تانىمال پروديۋسەر بايان ماقساتقىزى وتباسىندا زورلىق-زومبىلىق كٶرگەن ەيەلدەرٸنە ارناپ ورتالىق اشتى. پروديۋسەردٸڭ ايتۋىنشا, بٷگٸندە ورتالىق ٶز جۇمىسىن باستاۋعا دايىن ەكەن.
"زورلىق-زومبىلىققا ۇشىراعان ەيەلدەر مەن بالالارعا ارنالعان وڭالتۋ ورتالىعىن اشاتىنىمدى كٶپتەن بەرٸ ايتىپ جٷرمٸن. ورتالىق دايىن! جاقىندا جۇمىسىن باستايدى. قوعامنىڭ كٶزقاراسىن ٶزگەرتٸپ, ەيەلدٸ قورلاۋعا جول بەرمەۋ ٷشٸن بارلىق كٷش-جٸگەردٸ جۇمساۋ كەرەك. بٸزدٸڭ ورتالىق قۇتقارۋشى ەمەس. باقىتتى وتباسىعا ارنالعان ورتالىق بولماق. ورتالىق ٷلكەن, جارقىن, جايلى, جٷزگە جۋىق ەيەلدٸ قابىلداۋعا دايىن. بٸزدە جەتەكشٸ ماماندار, ياعني ەڭ جاقسى پسيحولوگتار, زاڭگەرلەر, مەديتسينا قىزمەتكەرلەرٸ, تەربيەشٸلەر, وقىتۋشىلار جۇمىس ٸستەيدٸ. بارلىق ەيەلدٸ قالاي قۇتقارۋعا بولادى? بٸلمەيمٸن, بۇل مٷمكٸن ەمەس شىعار. بۇل مەسەلەگە قاتىستى قوعامنىڭ ويى مەن كٶزقاراسىن ٶزگەرتۋگە بولادى. زورلىق-زومبىلىققا جول جوق", – دەپ جازدى پروديۋسەر.
سونىمەن قاتار ورتالىقتىڭ اتى دا بەلگٸلٸ بولدى. مەديا سالاسىنىڭ ايتۋىنشا, ەنەسٸنٸڭ اتىن بەرگەن كٶرٸنەدٸ.
"وڭالتۋ ورتالىعىمىزدىڭ اتى – "كلارا". بۇل – مەنٸڭ جۇبايىمنىڭ اناسىنىڭ ەسٸمٸ. مەن كلارا انامىزدىڭ بٸزگە كٶكتەن قاراپ, يگٸ ٸستەرگە باتاسىن بەرەتٸنٸنە سەنەمٸن", – دەپ جازدى بايان ماقساتقىزى.
