بەلگٸلٸ ماتەماتيك, قازاقستان ۇلتتىق عىلىم اكادەميياسىنىڭ اكادەميگٸ, پروفەسسور اسقار جۇمادٸلداەۆ ٶزٸ جاسىرعان ەسەپتٸڭ جاۋابىن تاپقاندارعا 1400 دوللار (بٷگٸنگٸ باعاممەن – شامامەن 590 مىڭ تەڭگە) بەرەدٸ.
بۇل تۋرالى ول "Qazaqstan" ۇلتتىق ارناسىنداعى "Tańsholpan" باعدارلاماسىندا ايتتى.
اكادەميكتٸڭ ەسەبٸ – ح!+1=ۋ2. ايتۋىنشا, بۇل تەڭدەۋدٸ ەلۋ جاسقا تولعاندا جاسىرعان. ول كەزدە سىياقى قۇنى 100 دوللار ەدٸ.
"بۇل ەسەپتٸ مەن 50 جاسىمدا بەرگەنمٸن. ح!+1=ۋ2 دەگەن ەسەپ. قازٸر ونىڭ باعاسى 1400 دوللار بولدى. جىل سايىن 100 دوللارعا كٶبەيەدٸ. مەن ٶلگەنشە 100 دوللارعا ٶسٸپ تۇرادى", - دەدٸ 64 جاستاعى پروفەسسور.
بۇل ٶتە قيىن ەسەپ, ونى شىعارۋ مٷمكٸن ەمەس, دەپ جالعاستىردى ماتەماتيك.
"مەن ٶزٸم دە شىعارا المايمىن. شىعارا المايتىن ەسەپتەر كٶپ قوي", - دەيدٸ جۇمادٸلداەۆ.
اسقار جۇمادٸلداەۆ 1956 جىلى 25 اقپاندا قىزىلوردا وبلىسىندا تۋعان.
قازاقستان رەسپۋبليكاسى ۇلتتىق عىلىم اكادەميياسىنىڭ اكادەميگٸ, فيزيكا-ماتەماتيكا عىلىمدارىنىڭ دوكتورى, پروفەسسور.
سوڭعى جىلدارى اكادەميك جاستاردىڭ ماتەماتيكاعا ىنتا-ىقىلاسىن وياتۋ ٷشٸن بايقاۋ ۇيىمداستىرىپ جٷر. ەسەپتٸ شىعارعاندارعا سىياقى بەرٸلەدٸ.
