Belgili jýrnalist, sport kommentatory Amangeldi Seiithan baqilyq boldy, dep habarlaidy "Ult aqparat".
Qaraly habardy áriptesi Jandos Aitbai rastady.
«Ol kisi aýrýhanada kóp jatqan joq. Keshe jansaqtaý bólimine tústi. Búgin aiyrylyp qaldyq. Sońǵy kúnge deiin jasyryp, jany qinalyp jatsa da eshkimge bildirmedi», - dedi jýrnalist Jandos Aitbai.
Almaty oblysyndaǵy «Habar» agenttiginiń menshikti tilshisi Ardaq Aibaruly da Facebook-tegi paraqshasynda belgili jýrnalistiń koronavirýspen aýyrǵanyn jazdy.
«Bul ajal degenge shara bar ma? Belgili sport kommentatory Amangeldi Seiithan aǵamyzdan aiyrylyp qaldyq. Myna aty jaman indet eshkimdi aiamady-aý. Ne derimdi bilmei otyrmyn. Dúnie - jalǵan degen osy. Otbasy, týǵan-týys, dos-baýyrlaryna qaiǵyra kóńil aitamyn. Imandy bolyńyz, jezdeke», - dep jazdy ol.
Amangeldi Mýatqanuly 1969 jyly 11 mamyr kúni Shyǵys Qazaqstan oblysynyń Maqanshy aýdanynda dúniege kelgen. 1991-1994 jyldary «Sport» gazetinde istep, 1994 jyly «Qazaqstan» teleradiokorporatsiiasynda «Tuǵyr» atty baǵdarlama ashyp, júrgizýshisi bolǵan. Ol telearnadaǵy sport bóliminde bas redaktordyń orynbasary qyzmetin de qatar atqardy. Keiin «Qumsaǵat» baǵdarlamasynyń sporttyq aqparattar boiynsha prodiýseri atandy.
Al 1997 jyly «Habar» arnasyna aýysyp, osy kúnge deiin atalǵan agenttikte jumys istep keldi.
Fýtboldan 1998 jyly Frantsiiadaǵy Álem chempionatynda qazaq tilinde kommentator boldy. Odan keiin 1999 jyly Bangkoktegi Aziia oiyndaryn, 2000 jyly Sidneidegi Olimpiia oiyndaryn, 2002 jylǵy Solt-Leik-Sitidegi aq Olimpiadany «Habar» arnasynyń efirinde qazaqsha sóiletti.
Amangeldi Seiithan 2000 jyly elimizdegi sport jýrnalisterine beriletin Seidahmet Berdiqulov atyndaǵy syilyqtyń laýreaty atandy.
Sport sharasyn «jeńisti kúnderde jolyqqansha» dep aiaqtaitynymen kórermender yqylasyna bólengen edi.
Osy oraida, Ult portalynyń ujymy qazaq jurtyna qadirli bolǵan jýrnalistiń mezgilsiz dúnieden ozýyna bailanysty onyń otbasy men týǵan-týystaryna qaiǵyryp kóńil aitady.
Marqumnyń jatqan jeri jaily, topyraǵy torqa bolsyn. Peiishte nury shalqyp, Jaratqan artyndaǵy urpaǵyna uzaq ǵumyr bersin!
