اقش-تاعى پرەزيدەنت سايلاۋىنىڭ جەڭٸمپازى دجو بايدەن للويد وستيندٸ قورعانىس مينيسترٸ ەتٸپ تاعايىندايتىنىن مەلٸمدەدٸ. وتستاۆكاداعى گەنەرال كانديداتۋراسىن كونگرەسس قولداسا, وستين پەنتاگوندى باسقاراتىن العاشقى افروامەريكالىق ازامات اتانادى.
زاڭ بويىنشا, پەنتاگون باسشىسى قىزمەتٸنە تاعايىندالاتىن ادام وتستاۆكادا كەمٸندە 7 جىل بولۋى تيٸس. 67 جاستاعى وستين زەينەتكە 2016 جىلى شىققان. سول سەبەپتٸ بۇل قىزمەتكە وتىرۋ ٷشٸن ونىڭ كانديداتۋراسىن كونگرەستٸڭ قوس پالاتاسى ماقۇلداۋى كەرەك. قورعانىس مينيسترلٸگٸن 2017-2019 جىلدارى باسقارعان دجەيمس مەتتيس تە پەنتاگون جەتەكشٸسٸ بولار الدىندا كونگرەستەن رۇقسات سۇراعان ەدٸ.
امەريكا اقپارات قۇرالدارى وستيندٸ "كٶپشٸلٸك كٶزٸنە تٷسۋدەن قاشقاقتايتىن ادام" دەپ سيپاتتايدى. ول 2013-2016 جىلدارى اقش-تىڭ تاياۋ شىعىستاعى ەسكەرٸن باقىلايتىن ورتالىق قارۋلى كٷشتەر باسقارماسىنىڭ جەتەكشٸسٸ قىزمەتٸن اتقارعان.
وستيندٸ "امەريكاعا قاجەت ادام" دەپ سيپاتتاعان بايدەن ونىڭ كانديداتۋراسىن تەزٸرەك ماقۇلداۋعا شاقىردى.
سىنشىلار جاقىندا عانا وتستاۆكاعا كەتكەن گەنەرالدى پەنتاگون باسشىسى ەتٸپ تاعايىنداۋدى ورىنسىز شەشٸم دەپ سانايدى.
بايدەن الداعى ۋاقىتتا امەريكا قوعامىنىڭ شىنايى بەينەسٸن كٶرسەتەتٸن كابينەتتٸ تانىستىرۋعا ۋەدە ەتتٸ. قارجى مينيسترلٸگٸنٸڭ حاتشىسى قىزمەتٸنە العاش رەت ەيەل ادام - دجانەت يەللەن تاعايىندالماق. الەحاندرو مايوركاس - اقش ٸشكٸ قاۋٸپسٸزدٸك مينيسترلٸگٸن باسقاراتىن العاشقى يمميگرانت بولماق.
