بەلارۋس سىرتقى ٸستەر مينيسترلٸگٸ شەتەلدٸك باسپاسٶز قۇرالدارىنا جۇمىس ٸستەيتٸن تٸلشٸلەردٸ تٷگەلدەي اككرەديتاتسيياسىنان ايىردى. مينيسترلٸك بۇل شەشٸمدٸ شەتەلدٸك باق جۋرناليستەرٸن اككرەديتاتسييالاۋ تەرتٸبٸ ٶزگەرگەندٸكتەن قابىلداعانىن ايتتى.
مينيسترلٸكتٸڭ ايتۋىنشا, قازٸرگٸ تەرتٸپتٸڭ كەي ەرەجەلەرٸ ەسكٸرگەن, ولار "مەديا سالاسىنىڭ دامۋ دەڭگەيٸنە سەيكەس كەلمەيدٸ". مەكەمە سٶزٸنشە, جاڭا تەرتٸپتە اككرەديتاتسييانى الۋ تەرتٸبٸ جەڭٸلدەتٸلگەن, اككرەديتاتسييانى قاراستىرۋ مەرزٸمٸ 20 كٷننەن بەس كٷنگە ازايتىلعان, ال جۋرناليستەرگە ۋاقىتشا اككرەديتاتسييا كۋەلٸگٸن ٶز پرينتەرٸنەن باسىپ شىعارۋعا مٷمكٸندٸك بەرٸلگەن.
"بٸز كٶرشٸ ەلدەردٸڭ (پولشا, لاتۆييا جەنە باسقالارى) جەنە فرانتسييا سەكٸلدٸ سٶز ەركٸندٸگٸنٸڭ تٸرەگٸ سانالاتىن مەملەكەتتەردٸڭ تەجٸريبەسٸن مۇقييات زەرتتەدٸك. ەقىۇ مەن اككرەديتاتسييا ينستيتۋتى جٶنٸندەگٸ ۆەنەتسييا كوميسسيياسىنىڭ ۇسىنىستارى ەسكەرٸلدٸ" دەلٸنگەن مينيسترلٸك حابارلاماسىندا.
مينيسترلٸك سونداي-اق شەتەلدٸك باق جۋرناليستەرٸن اككرەديتاتسييالاۋ سۇراقتارى جٶنٸندەگٸ كوميسسييانىڭ قۇرامىندا جاڭارتىپ ٷلگەرگەن. كوميسسييا جۇمىسىن 5 قازاندا باستايدى.
سىرتقى ٸستەر مينيسترلٸگٸنٸڭ ايتۋىنشا, جاڭا تەرتٸپ "شەتەلگە بەلارۋس تۋرالى وبەكتيۆتٸ جەنە جان-جاقتى اقپاراتتى تاراتۋ ماقساتىندا قارىم-قاتىناستىڭ بۇرىننان دا جاڭا, تيٸمدٸ ەرٸ اشىق مودەلٸن" قالىپتاستىرۋعا مٷمكٸندٸك بەرەدٸ.
ازات ەۋروپا/ازاتتىق راديوسى مەديا كورپوراتسيياسى پرەزيدەنتٸنٸڭ مٸندەتٸن اتقارۋشى دەيزي سيندەلار بەلارۋس سىرتقى ٸستەر مينيسترلٸگٸنٸڭ اككرەديتاتسييالاۋ جٶنٸندەگٸ شەشٸمٸنە جٶنٸندە پٸكٸر بٸلدٸرٸپ, ازاتتىق راديوسىنىڭ بەلارۋستەگٸ جاعداي تۋرالى حابار تاراتۋىن جالعاستىرا بەرەتٸنٸن, بۇل ٷشٸن مٷمكٸن بولعان بارلىق الاڭ قولدانىلاتىنىن ايتتى.
"بەلارۋس سىرتقى ٸستەر مينيسترلٸگٸنٸڭ شەتەلدٸك باق-قا جۇمىس ٸستەيتٸن بارلىق جۋرناليستٸڭ اككرەديتاتسيياسىن جويۋ تۋرالى شەشٸمٸ كٶڭٸلٸمٸزدٸ قاتتى قالدىردى, بٸراق تاڭعالدىرمادى" دەدٸ سيندەلار ازاتتىق راديوسى مەن ٶزگە دە شەتەلدٸك باسپاسٶز قۇرالدارىنا جۇمىس ٸستەيتٸن تٸلشٸلەرگە ونسىز دا قىسىم كٶرسەتٸلٸپ وتىرعانىن, ولاردىڭ قۋدالانىپ وتىرعانىن ەسكەرتٸپ. "بۇل شەشٸم – بارلىق بەلارۋسكە بەلگٸ بەرٸپ وتىر. بۇل لۋكاشەنكو ولاردىڭ تالاپتارىنا كٶنٸپ, مەملەكەتتٸكٸنەن ٶزگە كٶزقاراسقا جول بەرەيٸن دەپ وتىرعان جوق دەگەندٸ بٸلدٸرەدٸ. بەلارۋس حالقى ٶزدەرٸ تالاپ ەتٸپ وتىرعان تسەنزۋراسىز اقپاراتقا, اشىق ەرٸ ەدٸل ديسكۋسسييالارعا قول جەتكٸزە الۋى ٷشٸن ازات ەۋروپا/ازاتتىق راديوسى قولدا بار كەز كەلگەن الاڭدى پايدالانا بەرمەك".
بەلارۋستەگٸ تامىز-قىركٷيەك ايلارىندا بولعان نارازىلىق اكتسييالارىنان حابار تاراتقانى ٷشٸن ٸشكٸ جەنە شەتەلدٸك تەۋەلسٸز باق-تىڭ ونداعان جۋرناليسٸ ۇستالعان بولاتىن. 29 تامىز كٷنٸ مينسك "ناستوياششەە ۆرەميا" تەلەارناسىنىڭ جۋرناليسٸ رومان ۆاسيۋكوۆيچتٸ اككرەديتاتسيياسىنان ايىردى. ازاتتىق راديوسى مەن ARD نەمٸس تەلەارناسىنىڭ تٸلشٸلەرٸ دە, BBC, Reuters, AFP, Associated Press جەنە RFi جۋرناليستەرٸ دە بەلارۋس سىرتقى ٸستەر مينيسترلٸگٸنٸڭ اككرەديتاتسيياسىنان ايىرىلعان. ونداعان جۋرناليست بٸرنەشە كٷنگە قامالىپ, ولارعا "بۇقارالىق ٸس-شارالاردى ۇيىمداستىرۋدىڭ جەنە ٶتكٸزۋدٸڭ تەرتٸبٸن بۇزدى" دەپ ايىپپۇل سالىندى.
