رەسەي پرەزيدەنتٸ ۆلاديمير پۋتين اقش پرەزيدەنتٸ دجو بايدەننٸڭ جاقىندا جارىق كٶرگەن سۇحباتىنا قاتىستى پٸكٸرٸن ايتتى. سۇحباتتا بايدەن پۋتيندٸ "قانٸشەر" دەپ سانايسىز با دەگەن سۇراققا "يە" دەپ جاۋاپ بەرگەن.
مەملەكەتتٸك "روسسييا-24" تەلەارناسى جٷرگٸزگەن ترانسلياتسييا كەزٸندە پۋتين امەريكانى وتارلاۋ كەزٸندە "جەرگٸلٸكتٸ حالىققا گەنوتسيد" جاسالعانىن جەنە ەكٸنشٸ دٷنيەجٷزٸلٸك سوعىستىڭ اياعىندا جاپونييا قالالارىنا اتوم بومباسىن تاستاۋدىڭ "مەنسٸز ەرەكەت" بولعانىن اتاپ ٶتكەن.
"امەريكالىق ەرٸپتەسٸمنٸڭ مەلٸمدەمەسٸنە كەلسەك, ول ايتقانداي بٸزدٸڭ شىنىمەن دە جەكە تانىستىعىمىز بار. وعان ەندٸ نە دەيٸن? مەن وعان "دەنٸڭٸز ساۋ بولسىن" دەپ ايتار ەدٸم" دەدٸ پۋتين اننەكسييالانعان قىرىمداعى قوعام ٶكٸلدەرٸمەن ۇيىمداستىرىلعان تەلەكٶپٸر كەزٸندە.
پۋتين بايدەننٸڭ مەلٸمدەمەسٸنە بايلانىستى ەربٸر ادام ٶزگە ادامنان ٶز بەينەسٸن كٶرەدٸ دەپ ايتقان. "بالا كەزدە اۋلادا بٸر-بٸرٸمٸزبەن داۋلاسىپ قالعان كەزدە ايتۋشى ەدٸك: "كٸم بٸرەۋدٸ جامان اتپەن اتاسا, ٶزٸ سول اتقا لايىق" ("كتو كاك وبزىۆاەتسيا, توت تاك ي نازىۆاەتسيا"). جەنە بۇل جەي بالالار اۋزىنداعى مەتەل نەمەسە قالجىڭ ەمەس" دەدٸ 68 جاستاعى ساياساتكەر.
ول ودان كەيٸن اقش-تى وتارلاۋ مەن ەكٸنشٸ دٷنيەجٷزٸلٸك سوعىس كەزٸندەگٸ جاپونييانى بومبالاۋ, اقش-تاعى ەلەۋمەتتٸك مەسەلەلەر, ونىڭ ٸشٸندە Black Lives Matter قوزعالىسى تٶڭٸرەگٸندەگٸ مەسەلەلەردٸ اتاپ ٶتكەن.
ونىڭ سٶزٸنە قاراعاندا, "رەسەيلٸكتەر مەن امەريكالىقتاردىڭ گەنەتيكالىق جەنە مەدەني-ادامگەرشٸلٸك كودى ەرتٷرلٸ". الايدا اقش-قا "سانكتسييالار مەن قورلاۋعا قاراماستان" رەسەيمەن ساناسۋىنا "تۋرا كەلەدٸ" دەگەن.
بەيسەنبٸ كٷنٸ سەل ەرتەرەك پۋتيننٸڭ باسپاسٶز حاتشىسى دميتريي پەسكوۆ بايدەننٸڭ سٶزٸن "ٶتە ناشار" مەلٸمدەمە دەپ اتاپ, بۇعان دەيٸن تاريحتا مۇنداي وقيعا بولماعانىن العا تارتقان (ونىڭ سٶزٸنەن "مەدۋزا" تسيتاتا كەلتٸرگەن). رەسەي بايدەن سۇحباتى جارييالانعاننان كەيٸن ۆاشينگتونداعى ەلشٸسٸن مەسكەۋگە قايتارعان. ەدەتتە بۇل قادام ساياسي نارازىلىقتىڭ بەلگٸسٸ رەتٸندە باعالانادى.
