باتىس قازاقستان وبلىسىندا پوليتسييا قىزمەتكەرٸ ۆزۆود كومانديرٸن اتىپ ٶلتٸردٸ, دەپ حابارلايدى "ۇلت اقپارات".
قر ٸٸم مامانداندىرىلعان كٷزەت قىزمەتٸ باسقارماسى اقجايىق اۋدانى 2-باتالونىنىڭ قىزمەتكەرٸ, 1994 جىلعى پوليتسييا سەرجانتى تابەلدٸك قارۋىنان وسى باتالوننىڭ 1986 جىلعى ۆزۆود كومانديرٸنە بٸرنەشە رەت وق اتقان. سونىڭ سالدارىنان ۆزۆود كومانديرٸ وقيعا ورنىندا قازا تاپتى.
بقو ٸشكٸ ٸستەر دەپارتامەنتٸنٸڭ باسپاسٶز قىزمەتٸنەن تٷسكەن مەلٸمەتكە قاراعاندا, وقيعا 6 قىركٷيەك كٷنٸ ساعات 16.30 شاماسىندا اقجايىق اۋدانى ورتالىعى چاپاەۆ اۋىلىندا اۋداندىق ٸشكٸ ٸستەر بٶلٸمٸنٸڭ اۋماعىندا ورىن العان.
"قىزمەتكەر ٶز باستىعىن – ۆزۆود كومانديرٸن اتىپ ٶلتٸردٸ. كٷدٸكتٸ ۇستالدى", — دەپ حابارلادى اقجايىق اۋدانىنىڭ ەكٸمٸ ەدٸل جولامانوۆ.
وبلىستىق دەنساۋلىق ساقتاۋ باسقارماسىنىڭ حابارلاۋىنشا, قوڭىراۋ ساعات 16.32-دە تٷسكەن, ەر ادام دەرٸگەرلەر جەتكەنشە كٶز جۇمدى.
قازٸرگٸ كەزدە سەبەپ-سالدارى انىقتالىپ جاتقان وقيعا ورنىندا پوليتسييا قىزمەتكەرلەرٸ جۇمىس جاساۋدا.
"اقجايىق اۋدانى ەكٸنشٸ باتالونىنىڭ پوليتسييا سەرجانتى ۆزۆود كومانديرٸنە تابەلدٸك قارۋدان وق اتتى", — دەپ حابارلادى ٶڭٸرلٸك ٸشكٸ ٸستەر دەپارتامەنتٸنەن.
اتالعان فاكتٸ بويىنشا قىلمىستىق كودەكستٸڭ "ادام ٶلتٸرۋ" بابى بويىنشا سوتقا دەيٸنگٸ تەرگەۋ باستالدى.
ۆيدەو: uralskweek.kz
