بەندەر-ابباس پورتىندا قازاقستاننىڭ تەرمينالىن سالۋعا ٷمٸتتەنەمٸز. بۇل تۋرالى بٷگٸن تٷركييانىڭ بيزنەس كاپيتاندارىمەن كەزدەسۋ بارىسىندا ەلباسى نۇرسۇلتان نازارباەۆ ايتتى, دەپ حابارلايدى قازاقپارات تٸلشٸسٸ.
«ەۋروپا مەن ازييا اراسىنداعى ترانسقۇرلىقتىق مۋلتيمودالدى تاسىمال بەلسەندٸ دامۋدا. ەلٸمٸز ارقىلى 5 تەمٸر جولى جەنە 6 حالىقارالىق اۆتوموبيل جولى ٶتەدٸ. ترانسكاسپيي مۋلتيمودالدى تاسىمالدى دامىتۋ ماقساتىندا بٸز كەيٸنگٸ كەزدەرٸ ٶتە كٶپ جۇمىس جاسادىق. «نۇرلى جول» باعدارلاماسى مەن قىتايدىڭ «جٸبەك جولى» باعدارلاماسى بٸرٸگٸپ, ٷلكەن جۇمىستار اتقارىلدى», دەپ اتاپ ٶتتٸ نۇرسۇلتان نازارباەۆ.
مەملەكەت باسشىسى قازاقستاننىڭ ۇلان-عايىر جەرٸندە 4 جىلدىڭ ٸشٸندە 5 مىڭ شاقىرىم اۆتوموبيل جولى, 2,5 مىڭ شاقىرىم تەمٸرجول سالىنعانىن اتاپ ٶتتٸ. سونىمەن قاتار قىتايدىڭ شىعىس جاعىندا, تىنىق مۇحيتى شەتٸندەگٸ ليانيانگان پورتىندا قازاقستاننىڭ تەرمينالى سالىنعانىن ايتتى.
«سول پورت ارقىلى قىتاي, قازاقستان, رەسەي ارقىلى ەۋروپاعا ٶتٸپ جاتقان كونتەينەرلەردٸڭ سانى جىل سايىن ەكٸ ەسەگە ٶسٸپ وتىرادى. ەندٸ قازٸر بٸز اقتاۋ پورتىن جاڭارتتىق, ونىڭ مٷمكٸندٸگٸ كەڭەيدٸ. قازاقستان-ەزەربايجان-گرۋزييا-تٷركييا-كارس-كارتساحي جولىن پايدالانتىن بولساق, جاڭادان مٷمكٸندٸكتەر پايدا بولادى. وسى جولدىڭ جوقتىعىنان بٸز قارا تەڭٸز, رەسەي ارقىلى كەلٸپ وتىراتىنبىز. ول قيىن ەدٸ. قازٸر تٸكەلەي جولمەن شىعۋعا مٷمكٸنشٸلٸك بار, پايدالانۋىمىز كەرەك», - دەدٸ مەملەكەت باسشىسى.
نۇرسۇلتان نازارباەۆ قازاقستان تٷرٸكمەنستان, يران ارقىلى پارسى شىعاناعىنا دا شىققانىن ايتتى.
«بەندەر-ابباس پورتىندا قازاقستاننىڭ تەرمينالىن سالۋدان ٷمٸتتٸمٸز. سونىمەن كاسپيي پورتتارىنىڭ جالپى جىلدىق ٶتكٸزۋ قابٸلەتٸ 25 ملن تونناعا جەتتٸ. ولار قىتايدى, ازييانىڭ باسقا مەملەكەتتەرٸن جەرورتا تەڭٸزٸ ارقىلى تٷركييامەن بايلانىستىراتىن بولادى. بۇل مٷمكٸنشٸلٸكتەردٸ تٷركييا كومپانييالارىنىڭ قولدانۋىنا بٸز ەر ۋاقىتتا دا مٷددەلٸمٸز. وعان بارلىق جاعداي جاسايمىز», - دەدٸ ەلباسى.
ايتا كەتەيٸك, قازاقستان پرەزيدەنتٸمەن كەزدەسۋگە تٷركييا ەكونوميكاسىنىڭ 15 پايىزىن قۇرايتىن 25 كومپانييانىڭ باسشىلارى قاتىستى. اتالعان كومپانييالار اۋىل شارۋاشىلىعى, تاماق ٶنەركەسٸبٸ, گەولوگييا جەنە تاۋ-كەن ٶندٸرۋ ٶنەركەسٸبٸ, حيمييا ٶنەركەسٸبٸ, ماشينا جاساۋ, جەڭٸل ٶنەركەسٸپ, دەنساۋلىق ساقتاۋ جەنە فارماتسەۆتيكا سالالارىندا جۇمىس ٸستەيدٸ.
