مينسك تۇرعىنى ستەپان لاتىپوۆ سوت زالىندا قالاممەن ٶزٸنٸڭ تاماعىن جارالادى. ول وسىنىڭ الدىندا قىلمىسىن مويىنداماسا, قۇقىق قورعاۋ ورگان ٶكٸلدەرٸ تۋىستارىنىڭ ٷستٸنەن ٸس قوزعايتىنىن ايتىپ قورقىتقانىن جەتكٸزگەن. بۇل تۋرالى "ۆەسنا" قۇقىق قورعاۋ ورتالىعى حابارلادى.
لاتىپوۆ "ٸرٸ الاياقتىق جاسادى", "قوعام تەرتٸبٸن بۇزدى" جەنە "ميليتسيياعا باعىنبادى" دەپ ايىپتالىپ وتىر. ول بىلتىر تامىز ايىنداعى پرەزيدەنت سايلاۋىنىڭ نەتيجەسٸنە قارسىلىق بٸلدٸرگەن بەلسەندٸلەردٸڭ بٸرٸ.
بىلتىر قىركٷيەك ايىندا ۇستالعاننان كەيٸن بەلارۋس مەملەكەتتٸك تەلەارنالارى بەلسەندٸنٸڭ ميليتسييا قىزمەتكەرلەرٸن ۋلاۋ ماقساتىندا شەتەلدەن حيميكات تاسىعاندىعى جايلى سيۋجەتتەر كٶرسەتتٸ. قىلمىستىق ٸسكە بۇل ەپيزود كٸرمەگەن.
سەيسەنبٸ كٷنگٸ سوت وتىرىسى كەزٸندە لاتىپوۆ 51 كٷننەن بەرٸ "پرەسس-حاتادا" (تٷرمە ەكٸمشٸلٸگٸ ٶزٸنە ۇناماعان تۇتقىنداردى ازاپتاۋ ٷشٸن وسىنداي كامەرالاردى پايدالانادى) جاتقانىن ايتادى. ازاتتىقتىڭ بەلورۋس قىزمەتٸنٸڭ حابارلاۋىنشا, سوت زالىنداعى كامەرادا وتىرعان ول ٶزٸنە كٷزەتشٸلەر قولى جەتپەيتٸندەي ارالىقتا تۇرىپ, قالامدى تاماعىنا سۇققان. ساقشىلار توردى جىلدام اشا الماعان, سەبەبٸ سوت پريستاۆىندا كٸلت بولماي قالعان.
- مينسك مەن بەلارۋستٸڭ ٶزگە ٸرٸ قالالارىندا شامامەن جارتى جىلدان بەرٸ جاپپاي نارازىلىق جالعاسىپ كەلەدٸ. نارازىلار الەكساندر لۋكاشەنكو التىنشى رەت جەڭٸمپاز دەپ جارييالانعان پرەزيدەنت سايلاۋىنىڭ رەسمي نەتيجەسٸن جويۋدى تالاپ ەتەدٸ.
- بيلٸك نارازىلىقتى اۋياسىز باسىپ-جانشىدى. ونداعان مىڭ ادام ۇستالىپ, مىڭداعان ادام قامالدى. ولارعا تٷرلٸ قىلمىس بويىنشا ايىپ تاعىلدى.
- باتىس ەلدەرٸ پرەزيدەنت سايلاۋىنىڭ رەسمي نەتيجەسٸن مويىنداماي, لۋكاشەنكونى ەل پرەزيدەنتٸ رەتٸندە تانىعان جوق. ۆاشينگتون ونى وپپوزيتسييامەن ديالوگ ورناتىپ, جاڭادان سايلاۋ ٶتكٸزۋگە شاقىرعان.
- ازاتتىق
