قازاقستان ٶزٸنٸڭ تەۋەلسٸزدٸگٸندە مۇنداي قاتىگەزدٸككە العاش رەت تاپ بولدى. بۇل تۋرالى پارلامەنت مەجٸلٸسٸنٸڭ جالپى وتىرىسىندا قر باس پروكۋرورى بەرٸك اسىلوۆ مەلٸم ەتتٸ, دەپ حابارلايدى قازاقپارات.
«ميتينگٸلەر باستاپقىدا بەيبٸت بولعانى ٶزدەرٸڭٸزگە بەلگٸلٸ. بٸرٸنشٸ قاڭتاردان باستاپ باستىس ٶڭٸردەگٸ تۇرعىندار گاز باعاسىن تٶمەندەتۋدٸ تالاپ ەتتٸ. ياعني ەشقانداي ساياسات بولعان جوق, تازا ەلەۋمەتتٸك-ەكونوميكالىق تالاپتار قويىلدى. ٶڭٸرگە جەدەل تٷردە جولداعان ٷكٸمەت كوميسسيياسى گاز باعاسىنا قاتىستى تالاپتاردى قاناعاتتاندىردى. وسىعان قاراماستان, الماتى, شىمكەنت جەنە باسقا ٶڭٸرلەردە ادامدار كٶشەگە شىقتى. سولاردىڭ جالپى سانى ەكٸ كٷندە 50 مىڭنان استى», - دەدٸ اسىلوۆ.
وسى ورايدا باس پروكۋرور كٶشەگە شىققان ادامداردىڭ ەڭ كٶبٸ الماتىدا تٸركەلگەنٸن جەتكٸزدٸ.
«باسىندا جيىندار بەيبٸت سيپاتتا ٶتتٸ. الايدا جاعدايدىڭ باقىلاۋدان تىس شىعۋى قاتەرٸ ساعات سايىن ارتا باستادى. سوندىقتان ەكٸمدەر مەن دەپۋتاتتار حالىقپەن سان رەت كەزدەسٸپ, قوعامدىق تەرتٸپتٸ بۇزباۋدى سۇرادى. ال پروكۋرورلار جەر-جەردە نارازىلىق اكتسييالارىنىڭ زاڭسىزدىعىن جەنە ولارعا قاتىستى قاتىسۋ ٷشٸن جاۋاپكەرشٸلٸكتٸ تٷسٸندٸردٸ», - دەدٸ باس پروكۋرور.
ەسكە سالا كەتەيٸك, بٷگٸن مەجٸلٸستٸڭ جالپى وتىرىسىندا باس پروكۋراتۋرا, ٸشكٸ ٸستەر, سىبايلاس جەمقورلىققا قارسى قىزمەت جەنە باسقا دا مەملەكەتتٸك ورگان باسشىلارى «قاڭتار وقيعاسىنا» قاتىستى تەرگەۋ بارىسى تۋرالى دەپۋتاتتار ساۋالىنا جاۋاپ بەرۋدە.
