بٷگٸن قر جوعارعى سوتى اتىراۋ وبلىسىنىڭ ەكس-ەكٸمٸ بەرگەي رىسقاليەۆتٸڭ ٸسٸنە قاتىستى باس پروكۋراتۋرانىڭ كاسساتسييالىق قارسىلىعىن قاناعاتتاندىردى. نەتيجەسٸندە بارلىق تەركٸلەنگەن مٷلٸك بۇرىنعى ەكٸمنٸڭ وتباسىنا قايتارىلاتىن بولدى, - دەپ حابارلايدى «ۇلت اقپارات».
بۇل اقپاراتتى جوعارعى سوتتىڭ باسپاسٶز جەتەكشٸسٸ ايدوس سەدۋاقاسوۆ تا راستادى. «يە, شىنىمەن دە بٷگٸن جوعارعى سوت باس پروكۋراتۋرانىڭ كاساتسييالىق قارسىلىعىن قاراستىرىپ, قاناعاتتاندىردى», – دەدٸ ول.
مامىر ايىنىڭ سوڭىندا باس پروكۋرور عيزات نۇردەۋلەتوۆ بەرگەي رىسقاليەۆ پەن ونىڭ اعاسىنىڭ مٷلٸگٸن تەركٸلەۋ بٶلٸمٸنە قاتىستى ٷكٸمٸن قايتا قاراستىرۋ ٷشٸن جوعارعى سوتقا كاسساتسييالىق قارسىلىق تٷسٸرگەن بولاتىن.
ايتا كەتۋ كەرەك, 2008 جىلدان بەرٸ رىسقاليەۆ, القاباسوۆ جەنە ٸزباسار بيۋدجەت قارجىسىنا ٸرٸ كٶلەمدە شىعىن كەلتٸرگەنٸ ٷشٸن ايىپتالىپ, ٸستٸ بولعان ەدٸ. الايدا, سوت باس پروكۋروردىڭ تٷسٸنٸكتەمەسٸنە سٷيەنٸپ, 2008 جىلعا دەيٸن اتىندا بولعان مٷلٸگٸن تەركٸلەگەن.
بەرگەي رىسقاليەۆ 2006-2012 جىلدار اراسىندا اتىراۋ وبلىسىنىڭ ەكٸمٸ بولدى. ال ونىڭ اعاسى امانجان مەجٸلٸستە دەپۋتات ەدٸ. 2013 جىلى قارجى پوليتسيياسى ولارعا قارسى قىلمىستىق ٸس قوزعاپ, ەرتٷرلٸ قىلمىستىق ايىپ تاعىپ, سىرتتاۋ ٷكٸم شىعاردى.
