تٷركٸستان وبلىسىندا بەتاشار, قۇدالىق, قىز ۇزاتۋ سىندى وتباسىلىق مەرەكەلەر ٶتكٸزگەن 35 ادامعا ايپپۇل سالىندى, دەپ حابارلايدى "ۇلت اقپارات".
وبلىستىق پوليتسييا دەپارتامەنتٸنٸڭ باسپاسٶز قىزمەتٸنەن مەلٸم ەتكەندەي, كارانتين رەجيمٸ اياقتالماسا دا, شەكتەۋ شارالارىن ەلەمەيتٸندەر قاتارى ازايار ەمەس. جاقىندارى مەن تۋىستارىنىڭ باسىن قوسىپ, كٶپشٸلٸككە توي بەرٸپ, جيىن جاساپ جاتقاندار ەلٸ دە انىقتالۋدا. وعان قوسا حالىق كٶپ شوعىرلاناتىن ورىنداردا بەتپەردەسٸز جٷرٸپ, ٶز ٶمٸرٸن قاتەرگە تٸگٸپ جٷرگەندەر دە بارشىلىق.
مەسەلەن, وتىرار اۋدانى شەۋٸلدٸر اۋىلىندا بٸرنەشە جەرگٸلٸكتٸ تۇرعىننىڭ ازىق-تٷلٸك دٷكەنٸنە كارانتين رەجيمٸن ساقتاماي كٸرگەندٸگٸ انىقتالدى. تەرتٸپ ساقشىلارى اتالعان جايتتاردى قر ەكٸمشٸلٸك قۇقىق بۇزۋشىلىق تۋرالى كودەكسكە سەيكەس تٸركەپ, قۇجاتتاردى زاڭدى شەشٸم شىعارۋ ٷشٸن تيٸستٸ ورگاندارعا جٸبەرگەن.
2020 جىلدىڭ سوڭىنا قاراي 253 تۇلعاعا ەكٸمشٸلٸك حاتتاما تولتىرىلعان. ونىڭ ٸشٸندە جەكە تۇلعالار - 209, وتباسىلىق توي-جيىن جاساعاندار - 35 (بەتاشار-17, قۇدالىق-10, قىز ۇزاتۋ-4, كٶكپار-2, بەسٸك توي-1, اس-1).
«كارانتين كەزٸندە توي-جيىندار, باسقوسۋلار, وتباسىلىق, مەرەكەلٸك, ۇجىمدىق ٸس-شارالاردى ۇيىمداستىرۋعا تىيىم سالىنعان. وعان قوسا بەتپەردەلٸك رەجيم مەن اراقاشىقتىقتى ٷنەمٸ ساقتاۋ مٸندەتتەلەدٸ», - دەپ ەسكەرتەدٸ وبلىستىق پد.
