تانىمال قازاقستاندىق پروديۋسەر بايان ماقساتقىزىنىڭ بۇرىنعى جۇبايى باقىتبەك ەسەنتاەۆ سوتتان جازاسىن جەڭٸلدەتۋدٸ سۇرادى. بۇل تۋرالى Tengrinews.kz تٸلشٸسٸنٸڭ رەسمي ساۋالىنا الماتى وبلىستىق سوتى حابارلادى.
باقىتبەك ەسەنتاەۆ قاپشاعاي ماڭىنداعى زارەچنىي اۋىلىنداعى قاتاڭ رەجيمدەگٸ ەرلەر كولونيياسىندا جاتىر. بۇل اسا اۋىر قىلمىس جاساعان ادامدار جازاسىن ٶتەپ جاتقان ەڭ جوعارى قاۋٸپسٸزدٸك مەكەمەسٸ. بايان ماقساتقىزىنىڭ بۇرىنعى جۇبايى وسىدان ەكٸ جىل بۇرىن جازاسىن جەڭٸلدەتۋدٸ سۇراعانى تاياۋدا عانا بەلگٸلٸ بولدى.
"2020 جىلى سوتتالعان باقىتبەك ەسەنتاەۆ وعان قاتىستى قىلمىستىق كودەكستٸڭ 6-بابىن قولدانۋ تۋرالى, ياعني "جازانى ٶتەۋدٸ جەڭٸلدەتۋ تۋرالى" ٶتٸنٸش بەردٸ. الايدا سول جىلدىڭ 6 سەۋٸرٸندە قاپشاعاي قالالىق سوتى بۇل ٶتٸنٸشتٸ قاناعاتتاندىرۋدان باس تارتتى", - دەپ حابارلادى الماتى وبلىستىق سوتىنىڭ ٶكٸلدەرٸ.
