نۇرسۇلتان نازارباەۆ بەلارۋس رەسپۋبليكاسىنىڭ پرەزيدەنتٸ الەكساندر لۋكاشەنكومەن كەزدەستٸ, - دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى بەلارۋس رەسپۋبليكاسىنىڭ پرەزيدەنتٸمەن كەزدەسۋ بارىسىندا وعان شانحاي ىنتىماقتاستىق ۇيىمىنىڭ سامميتٸنە جەنە «استانا ەكسپو-2017» دٷنيە جٷزٸلٸك كٶرمەسٸنٸڭ اشىلۋىنا قاتىسۋ ٷشٸن قازاقستانعا كەلگەنٸنە العىس ايتتى.
– ەكٸ جارىم جىل ٸشٸندە تيٸستٸ ينفراقۇرىلىمى بار تۇتاس بٸر اۋدان سالىندى. كٶرمەگە قاتىسۋشىلار ٷشٸن تۇرعىن ٷيلەر, قوناق ٷي كەشەنٸ, كونگرەسس-حول جەنە وسى اۋقىمدى ٸس-شارانى ٶتكٸزۋگە قاجەتتٸ باسقا دا عيماراتتار بوي كٶتەردٸ. كٶرمەنٸ ٶتكٸزگەن سوڭ بۇل جەردە استانا حالىقارالىق قارجى ورتالىعى جۇمىس ٸستەيتٸن بولادى, – دەدٸ نۇرسۇلتان نازارباەۆ.
قازاقستان پرەزيدەنتٸ حالىقارالىق كٶرمەنٸڭ نەگٸزگٸ يدەياسىنا توقتالىپ, كٶرمەنٸڭ باستى نىسانى – «نۇر ەلەم» پاۆيلونىنداعى ەكسپوزيتسييالار تۋرالى ايتتى.
بەلارۋس رەسپۋبليكاسىنىڭ پرەزيدەنتٸ نۇرسۇلتان نازارباەۆقا حالىقارالىق كٶرمەنٸڭ اشىلۋىنا قاتىسۋعا شاقىرعانى ٷشٸن ريزاشىلىق بٸلدٸردٸ.
– بٸز پاۆيلونداردى ارالاپ كٶرٸپ قانا قويماي, سٸزدەردٸڭ ەكسپوزيتسييالىق كەشەندەر قۇرىلىسىنداعى تەجٸريبەلەرٸڭٸزدٸ مۇقييات زەرتتەمەكپٸز. ٶيتكەنٸ بٸز دە حالىق شارۋاشىلىعى جەتٸستٸكتەرٸ كٶرمەسٸن ۇيىمداستىرۋدى جوسپارلاپ وتىرمىز, – دەدٸ ا.لۋكاشەنكو.
سونىمەن قاتار, بەلارۋس پرەزيدەنتٸ نۇرسۇلتان نازارباەۆتىڭ تاريحتى زەرتتەۋدە ەدٸلەتتٸلٸكتٸ قالپىنا كەلتٸرۋگە جەتە كٶڭٸل بٶلەتٸنٸن اتاپ ٶتتٸ.
– سٸز بۇرىنعى لاگەردٸڭ ورنىندا «الجير» مۋزەيٸن اشۋعا كٶپ كٷش جۇمسادىڭىز. بۇل لاگەردە بۇرىنعى وداقتىڭ تٷكپٸر-تٷكپٸرٸنەن ايدالىپ كەلگەن ادامدار قامالدى. ونىڭ ٸشٸندە بەلارۋسييادان كەلگەن ەيەلدەر دە بولدى. بٷگٸن بٸز بٸرقاتار حاتتار مەن تاعدىرى لاگەرمەن بايلانىستى ادامداردىڭ ٸس قاعازدارىن الا كەلدٸك. بۇل – ماڭىزدى قۇجاتتار, – دەدٸ ا.لۋكاشەنكو.
كەزدەسۋ سوڭىندا مەملەكەتتەر باسشىلارى ەكٸجاقتى قاتىناستاردى دامىتۋدىڭ ٶزەكتٸ مەسەلەلەرٸن دە تالقىلادى.
