نۇر-سۇلتان قالالىق مەسليحاتىنىڭ حاتشىسى ەرلان قاناليموۆ ەلەكتروندى شىلىمدى تەمەكٸ بۇيىمدارىنا تەڭەستٸرۋدٸ ۇسىندى, دەپ حابارلايدى قازاقپارات.
«بٸلٸم باسقارماسى مەن پوليتسييا دەپارتامەنتٸنٸڭ بٸرگە نازار اۋدارۋىن سۇرايمىن, قازٸر ەلەكتروندى شىلىمعا قاتىستى ٷلكەن مەسەلە تۋىندادى. بۇل بٸزدٸڭ قوعامنىڭ قازٸرگٸ ناقتى مەسەلەسٸ. جوعارى سىنىپ وقۋشىلارى تەمەكٸ شەگەدٸ دەپ ايتپاي-اق قويايىن, قازٸر بەسٸنشٸ سىنىپ وقۋشىلارى دا تارتاتىن بولعان. ولار بارلىق جەردە ساتىلادى, اكتسيزدەلمەيدٸ – كەز كەلگەن ادامعا ساتىلا بەرەدٸ. وعان بٸر شارا قولدانايىق! مٷلدەم تىيىم سالۋ كەرەك دەپ ايتپايمىن, ساتىلا بەرسٸن, بٸراق ونى تەمەكٸ ٶنٸمدەرٸنە تەڭەستٸرٸپ, 21 جاستان اسقاندارعا عانا بەرٸلۋٸ كەرەك. بۇلاي جالعاسا بەرۋگە بولمايدى!», - دەدٸ ەرلان قاناليموۆ مەسليحاتتىڭ تۇراقتى كوميسسيياسىنىڭ وتىرىسىندا.
«بٸز تۇتاس بۋىندى ۋلاندىرىپ وتىرمىز. ولار قازٸر سالدارىن ويلاماۋى مٷمكٸن, زييانى جوق دەپ ويلايدى, بٸراق بەدەۋلٸك سەكٸلدٸ كٶپتەگەن مەسەلەگە ەكەلۋٸ مٷمكٸن. بۇل بٸزدٸڭ ۇرپاعىمىز. ەندٸ نە ٸستەۋ كەرەك? قانداي جولدارى بار? وسى مەسەلە بويىنشا سٸزدەرمەن بٸرگە شەشٸم قابىلدايىق», - دەدٸ ەرلان قاناليموۆ.
قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ دەپۋتاتتىڭ ۇسىنىسىن قابىلدادى جەنە ۆەدومستۆونىڭ بۇل مەسەلەنٸ سانيتارلىق-ەپيدەميولوگييالىق قاداعالاۋعا جەتكٸزەتٸنٸن ايتتى.
