تٶرت رەت پرەزيدەنت سايلاۋىنا قاتىساتىنىن ايتىپ, بٸراق ەشبٸرٸندە سايلاۋدىڭ سوڭىنا دەيٸن بارماعان جاقسىباي بەزٸلباەۆ 9 ماۋسىمدا ٶتەتٸن قازاقستاننىڭ كەزەكتەن تىس پرەزيدەنت سايلاۋىنا قاتىساتىنىن ايتتى. بۇل تۋرالى ول 19 سەۋٸردە الماتىدا ٶتكەن باسپاسٶز جيىنى كەزٸندە مەلٸمدەدٸ.
ول سايلاۋعا "قازاقستانداعى ورىس قاۋىمداستىعى" قوعامدىق ۇيىمىنىڭ اتىنان تٷسپەك.
"قازاقستانداعى ورىس قاۋىمداستىعى" بەزٸلباەۆتىڭ ۇيىم اتىنان سايلاۋعا تٷسۋ نيەتٸن "جيىن بارىسىندا بٸلگەن". جيىنعا كەلگەن ۇيىم ٶكٸلٸ "بۇل ٶتٸنٸشتٸ ەندٸ عانا ەستٸگەندەرٸن, بٸر اپتا ٸشٸندە اقىلداسىپ, شەشٸم قابىلدايتىندارىن" ايتتى.
جيىن كەزٸندە بەزٸلباەۆ سايلاۋالدى باعدارلاماسىمەن تانىستىردى.
- قورعانىس قابٸلەتٸن نىعايتۋدان باستايمىن. ەۋروپا وداعى مەن شانحاي ىنتىماقتاستىق ۇيىمىن قولدايمىن. ەۋرازييالىق وداق اياسىندا رەسەيگە قورعانىس كواليتسيياسىن قۇرۋدى ۇسىنامىن, - دەدٸ ول.
بەزٸلباەۆتىڭ ەكٸ بەتتٸك سايلاۋالدى باعدارلاماسىندا زەينەتكەرلەردٸ كوممۋنالدىق تٶلەمنەن بوساتۋ, كٶپ بالالى انالارعا تەگٸن باسپانا بەرۋ, وقۋ مەن مەديتسينانى تولىقتاي تەگٸن ەتۋ مەن ەر قالادا زاۋىت-فابريكا سالۋ جوسپارى بارى جازىلعان.
1998 جىلعى پرەزيدەنت سايلاۋىندا بەزٸلباەۆ بەسەكەلەسٸ نۇرسۇلتان نازارباەۆتىڭ پايداسىنا سايلاۋدان شىعاتىنىن مەلٸمدەگەن. ازاتتىقتىڭ "وسى جولى سايلاۋدا ەلدەبٸر كانديداتتىڭ پايداسى ٷشٸن سايلاۋدان شىعىپ قالمايسىز با?" دەگەن سۇراعىنا بەزٸلباەۆ "شىقپايمىن" دەپ جاۋاپ بەردٸ.
- شىقپايمىن. زاڭدا قوزعالىس نە پارتييا اتىنان تٷسسەڭ, سەن شەشپەيسٸڭ, سەنٸ كٸم, قاي پارتييا تٷسٸرەدٸ – سولار شەشەدٸ. سول سەبەپتٸ مەنٸ ۇسىنسا, مەن تٷسەمٸن, تەۋەكەل, - دەپ جاۋاپ بەردٸ.
67 جاستاعى جاقسىباي بەزٸلباەۆ بۇعان دەيٸن تٶرت رەت – 1998, 2005, 2011 جەنە 2015 جىلدارى ٶتكەن قازاقستان پرەزيدەنتٸ سايلاۋلارىنا ٶزٸن-ٶزٸ ۇسىنعانىمەن, ساياسي بەسەكەنٸڭ سوڭعى كەزەڭٸنە جەتپەي, ٶز ەركٸمەن شىعىپ كەتكەن.
قازاقستان پرەزيدەنتٸ قاسىم-جومارت توقاەۆ 9 سەۋٸردە قازاقستانداعى كەزەكتەن تىس پرەزيدەنت سايلاۋى 2019 جىلدىڭ 9 ماۋسىمىندا ٶتەتٸن ايتقان.
قازاقستان پرەزيدەنتٸگٸنە ٷمٸتكەرلەردٸ جارييالاۋ 10 سەۋٸردە باستالدى. كانديداتتاردى ۇسىنۋ 28 سەۋٸر 18.00-گە دەيٸن جالعاسادى. ٷمٸتكەرلەر 11 مامىرعا دەيٸن تٸركەلەدٸ. سايلاۋالدى ٷگٸت-ناسيحات تٸركەۋ اياقتالا سالا باستالىپ, سايلاۋ كٷنٸ اياقتالادى
