فوتو: mk-kz.kz
الماتىدا ٶتكەن حالىقارالىق BeWoman Asia 2025 فورۋمىندا رەسەيلٸك پسيحولوگ الەكسەي سيتنيكوۆ ۆلاديمير پۋتيندٸ «پاسسيونار تۇلعانىڭ» ٷلگٸسٸ رەتٸندە اتاپ ٶتتٸ. ونىڭ ايتۋىنشا, رەسەي پرەزيدەنتٸ ەلەمدٸك قىسىم مەن سوعىس جاعدايىنا قاراماستان «جەڭٸپ كەلە جاتقان» كٶشباسشى رەتٸندە ەرەكشەلەنەدٸ ەكەن.
«قاراڭىزدارشى, پۋتين سوققىنى قالاي قابىلدايدى?! 55 مەملەكەت ونىمەن سوعىسىپ جاتىر, ال ول جەڭٸپ كەلەدٸ. ترامپتىڭ ونى ۇشاق باسپالداعىندا قالاي قارسى العانىن كٶردٸڭٸزدەر مە? ول ەشكٸمدٸ بۇلاي قارسى المايدى. دەمەك, پاسسيونارلىق تەك ۇلتقا عانا ەمەس, تۇلعاعا دا تەن قاسيەت, ەرٸ ول ەلەمدٸ ٶزگەرتەتٸن كٷشكە اينالا الادى», — دەدٸ سيتنيكوۆ ساحنادان سٶيلەگەن سٶزٸندە.
بۇل مەلٸمدەمە ەلەۋمەتتٸك جەلٸلەردە ٷلكەن رەزونانس تۋدىردى, دەپ جازادى Ult.kz تٸلشٸسٸ.
شوۋ ارتىنداعى داۋ
فورۋمعا قاتىستى بىلتىر بٸرقاتار داۋ شىققان. ۆيزاجيستەر مەن hair-ستيليستەرگە «جۇلدىزدارمەن جۇمىس ٸستەۋ مٷمكٸندٸگٸ ٷشٸن تەگٸن قىزمەت كٶرسەتۋ» ۇسىنىلعان. بۇل ۇسىنىستى ۇيىمداستىرۋشىلار ەمەس, دەلدال كومپانييا اتىنان روبەرت الديياروۆ تاراتقان.
يۋلييا ەسٸمدٸ ستيليست بۇل ۇسىنىستى سىنعا الىپ, «ەدەمٸ شوۋ ارتىندا اقىسىز ەڭبەك جاتىر» دەپ جازدى. وسى وقيعا فورۋمنىڭ باستى يدەياسىنا – ەيەل ەڭبەگٸن دەرٸپتەۋ ۇستانىمىنا كٶلەڭكە تٷسٸردٸ. بۇل وقيعا BeWoman يميدجٸنە العاشقى كٷمەن ۇيالاتتى. ەيەل ەڭبەگٸن دەرٸپتەۋدٸ ماقسات ەتكەن فورۋم نەگە ەيەل ەڭبەگٸن باعالامادى? بەلگٸسٸز.
بىلتىر تاعى بٸر وعاش جاعداي بولدى: ٶزٸن پرەزيدەنت ەكٸمشٸلٸگٸنٸڭ ٶكٸلٸ رەتٸندە تانىستىرعان ارنۇر اپسەيتوۆ جاننا كانعا «ادال ەڭبەك ٷشٸن» مەدالٸن تابىس ەتتٸ. كەيٸن ونىڭ بۇل ماراپاتى جالعان ەكەنٸ انىقتالىپ, سوت شەشٸمٸمەن جازا تاعايىندالدى.
جاننا كان: «مۇنداي ماراپات بار ەكەنٸن دە بٸلمەپپٸن», – دەپ تٷسٸنٸكتەمە بەردٸ.
قوعام پٸكٸرٸ: ميسسييا ما, ماركەتينگ پە?
BeWoman فورۋمى تۋرالى پٸكٸر ەكٸۇشتى. بٸرٸ – ونى ەيەل ەلەۋەتٸن اشاتىن شابىت الاڭى دەسە, ەكٸنشٸسٸ – سەن مەن پيارعا قۇرىلعان شوۋ رەتٸندە كٶرەدٸ.
YouTube-تا جارييالانعان «BeWoman نەمەسە Beجاننا?» اتتى بەينەماتەريالدا اۆتور بۇل شارانى «جەكە برەندتٸ جىلجىتۋ قۇرالى» دەپ سيپاتتايدى.
ەلەۋمەتتٸك جەلٸلەردە جيٸ ايتىلعان سىندار: قوعامدىق ميسسييا ەمەس, يميدجدٸك PR اكتسييا, شىنايى ەيەل پروبلەمالارىنان الشاق glamour-شوۋ, قىمبات بيلەت – از مازمۇن.
دوسىم سەتپاەۆ: «كەيبٸر ەليتا ەلٸ دە ٶز دەكولونيزاتسيياسىن ٶتكەرمەگەن»
بەلگٸلٸ ساياساتتانۋشى دوسىم سەتپاەۆ ەلەۋمەتتٸك جەلٸگە بٷگٸن جارييالاعان جازباسىندا ەلدە ٶتەتٸن فورۋمدار تٶڭٸرەگٸندەگٸ داۋدى كەڭ كونتەكستە قاراستىرىپ, قازاقستانداعى كەيبٸر مەدەني جوبالاردىڭ يدەولوگييالىق باعىتىنا سىن ايتتى.
ونىڭ ايتۋىنشا, سوڭعى جىلدارى ەلدە رەسەيلٸك ينفوسىعاندار, پوپ-مەدەنيەت ٶكٸلدەرٸ مەن پسەۆدو-جۋرناليستەردٸ شاقىرۋ ٷردٸسٸ جيٸلەگەن.
«كەيبٸر ادامداردىڭ اقشاسى بار بولعان سوڭ, رەسەيدەن تٷرلٸ ينفوسىعاندار مەن كوميكتەردٸ شاقىرۋعا دەگەن “قۇشتارلىعى” الاڭداتادى. ولاردىڭ كٶپشٸلٸگٸ ەلدەقاشان زومبوجٷيەنٸڭ بٶلٸگٸنە اينالعان», — دەيدٸ ساياساتتانۋشى.
سەتپاەۆ مۇنى سانانىڭ وتارسىزدانباۋىمەن بايلانىستىرادى:
«كەڭەس وداعى ىدىراعالى 30 جىلدان اسسا دا, كەيبٸر ەليتالىق توپتار ەلٸ دە ٶتكەننٸڭ كٶلەڭكەسٸندە ٶمٸر سٷرٸپ جاتىر», — دەپ جازادى ول.
ساياساتتانۋشىنىڭ پٸكٸرٸنشە, ەگەر فورۋمدار شىن مەنٸندە زيياتكەرلٸك الاڭ بولعىسى كەلسە, كٶرشٸ ەلدٸڭ ناسيحاتشىلارىن ەمەس, ناقتى وي يەلەرٸن شاقىرۋى قاجەت.
«مەملەكەت قارجىسىن ٷگٸتشٸلەرگە ەمەس, ناعىز وي ٶندٸرۋشٸلەرگە جۇمساۋ كەرەك. ٶيتكەنٸ كٶرشٸ ەلدٸڭ ناسيحاتشىلارىن جٶنٸ تٷزۋ قوعام ەلدەقاشان قابىلداماي قويعان», — دەيدٸ ول.
سوڭعى جىلدارى قازاقستاندا ەيەل كٶشباسشىلىعى مەن گەندەرلٸك تەڭدٸك تاقىرىبى قوعام نازارىندا جيٸ قوزعالا باستادى. ەلەۋمەتتٸك جەلٸلەردە, ساياساتتا, بيزنەستە ەيەلدٸڭ رٶلٸن كٷشەيتۋگە باعىتتالعان جوبالار مەن فورۋمدار كٶبەيدٸ. سولاردىڭ ٸشٸندە ەڭ كٶپ تالقىلانعانى – الماتىدا ٶتكەن BeWoman فورۋمى.
الماتىداعى رەسپۋبليكا سارايىندا حالىقارالىق BeWOMAN Asia 2025 فورۋمىنا ەلەمنٸڭ تٷكپٸر-تٷكپٸرٸنەن كەلگەن سپيكەرلەر قاتىسىپ, تەحنولوگييا, بيزنەس, ەكولوگييا, پسيحولوگييا, ەكونوميكا جەنە ساياسات سالالارىنداعى تەجٸريبەلەرٸمەن بٶلٸستٸ. فورۋم سپيكەرلەرٸنٸڭ قاتارىندا تانىمال جۋرناليست ۆلاديمير پوزنەر, بيزنەس-ترەنەر يرينا حاكامادا, تەلەجٷرگٸزۋشٸ دينارا سەتجان جەنە موتيۆاتسييالىق سپيكەر برايان ترەيسي بار.
جالپى, ٸس-شاراعا 20 ەلدەن 100-دەن استام ساراپشى قاتىسىپ, ٶز سالالارىنداعى ٶزەكتٸ تاقىرىپتار بويىنشا بايانداما جاسادى.
اقبوتا مۇسابەكقىزى
