Tanymal qazaqstandyq prodiýser Baian Maqsatqyzynyń burynǵy jubaiy Baqytbek Esentaev sottan jazasyn jeńildetýdi surady. Bul týraly Tengrinews.kz tilshisiniń resmi saýalyna Almaty oblystyq soty habarlady.
Baqytbek Esentaev Qapshaǵai mańyndaǵy Zarechnyi aýylyndaǵy qatań rejimdegi erler koloniiasynda jatyr. Bul asa aýyr qylmys jasaǵan adamdar jazasyn ótep jatqan eń joǵary qaýipsizdik mekemesi. Baian Maqsatqyzynyń burynǵy jubaiy osydan eki jyl buryn jazasyn jeńildetýdi suraǵany taiaýda ǵana belgili boldy.
"2020 jyly sottalǵan Baqytbek Esentaev oǵan qatysty Qylmystyq kodekstiń 6-babyn qoldaný týraly, iaǵni "Jazany óteýdi jeńildetý týraly" ótinish berdi. Alaida sol jyldyń 6 sáýirinde Qapshaǵai qalalyq soty bul ótinishti qanaǵattandyrýdan bas tartty", - dep habarlady Almaty oblystyq sotynyń ókilderi.
