بٷگٸن قر پرەمەر-مينيسترٸنٸڭ ورىنباسارى بەردٸبەك ساپارباەۆ پەن اتىراۋ وبلىسىنىڭ ەكٸمٸ نۇرلان نوعاەۆ ايماق جۇرتشىلىعىمەن كەزدەستٸ, دەپ حابارلايدى "ۇلت اقپارات".
ٷكٸمەت باسشىسىنىڭ ورىنباسارى ٶز سٶزٸندە ەل پرەزيدەنتٸنٸڭ قازاقستان حالقىنا ارناعان جولداۋىنداعى قويىلعان مٸندەتتەردٸ شەشۋگە باعىتتالعان شارالار تۋرالى باياندادى. نەگٸزگٸ ماقساتتاردىڭ بٸرٸ - وتانداستارىمىزدىڭ ٶمٸر سٷرۋ دەڭگەيٸن كٶتەرۋ. جىل سايىن ەلەۋمەتتٸك سالانى قارجىلاندىرۋ ٶسٸپ كەلەدٸ. اعىمداعى جىلى مەملەكەت بيۋدجەتٸنٸڭ 45% دەنساۋلىق ساقتاۋ, بٸلٸم بەرۋ, مەدەنيەت پەن سپورتتى قارجىلاندىرۋعا جۇمسالدى. تاعى بٸر ماڭىزدى ماقسات - جالاقى دەڭگەيٸن كٶتەرۋ. بۇل مەسەلە ٶكٸمەتتٸڭ جىل سايىنعى كٷن تەرتٸبٸنەن تٷسپەي كەلەدٸ. «از قامتىلعان, كٶپ بالالى وتباسىلاردى قولداۋ كٷن تەرتٸبٸنەن تٷسپەيدٸ. وسى ساناتتاعى وتانداستارىمىزدى قولداۋ ٷشٸن بٷگٸندە بيۋدجەتتەن 147 ملرد تەڭگە جۇمسالدى. بۇل باعىتتا 2 ملن ادام قامتىلدى», - دەدٸ بەردٸبەك ساپارباەۆ.
وسىنداي وتباسىلارعا ٶز ٸسٸن اشىپ, ەلەۋمەتتٸك جاعدايىن جاقسارتىپ الۋ ٷشٸن مەملەكەت بارلىق جاعدايلاردى جاساۋدا. ەسەپتەۋلەر بويىنشا, 8 مىڭ ادام ٶز ٸسٸن باستاپ, 7 مىڭ ادام اتاۋلى ەلەۋمەتتٸك كٶمەكتٸ جەكە شارۋاشىلىعىن دامىتۋعا جۇمساعان. 3,5 مىڭعا جۋىق كٶپبالالى وتباسى گرانتتار الدى. بۇل دا ەلەۋمەتتٸك جاعدايدى دۇرىستاپ, قوعامداعى احۋالدى قالىپتاستىرۋعا سەپتٸگٸن تيگٸزەدٸ.
ب. ساپارباەۆ اتاۋلى ەلەۋمەتتٸك كٶمەك بەرۋ تۋرالى ايتا كەلٸپ, قولداۋ كٶرسەتۋ ماسىلدىق پيعىلدىڭ ٶرشۋٸنە سوقتىرماۋ كەرەكتٸگٸن دە اتاپ ٶتتٸ. سونىمەن قاتار, دارىندى بالالاردى قولداۋ كارتاسى مەن 2030 جىلعا دەيٸن جاساقتالعان بالالاردىڭ مٷددەسٸنە ارنالعان قازاقستان رەسپۋبليكاسىنىڭ ساياساتى تۋرالى تۇجىرىمداماسى جٶنٸندە دە بٶلەك ەڭگٸمە قاۋزادى. ەلەۋمەتتٸك جاعىنان از قامتىلعان توپتارعا قارجىلىق سالماقتى ازايتۋعا باعىتتالعان بٸراز شارۋا اتقارىلدى. 500 مىڭ وتانداسىمىزدىڭ تۇتىنۋ نەسيەلەرٸ ازايتىلدى.
ازاماتتىق قوعامدى دامىتۋ دا ٶزەكتٸ تاقىرىپتاردىڭ بٸرٸ. ٷكٸمەت باسشىسى ورىنباسارىنىڭ سٶزٸنە قاراعاندا, ەكٸ تۇجىرىمداما جاساقتالۋدا: بٸرٸ - «ەلەڭدەيتٸن مەملەكەت» جەنە 2025 جىلعا دەيٸنگٸ ازاماتتىق قوعامدى دامىتۋ. بۇل قۇجاتتار جىلدىڭ سوڭىنا دەيٸن دايىن بولۋى كەرەك. «مەملەكەتتٸك قىزمەتكەرلەر ٶز جۇرتشىلىعىنا ەلەڭدەۋٸ كەرەك. ازاماتتاردىڭ بٸردە-بٸر ٶتٸنٸشٸ مەن شاعىمى قاراۋسىز نەمەسە جاۋاپسىز قالماۋى تيٸس», - دەپ اتاپ ٶتتٸ بەردٸبەك ساپارباەۆ.
سونداي-اق ول بٸلٸم بەرۋ سالاسىنداعى, پەداگوگتاردىڭ قۇقىعىن قورعاۋعا جٶنٸندەگٸ اتقارىلعان جۇمىستارعا دا توقتالىپ ٶتتٸ. ماتەريالدىق جاعدايلارىنىڭ جاقسارۋىنا, جالاقىنىڭ ٶسۋٸنە دە قاتىستى بٸرقاتار جۇمىستار جالعاسىن تاۋىپ كەلەدٸ. «بٸزدە دارىندى بالالار ٶتە كٶپ. بۇل - ەلدٸڭ بولاشاعى. ولاردى قولداۋىمىز كەرەك»,- دەدٸ ٶز سٶزٸندە پرەمەر-مينيستردٸڭ ورىنباسارى.
