بەلارۋس وپپوزيتسيياسى بيلٸكتٸ بەيبٸت اۋىستىرۋدى جٷزەگە اسىراتىن ٷيلەستٸرۋ كەڭەسٸن قۇردى. پرەزيدەنت الەكساندر لۋكاشەنكو وپپوزيتسييانىڭ بۇل قادامىن “بيلٸكتٸ باسىپ الۋ تالپىنىسى” دەپ اتادى.
ازاماتتىق قوعام ٶكٸلدەرٸنەن قۇرالعان وپپوزيتسييالىق كەڭەس 18 تامىزدا باسپاسٶز مەسليحاتىن ٶتكٸزٸپ, بيلٸكتٸ بەيبٸت اۋىستىرۋ بويىنشا كەلٸسسٶز جٷرگٸزۋگە تالپىناتىنىن ايتتى. تيحانوۆسكايانىڭ سەنٸمدٸ ٶكٸلٸ ولگا كوۆالكوۆا ەلدەن كەتۋگە مەجبٷر بولعان تيحانوۆسكايانىڭ جاقىن ارادا مينسكٸگە ورالىپ, بيلٸكتٸ اۋىستىرۋ كەلٸسسٶزٸنە كەپٸل رەتٸندە قاتىسۋى مٷمكٸن ەكەنٸن جەتكٸزدٸ.
9 تامىزدا ٶتكەن پرەزيدەنت سايلاۋىندا ٶزٸن جەڭٸسكە جەتتٸم دەپ سانايتىن وپپوزيتسييا كانديداتى سۆەتلانا تيحانوۆسكايا بۇعان دەيٸن ۆيدەومەلٸمدەمە تاراتىپ, "ەلدەگٸ جاعدايدى قالپىنا كەلتٸرۋ ٷشٸن" ۇلت كٶشباسشىسى بولۋعا دايىن ەكەنٸن مەلٸمدەگەن بولاتىن.
پرەزيدەنت لۋكاشەنكو وپپوزيتسييانىڭ ەرەكەتٸن "مەملەكەتتٸك تٶڭكەرٸس جاساۋ تالپىنىسى" دەپ اتاپ, وعان "ٶكپەلٸلەر" مەن "ناتسيستەر" كٸرگەنٸن, تٸزٸمگە ەنگەندەرگە "اقىلعا قونىمدى شارا" قولداناتىنىن ەسكەرتتٸ.
ال كەڭەس ٶكٸلدەرٸ لۋكاشەنكونىڭ "بيلٸكتٸ باسىپ الۋعا تىرىسىپ جاتىر" دەگەن ايىپتاۋىن جوققا شىعارىپ, جوعارى بيلٸكتٸ وپپوزيتسييامەن ديالوگ ورناتۋعا ٷندەدٸ. لۋكاشەنكو ديالوگتان باس تارتسا, ٶزگە لاۋازىمدى تۇلعالارمەن داعدارىستان شىعۋ مەسەلەسٸن تالقىلايمىز دەدٸ.
ٷيلەستٸرۋ كەڭەسٸنە شامامەن 30 ادام مٷشە. ولاردىڭ اراسىندا تيحانوۆسكايا شتابىنىڭ باسشىسى مارييا كولەسنيكوۆا, "ۆەسنا" قۇقىق قورعاۋ ورتالىعىنىڭ تٶراعاسى الەس بەلياتسكيي جەنە ەدەبيەت سالاسى بويىنشا نوبەل سىيلىعىنىڭ لاۋرەاتى, جازۋشى سۆەتلانا الەكسيەۆيچ تە بار.
بەلارۋستە وپپوزيتسييا پرەزيدەنت سايلاۋىنىڭ رەسمي قورىتىندىسىن مويىنداۋدان باس تارتقاننان كەيٸن ەلدە ساياسي داعدارىس ۋشىققان. ورتالىق سايلاۋ كوميسسيياسى قازٸرگٸ باسشى الەكساندر لۋكاشەنكو جەڭٸسكە جەتتٸ دەپ جارييالاعان. وپپوزيتسييا سايلاۋ قورىتىندىسى بۇرمالاندى دەپ سانايدى. لۋكاشەنكونىڭ وتستاۆكاسىن تالاپ ەتكەن نارازىلىق شارالارى ەلدٸڭ تٷرلٸ قالالارىندا جالعاسىپ جاتىر.
