بەردەنوۆ سوتتالۋشىنىڭ مەلٸمدەمەسٸنە جاۋاپ بەردٸ

فوتو: parlam.kz

رۋسلان بەردەنوۆ سوتتا جاۋاپكەر جيەنباي تاراپىنان ايتىلىپ جاتقان مەلٸمدەمەلەرگە ەلەۋمەتتٸك جەلٸدە جاۋاپ بەردٸ, دەپ حابارلايدى Ult.kz.

«بۇل تەك قانا شانتاج جەنە قىسىم كٶرسەتۋ ەرەكەتٸ. سوڭعى رەت مەن ونى سول كٷنٸ, دەل ٶزٸ اڭشى مىلتىعىنان اتىپ كەتكەن كەشتە كٶردٸم. ودان كەيٸن بٸزدە ەشقانداي بايلانىس بولعان جوق.
كەيٸنٸرەك ول ٶكٸلدەرٸمەن بٸرگە مەنٸڭ قورعاۋشىلارىممەن بايلانىس ورناتۋعا تىرىسىپ, «دوستاسۋدى» ۇسىندى. كەشٸرٸم بەرٸلسە, شۋ كٶتەرمەيمٸز دەدٸ, ال باس تارتقان جاعدايدا «اقپاراتتىق جارىلىس» جاسايمىز دەپ سەس كٶرسەتتٸ. تٸپتٸ, ايىپتالۋشىنىڭ ەكەسٸ ٶزٸن-ٶزٸ ٶرتەيدٸ دەگەن مەلٸمدەمە جاسالاتىنىن ايتتى», -دەدٸ ول.

مەن ونىڭ جۇبايىن دا, وتباسىن دا تانىمايمىن

بەردەنوۆ مۇنى تٸكەلەي قىسىم دەپ باعالاپ, قانداي دا بٸر قىسىم مەن ارانداتۋعا جول بەرمەيتٸنٸن مەلٸمدەدٸ. سونداي-اق قاقتىعىس كەسٸبي, قىزمەتتٸك سيپاتتا ەكەنٸن ايتىپ وتىر.

«جاۋاپكەر كەلٸسٸم اياسىنداعى جۇمىسىن ادال اتقارعىسى كەلمەدٸ, ەسەپ بەرۋدەن جالتاردى. مەن تەك اشىقتىق پەن مٸندەتتەمەلەردٸڭ ورىندالۋىن تالاپ ەتتٸم. ال قوعام نازارىن «قىزعانىش», «جەكە قاتىناس», «جۇبايى» سەكٸلدٸ جالعان سەبەپتەرگە بۇرۋ - مانيپۋلياتسييا, شىندىقتان الىستاتۋ. مەن ونىڭ جۇبايىن دا, وتباسىن دا تانىمايمىن. ول مەن ٷشٸن تەك مەردٸگەر بولاتىن.
بۇدان دا سوراقىسى – بٷگٸندە بۇل جالعان مەلٸمدەمەلەرگە قالا ەكٸمٸنە قاتىستى تۇستاردى دا قوسىپ جاتىر. بۇل تاعى دا ٸستٸڭ اقيقاتقا ەمەس, قىسىم كٶرسەتۋ مەن بەدەلگە نۇقسان كەلتٸرۋگە باعىتتالعان ٶرەسكەل مانيپۋلياتسييا ەكەنٸن دەلەلدەيدٸ. مەن مۇنداي مەلٸمدەمەلەردٸ ٷزٸلدٸ-كەسٸلدٸ جوققا شىعارامىن جەنە ولاردى مويىندامايمىن», -دەدٸ رۋسلان بەردەنوۆ.

ەدٸلەتتٸ, اشىق سوتقا سەنەمٸن

ول دەپۋتاتتىق ٶكٸلەت مەرزٸمٸ اياقتالعان سوڭ دا, مەملەكەتكە ادال قىزمەت ەتۋ جولىنان تايماعانىن, سوڭعى ٷش جىلىن وسى جولعا ارناعانىن جەنە قالا ەكٸمٸنٸڭ شاقىرۋىمەن ەكٸمدٸككە كەلٸپ, اشىق, ادال جۇمىس ٸستەۋگە, حالىققا شىنايى كٶمەك كٶرسەتۋگە كٷش سالعانىن ايتىپتى.

«مەن سايلاۋعا بارىپ, ەلٸمدٸ جاقسارتقىم كەلدٸ. مەنٸڭ ارتىمدا ەلٸمٸزگە, ٶزگەرٸستەرگە سەنەتٸن جاستار تۇر. بۇل - ٷلكەن جاۋاپكەرشٸلٸك, مەن ونى سەزٸنەمٸن. ەكٸمدٸكتەگٸ جۇمىسىم دا وسى سەنٸمدٸ اقتاۋعا باعىتتالعان. ماعان قارسى ايتىلعان جالا, جاپقان جالعان ايىپتار مەنٸ جولىمنان تايدىرمايدى. ەلٸ دە ەدٸلەتتٸ, اشىق سوتقا سەنەمٸن», -دەدٸ بەردەنوۆ.

دەنساۋلىعىنا قاتىستى بايانداعان ەكٸم ورىنباسارى دەنەسٸندە اڭشى مىلتىعىنىڭ 60-تان كٶپ قورعاسىن وقتارى ەلٸ دە بارىن ايتتى. «بۇل قۇجاتپەن راستالعان فاكت» دەدٸ ول.

«سوتتاعى جوقتىعىمدى, ٷنسٸزدٸگٸمدٸ ٶزدەرٸنە تيٸمدٸ جاعىنا بۇرىپ, قوعامدىق پٸكٸرمەن ويناعىسى كەلەتٸندەر بار. بٸراق ٷنسٸزدٸك كەلٸسٸم دەگەن سٶز ەمەس. مەن ەدٸلەتتٸ سوتتى كٷتٸپ وتىرمىن», - دەدٸ بەردەنوۆ جازباسىندا.

جيەنبايدىڭ سوتتاعى سٶزٸ

كەشە ٶتكەن سوت وتىرىسىندا ايىپتالۋشى ەرنار جيەنباي كٸنەسٸن مويىندامايتىنىن, تەك "قورقىتۋ ٷشٸن" جاسالعان ەرەكەت ەكەنٸن ايتتى. ول رۋسلان بەردەنوۆ ەيەلٸنە حابارلاما جازعانىن ايتتى. 

 «ەيەلٸمنٸڭ تەلەفونىنا قاراسام, رۋسلان بەردەنوۆ وعان لايك باسىپ, "سەن ەدەمٸسٸڭ!" دەپ جازعان. مەن بۇدان ارتىق ەشتەڭە ويلاعان جوقپىن» , – دەدٸ ول.

وقيعانىڭ مەن-جايى

ايتا كەتەيٸك, بيىل 21 سەۋٸردە شىمكەنت قالاسى ەكٸمدٸگٸ عيماراتىنىڭ ماڭىندا قالا ەكٸمٸنٸڭ ورىنباسارى رۋسلان بەردەنوۆكە اڭشىلىق قارۋدان وق اتىلعان. شەنەۋنٸك جاراقات الىپ, اۋرۋحاناعا جەتكٸزٸلگەن. 4 ساعاتتىق وتادان كەيٸن ول امان قالدى.

كٷدٸكتٸ ەرنار جيەنباي ەسٸمدٸ ازامات ۇستالعان. ايىپتالۋشىعا "ادام ٶلتٸرۋگە وقتالدى" دەگەن ايىپ تاعىلعان.

سوت شىمكەنتتەگٸ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا ٶتٸپ جاتىر. سوت اشىق ٶتۋدە. جەبٸرلەنۋشٸ بەردەنوۆ سوتقا قاتىسپادى. مۇنى ول "دەنساۋلىعىنا بايلانىستى" دەپ تٷسٸندٸردٸ.