اقمولا وبلىسىنداعى بەستٶبە التىن كەنٸشٸندەگٸ شاحتادان التىندى زاڭسىز ٸزدەۋمەن اينالىسقان تاعى بٸر ادامنىڭ مەيٸتٸ تابىلدى, دەپ حابارلايدى قازاقپارات.
«بٷگٸن بەستٶبە كەنٸشٸندەگٸ «زاپادنايا» شاحتاسىنان 610 مەتر تەرەڭدٸكتە جٷرگٸزٸلگەن تەكسەرٸس بارىسىندا 3 ادام انىقتالدى. ونىڭ بٸرٸ ٶلٸ كٷيٸندە تابىلسا, ەكٸنشٸسٸ تٷرلٸ دەنە جاراقاتىن العان», - دەدٸ «التىنالماس» اك» اكتسيونەرلٸك قوعامىنىڭ باسپاسٶز قىزمەتٸنەن.
مەكەمەدەن اتاپ ٶتكەندەي, شاحتادان تابىلعان ادامداردىڭ ەكەۋٸ زاۆودسكوي اۋىلىنىڭ تۇرعىندارى, ٷشٸنشٸسٸ جاڭا قارابۇلاق اۋىلىنىڭ تۇرعىنى.
«شاحتا ٸشٸنەن تابىلعان ادامداردىڭ بارلىعى دا بەستٶبە كەنٸشٸنٸڭ جۇمىسشىلارى ەمەس. ٷشەۋٸ دە بٸرنەشە رەت, سونىڭ ٸشٸندە كٷزەتٸلەتٸن نىساندارعا زاڭسىز كٸرگەنٸ ٷشٸن جاۋاپقا تارتىلعان», - دەدٸ اق-تان.
انىقتالعانداي, اتالعان ٷش ادام التىن كەنٸن زاڭسىز ٶندٸرۋمەن اينالىسقان. ولاردى شاحتا ٸشٸندە وپىرىلعان تاس ٷيٸندٸسٸ باسىپ قالعان.
ايتا كەتسەك, اتالمىش شاحتانىڭ جۇمىس ٸستەمەي تۇرعانىنا بٸر جىلداي ۋاقىت بولعان. ٸشٸ جەراستى سۋىنا تولى, سونداي-اق جەلدەتۋ جەنە باسقا دا ينجەنەرلٸك جٷيەلەرٸ ٸستەن شىققان. سوندىقتان شاحتاعا كٸرۋ ادام ٶمٸرٸ ٷشٸن قاۋٸپتٸ.
