باۋىرجان بايبەك: "اباي – قازاق رۋحانيياتىنىڭ ايناسى" (ۆيدەو)

ۇلى ابايدىڭ 175 جىلدىعىنا وراي اقىن شىعارمالارىنان ٷزٸندٸ وقۋ چەللەندجٸ جالپىحالىقتىق سيپات الدى.

بٷگٸن «Nur Otan» پارتيياسى تٶراعاسىنىڭ بٸرٸنشٸ ورىنباسارى باۋىرجان بايبەك دانىشپان شىعارمالارىنان ٷزٸندٸ وقۋ ەستافەتاسىن جالعاستىردى.

باۋىرجان قىدىرعاليۇلى ەستافەتانى ەنشٸ مٶلدٸر ەۋەلبەكوۆادان قابىلداپ الىپ, ونى كٶرنەكتٸ جازۋشى سماعۇل ەلۋبايعا, پارلامەنت مەجٸلٸسٸندەگٸ «Nur Otan» فراكتسيياسىنىڭ تٶرايىمى گٷلميرا يسيمباەۆاعا جەنە «Jas Otan» جاستار قاناتىنىڭ بەلسەندٸسٸ ايسۇلۋ ەرنييازوۆاعا جولدادى.

باۋىرجان بايبەك, «Nur Otan» پارتيياسى تٶراعاسىنىڭ بٸرٸنشٸ ورىنباسارى:

– اباي – قازاق رۋحانيياتىنىڭ ايناسى, كەمەل دٷنيەتانىمىنىڭ كٶرٸنٸسٸ. اباي مۇراسى – اقىلدىڭ كەنٸ, سارقىلماس رۋحاني قازىنا. ۇلى ويشىلدىڭ قاي تۋىندىسىن الساڭىز دا, ساليقالى وي, سالماقتى تۇجىرىمعا تۇنىپ تۇر.
⠀
ۇلى ابايدىڭ ٶسيەت ەتكەن وي-پٸكٸرلەرٸ, بٸزگە مۇرا ەتٸپ قالدىرعان قارا سٶزدەرٸ مەن ٶلەڭدەرٸ تاعلىمدى مەن-ماعىناعا تولى, قازٸر دە ٶزەكتٸ. ولاردىڭ نەگٸزگٸ تٷيٸنٸ بٸرلٸك, ەڭبەك جەنە ادامگەرشٸلٸك سەكٸلدٸ باستى قۇندىلىقتاردىڭ ٶزەگٸندە توعىسقان. قاشاندا ەلدٸكتٸڭ باستاۋى – بٸرلٸكتە.
⠀
وسىعان وراي مەنٸڭ تاڭداۋىم حەكٸم ابايدىڭ «سەۋلەڭ بولسا كەۋدەڭدە» ٶلەڭٸنە تٷستٸ.
⠀
سەۋلەڭ بولسا كەۋدەڭدە,
مىنا سٶزگە كٶڭٸل بٶل.
ەگەر سەۋلەڭ بولماسا,
مەيلٸڭ تٸرٸل, مەيلٸڭ ٶل.
كٶپ شۋىلداق نە تابار,
بيلەمەسە بٸر كەمەل?
بەرەكەلٸ بولسا ەل –
جاعاسى جايلاۋ ول بٸر كٶل.
جاپىراعى جايقالىپ,
بۇلعاقتايدى سوقسا جەل.
جان-جاعىنان كٷركٸرەپ
قۇيىپ جاتسا اققان سەل,
ونىڭ مالى ٶزگەدەن
ٶزگەشە بوپ ٶسەر تٶل.
بەرەكەسٸ كەتكەن ەل –
سۋى اشىعان باتپاق كٶل.
قۇس قاڭقىلداپ, جاعالاپ,
سۋلاي الماس جازعى تٶل.
ونىڭ سۋىن ٸشكەن مال
تىشقاق تيٸپ, اسپاس بەل.
بەرەكەڭدٸ قاشىرما,
ەل تىنىش بولسا, جاقسى سول.
راس سٶزگە تالاسىپ,
اقجەم بولما, جانىم, كەل!
⠀
قازاق بالاسى وسى قۇندىلىقتارعا تابان تٸرەپ, ويىن دا, بويىن دا ابايعا قاراپ تٷزەسە, اداسپايدى. بٸرلٸگٸمٸز بەكەم, ادامشىلىعىمىز كەمەل, ەلدٸگٸمٸز مەڭگٸ بولماق.