Belgili matematik, Qazaqstan Ulttyq ǵylym akademiiasynyń akademigi, professor Asqar Jumadildaev ózi jasyrǵan eseptiń jaýabyn tapqandarǵa 1400 dollar (búgingi baǵammen – shamamen 590 myń teńge) beredi.
Bul týraly ol "Qazaqstan" ulttyq arnasyndaǵy "Tańsholpan" baǵdarlamasynda aitty.
Akademiktiń esebi – h!+1=ý2. Aitýynsha, bul teńdeýdi elý jasqa tolǵanda jasyrǵan. Ol kezde syiaqy quny 100 dollar edi.
"Bul esepti men 50 jasymda bergenmin. h!+1=ý2 degen esep. Qazir onyń baǵasy 1400 dollar boldy. Jyl saiyn 100 dollarǵa kóbeiedi. Men ólgenshe 100 dollarǵa ósip turady", - dedi 64 jastaǵy professor.
Bul óte qiyn esep, ony shyǵarý múmkin emes, dep jalǵastyrdy matematik.
"Men ózim de shyǵara almaimyn. Shyǵara almaityn esepter kóp qoi", - deidi Jumadildaev.
Asqar Jumadildaev 1956 jyly 25 aqpanda Qyzylorda oblysynda týǵan.
Qazaqstan Respýblikasy Ulttyq ǵylym akademiiasynyń akademigi, fizika-matematika ǵylymdarynyń doktory, professor.
Sońǵy jyldary akademik jastardyń matematikaǵa ynta-yqylasyn oiatý úshin baiqaý uiymdastyryp júr. Esepti shyǵarǵandarǵa syiaqy beriledi.
