Tanymal prodiýser Baian Maqsatqyzy otbasynda zorlyq-zombylyq kórgen áielderine arnap ortalyq ashty. Prodiýserdiń aitýynsha, búginde ortalyq óz jumysyn bastaýǵa daiyn eken.
"Zorlyq-zombylyqqa ushyraǵan áielder men balalarǵa arnalǵan ońaltý ortalyǵyn ashatynymdy kópten beri aityp júrmin. Ortalyq daiyn! Jaqynda jumysyn bastaidy. Qoǵamnyń kózqarasyn ózgertip, áieldi qorlaýǵa jol bermeý úshin barlyq kúsh-jigerdi jumsaý kerek. Bizdiń ortalyq qutqarýshy emes. Baqytty otbasyǵa arnalǵan ortalyq bolmaq. Ortalyq úlken, jarqyn, jaily, júzge jýyq áieldi qabyldaýǵa daiyn. Bizde jetekshi mamandar, iaǵni eń jaqsy psihologtar, zańgerler, meditsina qyzmetkerleri, tárbieshiler, oqytýshylar jumys isteidi. Barlyq áieldi qalai qutqarýǵa bolady? Bilmeimin, bul múmkin emes shyǵar. Bul máselege qatysty qoǵamnyń oiy men kózqarasyn ózgertýge bolady. Zorlyq-zombylyqqa jol joq", – dep jazdy prodiýser.
Sonymen qatar ortalyqtyń aty da belgili boldy. Media salasynyń aitýynsha, enesiniń atyn bergen kórinedi.
"Ońaltý ortalyǵymyzdyń aty – "Klara". Bul – meniń jubaiymnyń anasynyń esimi. Men Klara anamyzdyń bizge kókten qarap, igi isterge batasyn beretinine senemin", – dep jazdy Baian Maqsatqyzy.
