قاتەرٸنەن مٷلدە ارىلتاتىن جەنە ونىڭ سەبەپتەرٸن جوياتىن ستراتەگييانى ٸسكە اسىرۋدى ادامزاتتىڭ ەڭ باستى مٸندەتٸ رەتٸندە بەلگٸلەدٸ. بۇل رەتتە, بٸز سوعىسسىز ەلەم, ەڭ الدىمەن, جانجالداردىڭ تٷپكٸ فاكتورلارىن جويۋ دەپ تٷسٸندٸك. جاھاندىق كٷن تەرتٸبٸندەگٸ ٶزەكتٸ مەسەلەلەر – تەرروريزم, زورلىق-زومبىلىق ەكسترەميزمٸ, كٶشٸ-قون جەنە ٶزگە دە كەلەڭسٸز قۇبىلىستار ەكونوميكالىق داعدارىستىڭ, كەدەيشٸلٸكتٸڭ, ساۋاتسىزدىق پەن جۇمىسسىزدىقتىڭ, حالىقارالىق قارجى, ساۋدا مەن دامۋ سالاسىنداعى جاھاندىق بەسەكەلەستٸكتٸڭ سالدارلارى بولىپ تابىلادى. وسىعان وراي, قازاقستاننىڭ كەڭەستەگٸ كٷش-جٸگەرٸ جاھاندىق جەنە ٶڭٸرلٸك دەڭگەيدە ەسكەري تەكەتٸرەس دەرەجەسٸن تٶمەندەتۋ ارقىلى جاھاندىق سوعىستىڭ قاۋپٸن تولىق جويۋ جەنە ونىڭ الدىن الۋ ٷشٸن بارىنشا جاعدايلار جاساۋعا باعىتتالدى.
كٷردەلٸ كەلٸسسٶزدەردٸڭ نەتيجەسٸندە قازاقستان 2045 جىلى بۇۇ-نىڭ 100 جىلدىعى قارساڭىندا تەرروريزمگە قارسى جەنە تەرروريزمسٸز ەلەمگە قول جەتكٸزۋ قاجەتتٸلٸگٸن بۇۇ قك رەسمي قۇجاتىندا كٶرسەتە الدى. قاۋٸپسٸزدٸك كەڭەس ٶزٸنٸڭ ساياسي مٸندەتتٸ قۇجاتىندا كەلەسٸ ۇرپاق ٷشٸن سوعىسسىز بولاشاق قۇرۋدىڭ ۋاقىت شەگٸنە قاتىستى بارلىق مٷشەلەردٸڭ كەلٸسٸمٸن العاش رەت بەكٸتتٸ.
بۇل يدەيانى قازاقستان پرەزيدەنتٸ ن.نازارباەۆ 2015 جىلى بۇۇ باس اسسامبلەياسىنىڭ مەرەيتويلىق 70-سەسسيياسىندا ۇسىندى. جالپى العاندا, مەملەكەت باسشىسى 1992 جىلى بۇۇ باس اسسامبلەياسىنىڭ 47-سەسسيياسىندا اٶسشك تۋرالى باستاماسىن جارييا ەتٸپ, سەنٸم شارالارىن قولدانۋدى جەنە ٸسكە قوسۋدى ۇسىنعانى مەلٸم.
ەرينە, بۇۇ قاۋٸپسٸزدٸك كەڭەسٸندەگٸ جەنە بەيبٸتشٸلٸكتٸ ساقتاۋ پروبلەمالار جٷيەسٸ بويىنشا جۇمىسىمىزدىڭ كٶرنەكتٸ نەتيجەسٸ قازاقستاننىڭ بۇۇ-نىڭ بٸتٸمگەرشٸلٸك قىزمەتٸنە قاتىسۋىنىڭ ٸس جٷزٸندەگٸ جاڭا كەزەڭٸ بولدى. 2018 جىلى قازاندا ەلٸمٸز بۇۇ-نىڭ ليۆانداعى ۋاقىتشا كٷشتەرٸندە ٷندٸستانمەن بٸرگە ەسكەري قىزمەتتٸ ٶتكەرۋ ٷشٸن العاش رەت 120 ادامنان تۇراتىن بٸتٸمگەرشٸلٸك كونتينگەنت جٸبەردٸ.
3-باسىمدىق. ورتالىق ازييا جەنە اۋعانستان
تاريحي تٷردە ورتالىق ازييانىڭ اجىراماس بٶلٸگٸ بولىپ تابىلاتىن اۋعانستانعا ەكونوميكالىق جەنە ەلەۋمەتتٸك دامۋدا, بەيبٸتشٸلٸك پەن قاۋٸپسٸزدٸككە تٶنگەن سىن-قاتەرلەرگە قارسى تۇرۋدا, سونداي-اق ونىڭ ەلەۋەتٸن نىعايتۋعا جان-جاقتى كٶمەك كٶرسەتۋ ەردايىم قازاقستاننىڭ سىرتقى ساياسي باسىمدىقتارىنىڭ بٸرٸ رەتٸندە قارالدى.
بٸز قاۋٸپسٸزدٸك كەڭەسٸندە «قاۋٸپسٸزدٸك پەن دامۋدىڭ ٶزارا تەۋەلدٸلٸك ٷلگٸسٸ رەتٸندە اۋعانستان مەن ورتالىق ازييادا ٶڭٸرلٸك ەرٸپتەستٸكتٸ قۇرۋ» اتتى بٸز ٷشٸن جەنە بٸزدٸڭ ٶڭٸرٸمٸز ٷشٸن ٶزەكتٸ تاقىرىپقا مينيسترلەر دەڭگەيٸندەگٸ ماڭىزدى پٸكٸرتالاستاردى ۇيىمداستىرا الدىق. بۇل پٸكٸرتالاستار وا ەلدەرٸنٸڭ سىرتقى ٸستەر مينيسترلەرٸنٸڭ قاتىسۋىمەن ۇيىمداستىرىلدى.
وسى پٸكٸرتالاستاردىڭ قورىتىندىسى بويىنشا ورتالىق ازييا مەن اۋعانستان اراسىنداعى ەرٸپتەستٸكتٸ ورناتۋ جٶنٸندەگٸ, ٶڭٸردٸڭ ەكونوميكالىق دامۋىنا جەنە اۋعانستانداعى حالىقارالىق تەرروريستٸك ۇيىمداردىڭ زاڭسىز قازمەتٸنەن تۋىندايتىن قاۋٸپ-قاتەرلەردٸ بەسەڭدەتۋگە جەردەمدەسەتٸن قاۋٸپسٸزدٸك كەڭەسٸنٸڭ رەسمي قۇجاتى قابىلداندى.
سونىمەن قاتار كەڭەس جەتەكشٸ ويىنشىلاردىڭ قاراما-قايشىلىعى سالدارىنان سوڭعى ٷش جىل بويى مٷمكٸن بولماعان قازاقستاننىڭ ورتالىق ازيياداعى احۋال مەن بٸزدٸڭ ايماعىمىزداعى بۇۇ ٶڭٸرلٸك ورتالىعىنىڭ الدىن الۋ ديپلوماتييا بويىنشا قىزمەتٸ جٶنٸندە ەزٸرلەگەن قۇجاتىن قابىلدادى.
4-باسىمدىق. كونترتەرروريزم
تەرروريزم حالىقارالىق بەيبٸتشٸلٸك پەن قاۋٸپسٸزدٸكتٸڭ ەڭ باستى جەنە ٶتكٸر پروبلەمالارىنىڭ بٸرٸ بولىپ قالا بەرمەك جەنە تۇراقتى دامۋ مەن گۋمانيتارلىق جاعدايعا تەرٸس ەسەرٸن تيگٸزۋدە. حالىقارالىق تەرروريستٸك توپتاردىڭ قىزمەتٸ ەلەمنٸڭ كٶپتەگەن ٶڭٸرلەرٸندەگٸ جيٸ داعدارىستىق قۇبىلىستاردىڭ درايۆەرٸ بولىپ كەلەدٸ.
سوندىقتان «يگيل/دايش», «ەل-كايدا» جەنە «تاليبان»قوزعالىسى اتتى ەڭ ٸرٸ تەرروريستٸك ۇيىمدارمەن قارسى كٷرەس جٶنٸندەگٸ كەڭەستٸڭ سانكتسييالىق كوميتەتتەرٸن باسقارۋ بٸز ٷشٸن وڭاي بولمادى. دەگەنمەن, قازاقستان قاۋٸپسٸزدٸك كەڭەسٸنٸڭ وسى قوسالقى قۇرىلىمدارىنىڭ جۇمىسىنا سەرپٸن بەرە وتىرىپ ٶز ميسسيياسىن ابىرويمەن اتقارىپ شىقتى دەپ ويلايمىن.
بۇۇ-عا مٷشە كٶپتەگەن مەملەكەتتەر قازاقستاننىڭ تەرروريزمگە قارسى كٷرەستەگٸ تيٸمدٸ جۇمىسىن جەنە قاۋٸپسٸزدٸك كەڭەسٸنٸڭ قوسالقى ورگاندارىندا تابىستى تٶراعالىق ەتكەنٸن مويىندايدى. وسىلايشا قك تٶراعاسى اۋعانستانعا, وڭتٷستٸك-شىعىس ازييا ەلدەرٸنە (فيليپپين, يندونەزييا, مالايزييا, سينگاپۋر), ٶزبەكستانعا جەنە رەسەيگە ساپار جاسادى. بٸزدٸڭ ٶكٸلدٸگٸمٸز وسى كوميتەتتەردٸڭ باسشىلارى ٷشٸن بٷلٸنگەن نەمەسە تەرروريزم قاۋپٸ بار ەلدەرگە ساپارمەن بارۋدىڭ رەكوردىن كٶرسەتتٸ.
تەرروريزمنەن ازات ەلەمگە قول جەتكٸزۋ تەرتٸبٸ كودەكسٸنٸڭ 2018 جىلى قىركٷيەكتە قابىلدانعانى وسى باعىتتاعى جۇمىسىمىزدىڭ باستى نەتيجەسٸ بولعانى سٶزسٸز. بۇل قۇجاتتىڭ مەنٸن قايتا باعالاۋ قيىن. 2015 جىلى بۇۇ شتاب-پەتەرٸندە ايتىلعان قۇجاتتى قابىلداۋ يدەياسى مەملەكەت باسشىسىنا تيەسٸلٸ. نيۋ-يوركتەگٸ جەنە بۇۇ مٷشە مەملەكەتتەردٸڭ استانالارىندا قاجىرلى ەڭبەكتٸ تالاپ ەتكەن جۇمىستىڭ نەتيجەسٸندە قازاقستاندىق ديپلوماتتار الدىنا قويعان مٸندەتتەرٸن ورىنداپ, 2045 جىلعا قاراي جوسپارلانىپ وتىرعان تەرروريزمنەن ازات ەلەم ٷشٸن جاھاندىق كواليتسييانى قۇرۋعا قول جەتكٸزدٸ. بٷگٸنگٸ تاڭدا حالىقارالىق كواليتسيياعا ەلەمنٸڭ 80-گە جۋىق مەملەكەتٸ كٸرەدٸ.
5-باسىمدىق. افريكاداعى بەيبٸتشٸلٸك پەن قاۋٸپسٸزدٸك
بۇۇ قاۋٸپسٸزدٸك كەڭەسٸنٸڭ اعىمداعى كٷن تەرتٸبٸنٸڭ شامامەن 75%-ى افريكاداعى قاقتىعىستارعا ارنالعان.
قاۋٸپسٸزدٸك كەڭەسٸندە اتقارعان جۇمىسىنىڭ بارىسىندا قازاقستاندىق دەلەگاتسييا افريكا تاقىرىبىنا قاتىستى جٷزدەن اسا وتىرىسقا قاتىستى. ولاردىڭ اراسىندا ورتالىق افريكا رەسپۋبليكاسى, كونگو دەموكراتييالىق رەسپۋبليكاسى, بۋرۋندي, سۋدان جەنە وڭتٷستٸك سۋدان, مالي, ليۆييا, سومالي سيياقتى ەلدەردەگٸ ۇزاققا سوزىلعان قاقتىعىستار بار. افريكا مەن دامۋشى ەلەمنٸڭ جەكە مەسەلەلەرٸ جالپى العاندا, ٶڭٸرٸمٸزدٸڭ پروبلەمالارىنا ۇقساس. ەڭگٸمە حالىقارالىق تەرروريزمگە قارسى كٷرەس, ورنىقتى دامۋ ماقساتتارىنا قول جەتكٸزۋ مەسەلەلەرٸ, گۋمانيتارلىق كٶمەك كٶرسەتۋ, جۇمىس ورىندارىن قۇرۋ, كليماتتىڭ ٶزگەرۋٸنە قارسى كٷرەس جەنە كٶپتەگەن باسقا دا مەسەلەلەر تۋرالى بولىپ وتىر.
كوميتەت تٶراعاسىنىڭ سومالي, دجيبۋتي, ەفيوپييا جەنە كەنيياعا ساپارلارى ۇيىمداستىرىلدى. كٶپتەگەن جىلدار بويى مۇنىڭ مٷمكٸن بولماعاندىعىن اتاپ ٶتۋ قاجەت. قازاقستان حالىقارالىق تەرروريستٸك توپتاردىڭ, اتاپ ايتقاندا, شىعىس-افريكا ايماعىنداعى «ال-شاباب» توبىنىڭ قىزمەتٸن رەتتەۋگە ەلەۋلٸ ٷلەس قوستى. بٸزدٸڭ ٸس-ەرەكەتتەرٸمٸز ەفيوپييانىڭ جاڭا باسشىلىعىنىڭ كٶشباسشىلىعىندا باستالعان افريكالىق مٷيٸس ايماعى ەلدەرٸنٸڭ جاقىنداسۋىنىڭ اۋقىمدى پروتسەسٸ ٷشٸن ماڭىزدى كاتاليتيكالىق ەسەرگە يە بولدى دەپ ەسەپتەيمٸز. مەملەكەت باسشىسى 2017 جىلدىڭ قاڭتارىندا قازاقستاندىق ديپلوماتتار الدىندا دەل وسى مٸندەتتٸ قويعان بولاتىن, ەندٸ ول تابىستى ٸسكە اسىرىلدى.
بۇۇ قاۋٸپسٸزدٸك كەڭەسٸنٸڭ ەريترەياعا قارسى 2009 جىلدان بەرٸ ٸس جٷزٸندە ەرەكەت ەتكەن ۇزاق جىلدارعا سوزىلعان سانكتسييالارىن الىپ تاستاۋ قازاقستاندىق كٷش-جٸگەردٸڭ پراكتيكالىق نەتيجەسٸ بولدى.
6 جەنە 7 باسىمدىقتار. قاۋٸپسٸزدٸك پەن دامۋدىڭ ٶزارا تەۋەلدٸلٸگٸ جەنە بۇۇ رەفورماسى
كەڭەس مٷشەلەرٸ قازاقستاننىڭ بۇۇ شتاب-پەتەرٸندە ۇسىنعان جانجالداردى رەتتەۋ, الدىن الۋ جەنە ولاردىڭ نەگٸزگٸ سەبەپتەرٸمەن كٷرەسۋ تۋرالى جاڭاشىل ستراتەگيياسىن قولدادى.
بۇل ستراتەگييانى ەلەمنٸڭ ەر تٷكپٸرٸندە قولدانۋعا بولادى جەنە ونىڭ ٷلگٸلٸك ستراتەگييا بولۋىنا بارلىق نەگٸز بار. قاۋٸپسٸزدٸك پەن دامۋدىڭ ٶزارا تەۋەلدٸلٸگٸن قامتاماسىز ەتۋ, سونداي-اق ايماقتىق تەسٸلدەمە جەنە بٸرىڭعاي قۇرىلىم رەتٸندە بۇۇ-نىڭ قىزمەتٸن شتاب-پەتەردە جەنە جەرگٸلٸكتٸ جەرلەردە ٷيلەستٸرۋ ونىڭ نەگٸزگٸ ەلەمەنتٸ بولىپ تابىلادى. بۇل تۇتاستاي العاندا ۇيىمنىڭ تيٸمدٸلٸگٸن, اشىقتىعىن جەنە ەسەپتٸلٸگٸن ارتتىرادى دەپ سانايمىز.
بۇۇ قاۋٸپسٸزدٸك كەڭەسٸنٸڭ جۇمىسىندا ەلٸمٸزدٸڭ تاعى بٸر سيمۆوليكالىق, ەلەۋلٸ جولىن اتاپ ٶتكٸمٸز كەلەدٸ. قازاقستان كەزەكتٸ ەكٸ جىلعا سايلاناتىن بۇۇ قاۋٸپسٸزدٸك كەڭەسٸنٸڭ تۇراقتى ەمەس مٷشەلەرٸنٸڭ ۇلتتىق تۋلارىن ورناتۋ سالتاناتتى رەسٸمٸن ٶتكٸزۋ دەستٷرٸن قالىپتاستىردى.
* * *
قازاقستان ٶكٸلدەرٸ بۇۇ قاۋٸپسٸزدٸك كەڭەسٸندەگٸ ەكٸ جىلعى جۇمىسىندا قاۋٸپسٸزدٸك كەڭەسٸنٸڭ مىڭداعان اشىق جەنە جابىق وتىرىستارىنا, بۇۇ قاۋٸپسٸزدٸك كەڭەسٸ مٷشەلەرٸنٸڭ بەيرەسمي كەزدەسۋلەرٸ فورماتىنداعى وتىز سەگٸز ٸس-شاراعا قاتىستى, 115 قارار مەن 48 كەڭەس تٶراعاسىنىڭ مەلٸمدەمەلەرٸن قابىلداۋعا ٷلەس قوستى. بۇل سانداردىڭ استارىندا بٸزدٸڭ ديپلوماتتارىمىزدىڭ, سىرتقى ٸستەر مينيسترلٸگٸ, ونىڭ شەتەلدەردەگٸ مەكەمەلەرٸ, سونداي-اق ەلٸمٸزدٸڭ باسقا دا مەملەكەتتٸك ورگاندارى قىزمەتكەرلەرٸنٸڭ وراسان زور جۇمىسى جاتقانىن ەلەستەتۋ قيىن ەمەس.
قاۋٸپسٸزدٸك كەڭەسٸ مٷشەلەرٸنٸڭ ەلەمنٸڭ ەرتٷرلٸ ٶڭٸرلەرٸنە جاساعان ون ەكٸ دالا ساپارىنا قازاقستاننىڭ قاتىسۋىن ايتارلىقتاي اتاپ ٶتۋ قاجەت. بۇل تٸكەلەي ٶزدەرٸنەن ٶڭٸردەگٸ جاعداي مەن ودان كەيٸن شەشٸم قابىلداۋ بويىنشا اقپارات الۋ ٷشٸن ماڭىزدى مەنٸ بار. ەلٸمٸزدٸڭ 2018 جىلعى قاڭتاردا قاۋٸپسٸزدٸك كەڭەسٸندە تٶراعالىق كەزٸندە اۋعانستانعا وسىنداي ساپارلاردىڭ بٸرٸن ۇيىمداستىردى, بۇل اۋعان ەرٸپتەستەرٸمٸزدٸڭ تاراپىنان وڭ قابىلداندى جەنە اۋعانستاننىڭ كٶشباسشىسى ا. گاني مەملەكەت باسشىسىنا العىس حاتىن جولدادى.
* * *
بٸز بۇۇ الاڭىندا بەلسەندٸ جۇمىستى جالعاستىرۋعا, كٶپجاقتى ىنتىماقتاستىقتى قولداۋدى, حالىقارالىق دەرەجەدە تانىلعان ەرەجەلەرگە نەگٸزدەلگەن ەلەمدٸك تەرتٸپتٸ ساقتاۋدى, جاھاندىق سىن-قاتەرلەردٸ بٸرلەسٸپ ەڭسەرۋدٸ, بٷكٸل ەلەمدەگٸ بەيبٸتشٸلٸك پەن ورتاق دامۋعا جەردەم ەتۋدٸ جالعاستىرۋعا نيەتتٸمٸز. بەيبٸت اتامقۇلوۆ, قازاقستان رەسپۋبليكاسىنىڭ سىرتقى ٸستەر مينيسترٸ
بەيبٸت اتامقۇلوۆ,
قازاقستان رەسپۋبليكاسىنىڭ سىرتقى ٸستەر مينيسترٸ
