رەسەيدٸڭ ۆاشينگتونداعى ەلشٸسٸ اناتوليي انتونوۆ رەسەي-امەريكا قاتىناسى مەن اقش-تىڭ جاڭا باسشىلىعىنىڭ ساياساتى مەسەلەسٸن تالقىلاۋ ٷشٸن مەسكەۋگە قايتارىلدى. سەرسەنبٸ كٷنٸ اقش پرەزيدەنتٸ دجو بايدەننٸڭ سۇحباتى جارييالانعاننان كەيٸن وسىنداي حابار تارادى. سۇحباتتا بايدەن رەسەي پرەزيدەنتٸ ۆلاديمير پۋتيندٸ "قانىشەر" دەپ سانايسىز با دەگەن سۇراققا "يە" دەپ جاۋاپ بەرگەن.
ەلشٸنٸ قايتارعانى تۋرالى اقپارات رەسەي سىرتقى ٸستەر مينيسترلٸگٸنٸڭ رەسمي ٶكٸلٸ مارييا زاحاروۆانىڭ سەرسەنبٸ كٷنٸ تاراتقان حابارلاماسىندا ايتىلدى. ونىڭ سٶزٸنە قاراعاندا رەسەي اقش-پەن قاتىناستىڭ قايتا قالپىنا كەلمەيتٸن دەرەجەدە ناشارلاماۋىنا مٷددەلٸ.
اق ٷيدٸڭ باسپاسٶز حاتشىسى دجەننيفەر پساكي 17 ناۋرىزدا رەسەي ٶزٸنٸڭ ەرەكەتٸ ٷشٸن جاۋاپ بەرەدٸ دەپ مەلٸمدەدٸ. بۇعان دەيٸن اقش بارلاۋ قىزمەتٸ ارنايى بايانداماسىندا مەسكەۋ 2020 جىلى اقش-تاعى پرەزيدەنت سايلاۋىنا ارالاستى دەگەن تۇجىرىم جاساعان.
پساكيدٸڭ ايتۋىنشا, پرەزيدەنت-دەموكرات دجو بايدەن ەكٸمشٸلٸگٸ بۇرىنعى پرەزيدەنت دونالد ترامپقا قاراعاندا رەسەيمەن قاتىناس مەسەلەسٸنە باسقا قىرىنان قارايدى.
امەريكا ەكٸمشٸلٸگٸن 20 قاڭتاردان بەرٸ باسقارىپ كەلە جاتقان بايدەن ABC تەلەارناسىنىڭ تٸلشٸسٸ دجوردج ستەفانوپۋلوسقا بەرگەن سۇحباتىندا رەسەي پرەزيدەنتٸ ۆلاديمير پۋتيندٸ "قانٸشەر" دەپ سانايسىز با دەگەن سۇراققا "يە" دەپ جاۋاپ بەرگەن.
سۇحباتتا مەسكەۋدٸڭ 2020 جىلى اقش-تاعى پرەزيدەنت سايلاۋىنا ارالاسقانى جايلى بايانداعان امەريكالىق بارلاۋ قىزمەتٸنٸڭ ەسەبٸ سٶز بولعان. بايدەن ەگەر رەسەيدٸڭ سايلاۋعا ارالاسقانى راستالسا, ونىڭ ارتى جاقسىلىققا اپارمايدى دەپ پۋتيندٸ ەسكەرتكەنٸن العا تارتقان. اقپارات بويىنشا, اقش كەلەسٸ اپتادا سوعان بايلانىستى جەنە جاقىنداعى حاكەرلٸك شابۋىل ٷشٸن رەسەيگە سانكتسييا سالۋى مٷمكٸن.
17 ناۋرىزدا اقش-تىڭ سكريپالدار وتباسى مەن الەكسەي ناۆالنىيدىڭ "نوۆيچوكپەن" ۋلانۋىنا بايلانىستى رەسەيگە سانكتسييانى كٷشەيتكەنٸ بەلگٸلٸ بولدى. اقش قورعانىس سالاسىندا قولدانىلاتىن بٸرقاتار ٶنٸمدەر مەن تاۋارلار ەكسپورتىنا تىيىم سالادى.
رەسەي بيلٸگٸ سكريپالدار وتباسى مەن ناۆالنىيدىڭ ۋلانۋىنا قاتىسى جوعىن ايتىپ كەلەدٸ.
