بٷگٸن سىرتقى ٸستەر مينيسترٸ بەيبٸت اتامقۇلوۆتىڭ قازاقستانداعى بٸرٸككەن اراب ەمٸرلٸكتەرٸ, يوردانييا, يراك, كاتار, كۋۆەيت, ليۆان, ليۆييا, ماروككو, ومان, پالەستينا, ساۋد ارابيياسى ديپلوماتييالىق ٶكٸلدٸكتەرٸنٸڭ باسشىلارىمەن جۇمىس كەزدەسۋٸ ٶتتٸ, دەپ حابارلايدى "ۇلت اقپارات".
ەلشٸلەر شەتەلدٸك ينۆەستيتسييالاردى تارتۋ جەنە شەتەلگە قازاقستاندىق ەكسپورتتى جىلجىتۋ سالاسىندا سىرتقى ٸستەر مينيسترلٸگٸنٸڭ جاڭا ٶكٸلەتتٸكتەرٸمەن تانىستى. ٶز كەزەگٸندە, ب.اتامقۇلوۆ قازاقستاننىڭ ساۋدا-ەكونوميكالىق قاتىناستاردى دامىتۋعا, سونداي-اق ەنەرگەتيكا, لوگيستيكا, اۋىل شارۋاشىلىعى جەنە باسقا دا سالالاردا بٸرلەسكەن ينۆەستيتسييالىق جوبالاردى جٷزەگە اسىرۋعا مٷددەلٸلٸگٸن اتاپ ٶتتٸ. "پرەزيدەنت نۇرسۇلتان نازارباەۆ اراب ەلەمٸمەن جان-جاقتى جەنە ٶزارا تيٸمدٸ ىنتىماقتاستىقتى نىعايتۋعا ايرىقشا ماڭىز بەرەدٸ", دەدٸ مينيستر ٶز سٶزٸندە.
جيىن بارىسىندا وسى ۋاقىتقا دەيٸن اراب ەلدەرٸنٸڭ كٶپشٸلٸگٸمەن ساۋدا-ەكونوميكالىق جەنە ينۆەستيتسييالىق سالالاردا ٶزارا ٸس-قيمىلدىڭ زور ەلەۋەتٸ ەلٸ كٷنگە دەيٸن تولىعىمەن پايدالانىلماعانى دا ايتىلدى.
مينيستر 2018 جىلى قازاقستاننىڭ بارلىق 22 اراب ەلٸمەن جيىنتىق تاۋار اينالىمىنىڭ كٶلەمٸ 1 ملرد اقش دوللاردان اسپاعانىنا, ال ينۆەستيتسييالاردىڭ جالپى كٶلەمٸ بٷگٸندە نە بەرٸ 2,4 ملرد اقش دوللار بولعانىنا نازار اۋداردى. سونىمەن بٸرگە قازٸرگٸ ۋاقىتتا سوماسى 9 ملرد اقش دوللارى بولاتىن بٸرلەسكەن جوبالار پىستىقتالىپ جاتقانىن تٸلگە تيەك ەتتٸ.
ساۋدا-ەكونوميكالىق ىنتىماقتاستىقتى جانداندىرۋ ماقساتىندا كٶلٸك جەنە لوگيستيكا سالاسىنداعى پروبلەمالاردى شەشۋگە, ۆيزالىق رەجيمدٸ جەڭٸلدەتۋ ارقىلى تۋريستٸك ەلەۋەتتٸ دامىتۋ قاجەتتٸگٸنە ەرەكشە نازار اۋدارىلدى.
وسىعان بايلانىستى, قازاقستاندىق سٸم باسشىسى اراب ەرٸپتەستەرٸن ەكٸجاقتى ىنتىماقتاستىقتىڭ بارلىق باعىتتارى بويىنشا بەلسەندٸ ٸس-قيمىلعا شاقىردى.
سونىمەن قاتار ب.اتامقۇلوۆ ٷستٸمٸزدەگٸ جىلدىڭ 1-2 ناۋرىزىندا ابۋ-دابي قالاسىندا ٶتەتٸن يسلام ىنتىماقتاستىعى ۇيىمى (يىۇ) سىرتقى ٸستەر مينيسترلەرٸ كەڭەسٸنٸڭ 46-شى وتىرىسىنىڭ جۇمىسىنا قاتىساتىندىعىن راستادى. ول كٷن تەرتٸبٸندە بٸزدٸڭ ەلدەرٸمٸزگە قاتىستى مەسەلەلەردٸڭ كەڭ اۋقىمىن ەنگٸزٸلگەنٸن اتاپ ٶتتٸ. سٸم باسشىسى وسى ٸس-شارا اياسىندا يىۇ-عا مٷشە ەلدەر سىرتقى ٸستەر ۆەدومستۆولارىنىڭ باسشىلارىمەن, سونىڭ ٸشٸندە اراب مينيسترلەرٸمەن كەزدەسەتٸنٸن جەتكٸزدٸ.
