بەلارۋستٸڭ "نافتان" جەنە "موزىرسكيي" مۇناي ٶڭدەۋ زاۋىتتارى 1 قاڭتاردان باستاپ رەسەيدەن شيكٸزات ەكەلۋدٸ توقتاتقانىن حابارلادى. بۇل اقپاراتتى ازاتتىقتىڭ بەلارۋس قىزمەتٸ تاراتتى.
مەسكەۋ مەن مينسك ەلٸ كٷنگە دەيٸن تاسىمالداناتىن مۇناي باعاسى, بەلارۋس اۋماعى ارقىلى ٶتەتٸن شيكٸزات ترانزيتٸنٸڭ تاريفٸ جەنە رەسەيدٸڭ سالىق جٷيەسٸندەگٸ ٶزگەرٸستەرگە بايلانىستى شىعىنعا باتقان بەلارۋستٸڭ مۇناي ٶڭدەۋ زاۋىتتارىنا ٶتەماقى تٶلەۋ مەسەلەسٸ بويىنشا كەلٸسٸمگە كەلە الماي وتىر.
مۇناي ٶڭدەۋ زاۋىتتارى 1 قاڭتاردان باستاپ رەسەي شيكٸزاتىن تاسىمالداۋدى تولىق توقتاتقانىن, مۇناي كومپانييالارىمەن جاڭا كەلٸسٸم بولماعانىن ايتتى. "نافتان" مەن "موزىرسكيي" ٶتكەن جىلدان قالعان ٶنٸمدەرمەن جۇمىس ٸستەپ جاتىر.
"بەلنەفتەحيم" ٶكٸلٸ "ينتەرفاكس" اگەنتتٸگٸنە تاسىمالداۋدىڭ توقتاعانىن راستاپ, زاۋىتتاردىڭ جٷكتەمەسٸ ازايعانىن ايتتى. رەسەيلٸك وپەراتور "ترانسنەفت" ٶكٸلدەرٸ قازٸرگٸ كەزدە بەلارۋسكە مۇناي تاسىمالداۋ بويىنشا ٶتٸنٸش تٷسپەگەنٸن جەتكٸزدٸ. بٸراق ولاردىڭ ايتۋىنشا, بەلارۋس ارقىلى ترانزيتكە شەكتەۋ جوق.
مينسكٸگە مۇناي تاسىمالداۋ بويىنشا كەلٸسٸم مەرزٸمٸ 1 قاڭتاردا اياقتالعان. الايدا تاراپتار تاسىمالداۋ شارتتارى بويىنشا كەلٸسٸمگە كەلە الماعان. ساراپشىلاردىڭ ايتۋىنشا, بەلارۋس باعانى ارزانداتۋدى سۇراسا, رەسەي مۇنىمەن كەلٸسپەيدٸ. مينسك شيكٸزات تاسىمالداۋدىڭ بالاما جولدارىن ٸزدەيتٸنٸن مەلٸمدەگەن.
كرەملدٸڭ باسپاسٶز حاتشىسى دميتريي پەسكوۆ ەزٸرگە مينسكٸمەن كەلٸسٸم جاسالعان جوق, بٸراق ديالوگ ەرٸ قاراي دا جالعاسا بەرەدٸ دەدٸ.
