بەلگٸلٸ جۋرناليست, سپورت كوممەنتاتورى امانگەلدٸ سەيٸتحان باقيلىق بولدى, دەپ حابارلايدى "ۇلت اقپارات".
قارالى حاباردى ەرٸپتەسٸ جاندوس ايتباي راستادى.
«ول كٸسٸ اۋرۋحانادا كٶپ جاتقان جوق. كەشە جانساقتاۋ بٶلٸمٸنە تٷستٸ. بٷگٸن ايىرىلىپ قالدىق. سوڭعى كٷنگە دەيٸن جاسىرىپ, جانى قينالىپ جاتسا دا ەشكٸمگە بٸلدٸرمەدٸ», - دەدٸ جۋرناليست جاندوس ايتباي.
الماتى وبلىسىنداعى «حابار» اگەنتتٸگٸنٸڭ مەنشٸكتٸ تٸلشٸسٸ ارداق ايبارۇلى دا Facebook-تەگٸ پاراقشاسىندا بەلگٸلٸ جۋرناليستٸڭ كوروناۆيرۋسپەن اۋىرعانىن جازدى.
«بۇل اجال دەگەنگە شارا بار ما? بەلگٸلٸ سپورت كوممەنتاتورى امانگەلدٸ سەيٸتحان اعامىزدان ايىرىلىپ قالدىق. مىنا اتى جامان ٸندەت ەشكٸمدٸ ايامادى-اۋ. نە دەرٸمدٸ بٸلمەي وتىرمىن. دٷنيە - جالعان دەگەن وسى. وتباسى, تۋعان-تۋىس, دوس-باۋىرلارىنا قايعىرا كٶڭٸل ايتامىن. يماندى بولىڭىز, جەزدەكە», - دەپ جازدى ول.
امانگەلدٸ مۋاتقانۇلى 1969 جىلى 11 مامىر كٷنٸ شىعىس قازاقستان وبلىسىنىڭ ماقانشى اۋدانىندا دٷنيەگە كەلگەن. 1991-1994 جىلدارى «سپورت» گازەتٸندە ٸستەپ, 1994 جىلى «قازاقستان» تەلەراديوكورپوراتسيياسىندا «تۇعىر» اتتى باعدارلاما اشىپ, جٷرگٸزۋشٸسٸ بولعان. ول تەلەارناداعى سپورت بٶلٸمٸندە باس رەداكتوردىڭ ورىنباسارى قىزمەتٸن دە قاتار اتقاردى. كەيٸن «قۇمساعات» باعدارلاماسىنىڭ سپورتتىق اقپاراتتار بويىنشا پروديۋسەرٸ اتاندى.
ال 1997 جىلى «حابار» ارناسىنا اۋىسىپ, وسى كٷنگە دەيٸن اتالعان اگەنتتٸكتە جۇمىس ٸستەپ كەلدٸ.
فۋتبولدان 1998 جىلى فرانتسيياداعى ەلەم چەمپيوناتىندا قازاق تٸلٸندە كوممەنتاتور بولدى. ودان كەيٸن 1999 جىلى بانگكوكتەگٸ ازييا ويىندارىن, 2000 جىلى سيدنەيدەگٸ وليمپييا ويىندارىن, 2002 جىلعى سولت-لەيك-سيتيدەگٸ اق وليمپيادانى «حابار» ارناسىنىڭ ەفيرٸندە قازاقشا سٶيلەتتٸ.
امانگەلدٸ سەيٸتحان 2000 جىلى ەلٸمٸزدەگٸ سپورت جۋرناليستەرٸنە بەرٸلەتٸن سەيداحمەت بەردٸقۇلوۆ اتىنداعى سىيلىقتىڭ لاۋرەاتى اتاندى.
سپورت شاراسىن «جەڭٸستٸ كٷندەردە جولىققانشا» دەپ اياقتايتىنىمەن كٶرەرمەندەر ىقىلاسىنا بٶلەنگەن ەدٸ.
وسى ورايدا, ۇلت پورتالىنىڭ ۇجىمى قازاق جۇرتىنا قادٸرلٸ بولعان جۋرناليستٸڭ مەزگٸلسٸز دٷنيەدەن وزۋىنا بايلانىستى ونىڭ وتباسى مەن تۋعان-تۋىستارىنا قايعىرىپ كٶڭٸل ايتادى.
مارقۇمنىڭ جاتقان جەرٸ جايلى, توپىراعى تورقا بولسىن. پەيٸشتە نۇرى شالقىپ, جاراتقان ارتىنداعى ۇرپاعىنا ۇزاق عۇمىر بەرسٸن!
