«باۋىرىنا سالۋ» فيلمٸ يتاليياداعى حالىقارالىق فەستيۆالدە باس جٷلدەگە يە بولدى

فوتو: قر مام

قازاقستاندىق رەجيسسەر اسحات كۋچينچەرەكوۆتىڭ «باۋىرىنا سالۋ» تولىقمەتراجدى كارتيناسى يتالييانىڭ يسكييا ارالىندا ٶتكەن 23-شٸ Ischia Film Festival حالىقارالىق كينوفەستيۆالٸندە «ٷزدٸك تولىقمەتراجدى فيلم» اتالىمى بويىنشا جەڭٸمپاز اتاندى, دەپ حابارلايدى Ult.kz.

فيلم قر مەدەنيەت جەنە اقپارات مينيسترلٸگٸ مەن ۇلتتىق كينونى قولداۋ مەملەكەتتٸك ورتالىعىنىڭ قولداۋىمەن تٷسٸرٸلگەن. بۇعان دەيٸن دە تۋىندى حالىقارالىق ارەنادا جوعارى باعالانىپ, Asia Pacific Screen Awards اياسىندا «ەڭ ٷزدٸك جاستار فيلمٸ» اتانىپ, Baku International Film Festival-دە باس جٷلدەنٸ, ال فرانتسيياداعى Cinema Heritage Festival-دە ارنايى ماراپاتتى يەلەنگەن بولاتىن. سونداي-اق وپەراتور جاناربەك ەلەۋبەك Asia World Film Festival-دە «ٷزدٸك وپەراتور» نوميناتسيياسىندا توپ جاردى. فيلم قازاقستان تاراپىنان «وسكار-2025» سىيلىعىنا «شەت تٸلٸندەگٸ ٷزدٸك فيلم» نوميناتسيياسى بويىنشا رەسمي ۇسىنىلعان.

كارتينانىڭ سيۋجەتٸ قازاقتىڭ كٶنە دەستٷرلەرٸنٸڭ بٸرٸ — باۋىرىنا سالۋ سالتىنا نەگٸزدەلگەن. فيلمدە ەجەسٸنٸڭ تەربيەسٸندە ٶسكەن بالانىڭ ونىڭ ٶمٸردەن ٶتكەننەن كەيٸن اتا-اناسىنا قايتا ورالىپ, جاڭا ورتاعا بەيٸمدەلۋٸ مەن جاتسىنۋ سەزٸمٸ سۋرەتتەلەدٸ.

2003 جىلدان بەرٸ ۇيىمداستىرىلىپ كەلە جاتقان Ischia Film Festival — ەۋروپاداعى ەڭ كٶركەم ەرٸ بٸرەگەي فەستيۆالدەردٸڭ بٸرٸ. ول ورتاعاسىرلىق اراگون سارايىنىڭ اۋماعىندا ٶتەدٸ جەنە فيلمدەردەگٸ كٶركەم لوكاتسييالار مەن تابيعي, مەدەني كەڭٸستٸكتەردٸڭ رٶلٸنە ەرەكشە نازار اۋدارادى.