تانىمال اقىن باۋىرجان قاراعىزۇلىنىڭ بٸر توپ ٶلەڭٸن نازارلارىڭىزعا ۇسىنامىز.
Cول تٷنٸ
سول تٷنٸ... اسپان مۇڭايعان ەدٸ,
مۇڭايعان ەدٸ تٶبەڭدە...
سول تٷنٸ... سەنٸ ساعىنىشىما –
بٶلەگەن ەدٸم ٶلەڭگە.
سول تٷنٸ... مەن دە الدانىپ تۇرعام,
قار جاۋىپ تۇرعان بولاتىن...
سول تٷنٸ... سەن دە جٷرەكتەن باسقا
جول تاپپاي تۇردىڭ باراتىن.
سەندەلگەن سەزٸم,
جوعالعان ٷمٸت,
كەشە گٶر بٸزدٸ كەشە گٶر...
تىپ-تىنىش اپپاق,
وسىنداي ەدٸ
كٶشەلەر اپپاق, كٶشەلەر...
سول سەتتە... ەتتەڭ, قار جاۋدى نەگە?!
قار جاۋدى نەگە, تاعدىرىم?!
سول سەتتٸ مٷلدە,
ۇمىتقىم كەلگەن,
ۇمىتقىم كەلگەن...
بارلىعىن!
سول تٷنٸ... اسپان ٶكسٸگەن شىعار,
قۇدٸرەت سولاي جازعاسىن.
اق ۇلپا, اپپاق كٶبەلەكتەرگە
اينالعان شىعار كٶز جاسى.
وسىلاي ەندٸ... قار جاۋسا بولدى
كٷيەرٸن جاننىڭ بٸلدٸم بە?!
...سول تٷنٸ ماعان,
قول بۇلعاپ تۇرىپ,
جىلادىڭ با ەلدە كٷلدٸڭ بە?!
سول تٷنٸ...
2016 جىل
تاۋدىڭ يٸسٸ
...التى جاسار ۇل ەدٸم.
P.S
كٶك اسپاننىڭ استىنان,
قارا جەردٸڭ ٷستٸنەن
مەنٸ تاپپاي جىلاپ جٷرگەن بالانىڭ,
وۋ, كٷرەڭ تاۋ, قاراعىم
سٷرتە سالشى
بوز جۋسانمەن جانارىن.
ول قۇشاقتاپ ٶكسيتٸن
قوڭىر-قوڭىر دٶڭدەردٸڭ,
كٷرسٸنٸسٸن جٷرەگٸمە ٶڭگەردٸم.
ساعىنىشپەن اۋىرعان
مىناۋ شەرلٸ كٶڭٸلدٸ
قارا ادىرعا ۇيىعان اي سٷتٸمەن ەمدەرمٸن.
وۋ, بۇلدىراعان ساعىمدار,
قالجىراعان ساعىمدار,
الداماڭدار بالانى,
ارباماڭدار بالانى,
كٶكٸرەگٸنە ٷمٸت وتىن جاعىڭدار,
جاقپارلاردا جاتىپ الماي
تٶمەن قاراي اعىڭدار;
ٶزەن, ٶزەن, ٶزەندەر,
ٶلەڭدەرگە جٷگٸرگەن,
ٶڭمەنٸڭە ۇمتىلسا بەتٸن قاقپاي بالانىڭ,
بەتٸن جۋا سالىڭدار.
ول مۇڭسىز, ٷنسٸز ويناعان,
قييالىمەن سٶزدٸڭ بويىن بويلاعان,
جاعالاۋدىڭ اق كەمەرٸن ٶزٸم بارىپ قۇشقاندا,
دەل تٶبەمنەن سارى الا قاز ۇشقاندا,
جىلانقيياق گٷلدەرٸنە اينالام!
2015 جىل
***
كٷن تۋعاندا باسىڭا
جولامايدى كٶلەڭكەلەر قاسىڭا...
كٷن تۋعاندا باسىڭا
قانداي عاجاپ اي تۋعانى كەرٸلٸپ,
ۇمىتاسىڭ ساتقىندىعىن ساعاتتىڭ,
بارلىعىنان جەرٸنٸپ,
وتىراسىڭ جالعىز ٶزٸڭ ەگٸلٸپ,
قانداي عاجاپ!
جٷك تٷسكەندەي ارقاڭنان
ٷڭٸلەسٸڭ ٶمٸرٸڭە بالكوننان,
ٶمٸر ساعان ٷڭٸلەدٸ,
جارىقتىق,
اششى ٶكسٸك تىعىلادى قولقاڭا,
شەر تولقيدى, تٸستەنەسٸڭ, شىدايسىڭ,
كٶڭٸلٸڭنٸڭ كەمسەڭٸنە قۇلايسىڭ...
قاپ-قارا تٷن سيپاعاندا باسىڭنان,
شىداي الماي جىلايسىڭ,
قانداي عاجاپ!
2015 جىل
ەس جييۋ
ايا, مەن ەندٸ ٶزٸمە اۋانى دوس ەتەم,
اۋامەن قوسىلىپ جىلادىم,
كٶڭٸلٸ بوس ەكەن, اياۋلى...
بەتٸمنەن يسكەيدٸ, كٷرسٸنٸپ, جارىعىم,
ول دا سول...
ماس ەكەن.
دەرت ٸشكەن, مۇڭ ٸشكەن بەيباعىم,
ەسٸنە تٷستٸ مە قايداعى?
جاڭبىرداي جىلايدى,
تاعدىرداي كٷرسٸنٸپ...
ۋف...
...نەسٸنە ٶمٸردٸ ويلادىم.
بٸلەمٸن,
جوعالتقان سٶزدەردٸ تابامىز
بٸر كٷنٸ.
ال ەندٸ,
اۋانىڭ يسٸنە قاراڭىز...
نەسٸنە ٶمٸردٸ ويلادىم...
اياگٷل,
بəرٸنە كٸنəلٸ قارا كٷز...
2016 جىل
«.»
ەڭ اقىرعى تٷن سيياقتى. مىنا تٷن.
قىزىق ەمەس. جوق ەشقانداي جوسپارىم.
جوق ەشقانداي ماقساتىم.
مۇراتىم.
ٶمٸر دەگەن – جالعىز تٷن. كەش بٸلدٸم.
ەشكٸم مەنٸ ٸزدەپ جٷر.
ٸزدەمەيمٸن ەشكٸمدٸ.
جەر بەتٸندە ەشكٸم جوق. سول.
سەبەبٸ جوق – سەبەبٸ.
«بٸرەۋ قايتىس بولىپتى».
كٷلكٸم كەلەدٸ.
2016 جىل
اپاتييا
ىمىرت تاعى ٶلەڭ وقىپ ٶتكەنگە,
كٶشەلەردەن سٶز جيناپ جٷر كٶپ پەندە...
ەرتەڭ ٷمٸت سىعالاعان شىعىستان,
كەلەر جىلى قار جىلاپ تۇر كٶكتەمدە.
ال سەن بولساڭ تٷس كٶرەسٸڭ كٷنٸمەن,
ٶمٸر سٷرٸپ وي كەشەسٸڭ تٷنٸمەن.
جەلدٸڭ مۇڭىن تٷسٸنبەگەن بولاسىڭ,
اي تۋعاندا اپپاق گٷلدٸڭ تٷبٸنەن...
2015 جىل
ەگەر...
...تاعدىرىمدى ويلادىم دەپ ويلايسىڭ,
سەنٸمسٸزدەۋ سەنٸممەن.
ويلامايسىڭ.
ويلامايسىڭ, ويىنشىقپەن وينايسىڭ,
دۇرىس پا?!
بارلىق ادام ويناپ جٷر,
كٶڭٸلمەن.
مٸنە, تاعى بارا جاتسىڭ جۇمىسقا,
كەلە جاتسىڭ ٶمٸردەن...
2016 جىل
قار
وسىلاي ەريمٸن,
ەريمٸن الا-قان-ىن-دا زاماننىڭ...
قار.
اداسقاق قار...
سەن-داعى الاقانىمدا بالقيسىڭ,
ەريسٸڭ سەن دە
دٸرٸلدەك مۇڭىنداي وبالدىڭ,
مٶلت ەتٸپ,
ەرٸكسٸز,
كٶزٸمنٸڭ الدىندا جوعالدىڭ,
ٶكٸندٸم.
نەسٸنە جولادىم مەن ساعان?!
وسى ما, وسى ما ارمانىم اڭساعان?!
قار.
اپپاق ەدٸڭ عوي,
كٸرلەدٸڭ, تاپتالدىڭ تاباندا...
وبال جوق ساعان دا,
ماعان دا...
ٶتكٸنشٸ دٷنييا-اي,
قار...
2016 جىل
اۆتورمەن ديالوگ
- بارارىمىز – جەر, - دەيسٸز,
بەرٸ – جالعان.
- ٶلەم, – دەيسٸز,
ٶلمەيسٸز.
- ٶلٸم دەگەن – جوعالۋ دەپ, كٸم ايتتى?!
- ٶزٸڭٸز,
باق پەن سوردى تٷسٸنەسٸز, بٸلەسٸز,
كٶزٸڭٸزدە مۇڭ جىلاپ تۇر,
تۇنجىراپ تۇر سٶزٸڭٸز,
بەرگٸ جاقتان كٷلەسٸز,
ارعى جاقتا ايدىڭ بەتٸن تىرمالايدى كٶزسٸزدٸك,
بارارىمىز – جەر ەمەس.
- جەردٸڭ ٶزٸ – كٶردٸڭ ٶزٸ.
- شەكسٸزدٸك...
...ٶپ-ٶتٸرٸك سەنبەيسٸز,
بٸلٸپ تۇرىپ بٸلمەگەندەي بولاسىز,
كٶرٸپ تۇرىپ كٶرمەگەندەي بولاسىز...
نە
شىنىمەن كٶرمەيسٸز...
نە
شىنىمەن بٸلمەيسٸز...
ر.S.
ادامنىڭ دٸلٸنە قارسى
اينالادى باقىت,
ساعاتتىڭ تٸلٸنە قارسى
اينالادى ۋاقىت.
توپىراق دەمٸ
توپىراق,
مەن جاساندى مۇڭنان قورقامىن…
تٷننەن قورقامىن دۇعاسىز.
سوقىر سٶزدەردەن…
قابٸرگە اينالعان قاراڭعى-ى-ى كٶزدەردەن,
كٸنەلٸ كٸرپٸكتٸ جۋعان كٷنەسٸز جاستان….
تەۋبەسٸز باستان قورقامىن,
توپىراق!
اللانىڭ «ويى» جاۋىپ تۇر اسپاننان,
مەيٸرٸم جاۋىپ تۇر, مٶپ-مٶلدٸر.
يە, راس,
بٸز – جەتٸمبٸز جەرگە تاستالعان,
ماستانعان جوققا,
نە
راحىم نۇرىنا ماس بولعان,
ۇمىتشاق نٷكتەمٸز – اداسقاق…
توپىراق,
مەن, ٶزٸمنەن قورقامىن…
تٶزٸمنەن قورقامىن كەكتەنگەن.
كٶپٸرٸك داۋىسقا كٶمٸلگەن,
ٶتٸرٸك سەزٸمنەن,
قورقامىن توپىرا-ا-اق…
قاراشى,
جاڭبىر كەتٸپ بارادى…
قايدا كەتٸپ بارادى?
تاعدىر كەتٸپ بارادى...
قايدا كەتٸپ بارادى?
قاراشى,
تامشى مٶلت ەتە تٷستٸ…
شولپ ەتە تٷستٸ بٸر ٶمٸر.
توپىراق!
2016 جىل
***
...ەندٸ ساعان كٶسەمسٸپ, نە دەمەكپٸن?!
قار جاۋىپ تۇر... قاراشى, كەرەمەت كٷن.
كٶكتەم ەمەس, كەشٸككەن تاعدىر شىعار,
قار جاۋىپ تۇر... قار ەمەس – كٶبەلەك-مۇڭ.
ەركەلەدٸڭ, ەدەيٸ, كٷلٸمدەدٸڭ,
كٸشكەنتايىم... قايتەيٸن, كٷنٸم مەنٸڭ.
بەرٸ جاقسى, تاماشا, دۇرىس بەرٸ,
قىزىق ماعان, جىعىلىپ, سٷرٸنگەنٸم.
سولاي, سولاي...
...جىلاتامىن, جٷرەكتٸ ۇلىتامىن.
ٶپ-ٶتٸرٸك جانىمدى جىلىتامىن.
ەشتەڭە دە بولعان جوق, قار جاۋىپ تۇر...
ۇمىتا الام, ۇمىتام, ۇمىتامىن...
بەرٸن ۇمىتامىن...
2016 جىل
باۋىرجان قاراعىزۇلى
