قر ٸشكٸ ٸستەر ۆيتسە-مينيسترٸ يۋريي يلين بەس قىزدىڭ ٶمٸرٸن قيىپ كەتكەن قايعىلى وقيعانىڭ الدىن الا سەبەبٸن جارييالادى, دەپ xابارلايدى "ۇلت اقپارات".
ونىڭ ايتۋىنشا, ٶرت شىققان قۇرىلىس نىسانى ۋاقىتشا تۇرۋعا ارنالعان. ول جەردە تۋرا سونداي بٸرنەشە نىساندار بار. يەسٸ - قايتىس بولعان بالالاردىڭ اناسىنىڭ ٷلكەن اپاسى.
«الدىن الا قورىتىندىعا سەيكەس, بالالار يٸس تيٸپ, قايتىس بولعان. بۇل دەگەنٸڭٸز - ٷيدٸڭ تٶبەسٸ وپىرىلىپ قۇلاعاندا بارلىعى ەس-تٷسسٸز جاتقان», - دەدٸ يۋ.يلين جۋرناليستەرگە بەرگەن سۇxباتىندا.
ۆيتسە-مينيستردٸڭ سٶزٸنە قاراعاندا, قايعىلى جاعدايعا تاپ بولعان وتباسىنىڭ تۋىستارى جارتى ساعات بۇرىن بالالاردى كٶرٸپ كەتكەن. پەش تە دۇرىس ٸستەپ تۇرعان. ال تٷنگٸ ساعات 2:34 كٶرشٸلەر ٶرت سٶندٸرۋ قىزمەتٸنە xابار بەرگەن.
«ورتالىق پۋلتكە ٶرت تۋرالى اقپار تٷنگٸ ساعات 02:34-تە كٶرشٸسٸنەن كەلٸپ تٷستٸ. شىڭعىستاۋ كٶشەسٸندە ورنالاسقان "كٶكتال 1" تۇرعىن ٷي ماسسيۆٸندە ٶرت شىققان. ٶرت سٶندٸرۋشٸلەردٸڭ العاشقى بريگاداسى وقيعا ورنىنا جٶنەلتٸلدٸ. ەكٸ مينۋتتان كەيٸن بارلىق ٶزارا ٸس-قيمىل قىزمەتتەرٸنە, ياعني جەدەل جەردەم ستانتسيياسىنا, پوليتسيياعا حابار بەرٸلدٸ.
ٶرت سٶندٸرۋشٸلەر وقيعا ورنىنا كەلگەن كەزدە, اۋماعى 30 شارشى مەتر ۋاقىتشا قۇرىلىستىڭ جالىنعا ورانعانىن بايقايدى. ٶرتتٸ سٶندٸرۋ كەزٸندە ساعات 02:45-تە ٷيدٸڭ تٶبەسٸ جارىم-جارتىلاي قۇلاعان, ال 02:53-تە بەس مەيٸت تابىلدى.
ٶرت نەدەن شىقتى? دالاعا شىعاتىن مۇرجانىڭ اسبەست قاپتاماسى بولماعان. سودان اعاش شاتىر ٶرتەندٸ. ونىڭ ٷستٸنە بالالار تٷنگٸ ۋاقىتتا ەرەسەكتەردٸڭ قاراۋىنسىز قالعان. قازٸر ارنايى زەرتxانا جۇمىس ٸستەپ جاتىر. سونىڭ قورىتىندىسى بويىنشا ناقتى سەبەپتەر بەلگٸلٸ بولادى», - دەپ اتاپ كٶرسەتتٸ يۋ.يلين.
ايتا كەتەيٸك, 4 اقپان كٷنٸ تٷندە ەلوردانىڭ سارىارقا اۋدانىنداعى كٶكتال-1 تۇرعىن الابىندا ٶرت شىقتى. ٶرتتٸ سٶندٸرۋ بارىسىندا 2006, 2008, 2014, 2016, 2018 جىلى دٷنيەگە كەلگەن 5 بالانىڭ دەنەسٸ تابىلدى. ەڭ كٸشٸسٸ نەبەرٸ ٷش ايلىق سەبي ەدٸ.
ٶرت كەزٸندە بەس بالانىڭ اتا-اناسى تٷنگٸ جۇمىستا بولعان.
ٷيدٸڭ وتاعاسىن تٷنگٸ ۋاقىتتا جۇمىس بەرۋشٸسٸ شاقىرىپ العان. ول تەحنيكالىق قىزمەت كٶرسەتۋ ستانتسيياسىندا جۇمىس ٸستەگەن.
«تەرگەۋ ورگاندارىنىڭ اقپاراتىنا سەيكەس, بالالاردىڭ ەكەسٸ - 1984 جىلى تۋعان ازامات. ول تەxنيكالىق قىزمەت كٶرسەتۋ ستانساسىندا موتوريست بولىپ ٸستەيدٸ. كەشكٸ ۋاقىتتا ول پەشتٸ جاعىپ قويعان. سول كەزدە جۇمىس بەرۋشٸ ونى شۇعىل جۇمىسقا شاقىرىپ الادى. سول سەبەپتٸ ول تٷنگٸ ۋاقىتتا ٷيٸندە بولماي قالادى. ال, اناسى جاۋاپكەرشٸلٸگٸ شەكتەۋلٸ سەرٸكتەستٸكتە بٶلشەكتەپ ٶلشەۋشٸ بولىپ قىزمەت اتقارادى. ول دا تٷنگٸ اۋىسىمدا بولعان», - دەپ اتاپ كٶرسەتتٸ يۋ.يلين.
سونداي-اق قر ٸشكٸ ٸستەر مينيسترلٸگٸ ٶرتتٸڭ سالدارىنان بولعان قايعىلى وقيعالاردىڭ ستاتيستيكاسىن جارييالادى.
ۆيتسە-مينيستر يۋريي يليننٸڭ ايتۋىنشا, ٶتكەن جىلى رەسپۋبليكا بويىنشا 14 567 ٶرت وقيعاسى تٸركەلدٸ. ول بٸر جىل بۇرىن بولعان كٶرسەتكٸشتەن 6 پروتسەنتكە تٶمەن. بٸراق ٶرت سالدارىنان قايتىس بولعان ادامداردىڭ سانى 19 پروتسەنتكە ٶسٸپ, 434 ادامعا جەتتٸ. بٸر جىل بۇرىن اتالعان كٶرسەتكٸش 352 ادام بولعان. "بۇدان بٶلەك, ٶتكەن جىلى 412 ادام جاراقات الدى. جالپى, ماتەريالدىق شىعىننىڭ كٶلەمٸ 3,5 ميلليارد تەڭگەدەن استى", - دەدٸ يۋ.يلين.
ال استانا قالاسىن بويىنشا بىلتىر 699 ٶرت وقيعاسى تٸركەلگەن. سول كەزدە 10 ادام قايتىس بولعان. ولاردىڭ ٸشٸندە بٸر بالا بار. 2019 جىلدىڭ باسىنان بەرٸ ەلوردادا 69 ٶرت وقيعاسى بولدى. بٷگٸن قايعىلى وقيعادا قايتىس بولعان بەس بالا - بيىلعى جىلدىڭ العاشقى قۇرباندارى.
