سايلاۋ كٷنٸ بايقاۋشىلار سايلاۋ ۋچاسكەسٸندە فوتو جەنە ۆيدەوتٷسٸرٸلٸمدٸ قالاي جٷرگٸزە الادى? مۇنىڭ قىر-سىرىن ورتالىق سايلاۋ كوميسسيياسىنىڭ مٷشەسٸ سەرٸك سىدىقوۆ تٷسٸندٸردٸ, دەپ حابارلايدى قازاقپارات.
ايتا كەتسەك, اقپارات جەنە قوعامدىق دامۋ مينيسترلٸگٸ ورتالىق سايلاۋ كوميسسيياسىمەن بٸرگە ٷەۇ اكادەميياسى» بٸلٸم بەرۋ جوباسى شەڭبەرٸندە سايلاۋدى بايقاۋ نەگٸزدەرٸن تٷسٸندٸرۋگە ارنالعان سەمينار ٶتكٸزٸپ جاتىر. وتىرىسقا ونلاين رەجيمدە 500-دەن استام ادام قاتىسۋعا نيەت بٸلدٸرگەن. جيىندا سايلاۋدى بايقاۋ نەگٸزدەرٸ تٷسٸندٸرٸلۋدە.
«بايقاۋشىلاردىڭ داۋىس بەرۋ مەن قورىتىندى شىعارۋ پروتسەسٸنە كەدەرگٸ كەلتٸرمەي, فوتو, اۋديو جەنە ۆيدەوجازبا جٷرگٸزۋگە قاتىستى قۇقىق ەرەكشەلٸكتەرٸن تولىعىراق تٷسٸندٸرٸپ بەرۋگە رۇقسات ەتٸڭٸزدەر. بۇل قۇقىقتى قولدانۋ – قازاقستان رەسپۋبليكاسىنىڭ كونستيتۋتسيياسى كەپٸلدٸك بەرگەن ادامنىڭ قۇقىقتارى مەن ەركٸندٸگٸن, سونىمەن بٸرگە كونسۋتيتۋتسييالىق زاڭدا بەكٸتٸلگەن قۇپييا داۋىس بەرۋ قاعيداتتارىن قورعاۋ قاعيداتىنا قول سۇعۋ رەتٸندە ەسەپتەلمەيدٸ», - دەدٸ سەرٸك سىدىقوۆ.
وسك مٷشەسٸ كونستيتۋتسييانىڭ 18-بابىنىڭ 1 جەنە 2 بٶلٸگٸن ەسكە سالدى. ولار: بٸرٸنشٸ – ەركٸمنٸڭ جەكە ٶمٸرٸنە قول سۇعىلماۋىنا, ٶزٸنٸڭ جەنە وتباسىنىڭ قۇپيياسى بولۋىنا, ار-نامىسى مەن ابىرويلى اتىنىڭ قورعالۋىنا قۇقىعى بار; ەكٸنشٸ – ەركٸم ٶزٸنٸڭ جەكە سالىمدارى مەن جيناعان قاراجاتىنىڭ, جازىسقان حاتتارىنىڭ, تەلەفون ارقىلى سٶيلەسكەن سٶزدەرٸنٸڭ, پوشتا, تەلەگراف ارقىلى جەنە باسقا جولدارمەن الىسقان حابارلارىنىڭ قۇپييالىلىعى ساقتالۋىنا قۇقىعى بار. بۇل قۇقىقتى شەكتەۋگە زاڭدا تٸكەلەي بەلگٸلەنگەن رەتتەر مەن تەرتٸپ بويىنشا عانا جول بەرٸلەدٸ.
سونىمەن بٸرگە سەرٸك سىدىقوۆ قازاقستان رەسپۋبليكاسىنداعى سايلاۋ تۋرالى زاڭىنىڭ 8-بابىنا سەيكەس «رەسپۋبليكا پرەزيدەنتiن, پارلامەنتiنiڭ جەنە مەسليحاتتارىنىڭ دەپۋتاتتارىن, ٶزگە دە جەرگٸلٸكتٸ ٶزٸن-ٶزٸ باسقارۋ ورگاندارىنىڭ مٷشەلەرٸن سايلاۋدا جاسىرىن داۋىس بەرiلەتٸندٸگٸن ەرi سايلاۋشىلاردىڭ ٶز ەركiن بiلدiرۋiنە قانداي دا بولسىن باقىلاۋ جاساۋ مٷمكiندiگiنە جول بەرiلمەيتٸنٸن» ەسكە سالدى. ال ازاماتتىق كودەكستٸڭ 145-بابىنا سەيكەس, كەلٸسٸمٸنسٸز ەشكٸم دە بٸرەۋدٸڭ سۋرەتٸن پايدالانا المايدى.
«تيٸسٸنشە, فوتو, اۋديو جەنە ۆيدەوجازبانىڭ ٶزٸ بايقاۋمەن بٸردەي جەكە مەلٸمەتتەردٸڭ, سونىمەن قاتار سايلاۋشىلاردىڭ تٸزٸمٸنٸڭ قۇپييالىلىعى ساقتالاتىنداي جٷرگٸزٸلۋٸ كەرەك», - دەدٸ ول.
ونىڭ ايتۋىنشا, بايقاۋشى سايلاۋ بارىسىنداعى ٶزٸنٸڭ فوتو, اۋديو جەنە ۆيدەوجازبا جٷرگٸزۋ قۇقىعىن قولدانۋ كەزٸندە سايلاۋ ۋچاسكەسٸندەگٸ اتالعان ەرەجەنٸڭ ساقتالۋى بويىنشا سايلاۋ كوميسيياسى تٶراعاسىنىڭ ورىنباسارىنىڭ تالاپتارىن ورىنداۋى كەرەك», - دەپ تٷيدٸ سەرٸك سىدىقوۆ.
