بايقوڭىر – كٷللٸ ادامزاتتىڭ يگٸلٸگٸ, ونىڭ ەلەمدٸك كوسموناۆتيكاداعى تاريحي رٶلٸ زور. بۇل پٸكٸردٸ مەملەكەت باسشىسى قاسىم-جومارت توقاەۆ رەسەيدٸڭ «كومسومولسكايا پراۆدا» گازەتٸنە بەرگەن سۇحباتىندا ايتتى, دەپ حابارلايدى قازاقپارات.
«عارىش سالاسىنداعى بٸرلەسكەن ٶزارا ٸس-قيمىلدار مەن بايقوڭىر قالاسىن بٸرلەسٸپ دامىتۋ ٸسٸ – قازاقستان مەن رەسەيدٸڭ كٶپجاقتى ىنتىماقتاستىعىنىڭ ايقىن كٶرٸنٸسٸ. عارىش ايلاعىنىڭ تٸرشٸلٸگٸ مەن ونىڭ تيٸمدٸ دامۋ مەسەلەلەرٸن ٷكٸمەتارالىق كوميسسييا قاراستىرادى. ەسٸرەسە, بايلانىس, تەلەۆيزييا جەنە عىلىمي زەرتتەۋلەر سالاسىندا قولدانىلاتىن ازاماتتىق عارىش اپپاراتتارىن قۇرۋ مەسەلەسٸنە باسىمدىق بەرٸلەدٸ. «گاگارين ستارتى» جوباسى بويىنشا بٸرلەسكەن جۇمىستار اتقارىلۋدا. عارىشقا جول اشقان وسى تاريحي الاڭدى جاڭعىرتۋعا قازاقستان, رەسەي جەنە باە ينۆەستورلارى قاراجات سالۋعا نيەتتٸ», - دەدٸ ق. توقاەۆ.
سونىمەن بٸرگە, پرەزيدەنت ۋىتتى وتىن پايدالاناتىن «پروتون» زىمىرانىنىڭ ورنىنا ەكولوگييالىق تازا تاسىمالداۋشىلاردا اپپارات ۇشىرۋدى كٶزدەيتٸن «بەيتەرەك» كەشەنٸن ەسكە سالدى.
«ەكٸ ەل ەكونوميكاسىنىڭ دامۋىنا ايتارلىقتاي ٷلەس قوسا الاتىن «بايقوڭىر» ەركٸن ەكونوميكالىق ايماعىن قۇرۋ تۋرالى قازاقستاننىڭ باستاماسىن ەرەكشە اتاپ ٶتكٸم كەلەدٸ. بيىل قازان ايىندا عارىش ايلاعىنىڭ سالىنعانىنا 65 جىل تولادى. بٸزدٸڭ ەلدەرٸمٸز بۇل اتاۋلى داتانى لايىقتى دەرەجەدە اتاپ ٶتۋٸ كەرەك دەپ سانايمىن. ٶيتكەنٸ بايقوڭىر – بٷكٸل ادامزاتتىڭ يگٸلٸگٸ. ونىڭ ەلەمدٸك كوسموناۆتيكاداعى تاريحي رٶلٸ زور», - دەدٸ قاسىم-جومارت توقاەۆ.
