باتىس قازاقستان وبلىسىندا كوروناۆيرۋس ٸندەتٸنەن بٸر ناۋقاس كٶز جۇمدى, دەپ حابارلايدى "ۇلت اقپارات" coronavirus2020.kz سايتىنا سٸلتەمە جاساپ.
بقو دەنساۋلىق ساقتاۋ باسقارماسى مەلٸم ەتكەنٸندەي, 1967 جىلعى ەر ادام – ورال قالاسىنىڭ تۇرعىنى. ول تەڭٸز كەن ورنىندا ۆاحتالىق ەدٸسپەن جۇمىس ٸستەگەن.
مارقۇم 3 مامىر كٷنٸ ورالعا اۆتوبۋسپەن كەلگەن. بلوكپوستان كارانتيندٸك ستاتسيونارعا جاتقىزىلىپ, Covid-19-عا الىنعان سىناما تەرٸس نەتيجە كٶرسەتكەن.
ەپيدەميولوگييالىق احۋالدى ەسكەرە وتىرىپ, قارىم-قاتىناستا بولعان ادام رەتٸندە پروۆيزورلىق ستاتسيونارعا اۋىستىرىلعان. 9 مامىر كٷنٸ الىنعان سىناما دا تەرٸس نەتيجە كٶرسەتكەننەن كەيٸن ٷي كارانتينٸنە جٸبەرٸلگەن. 10 مامىردان باستاپ مەديتسينا قىزمەتكەرلەرٸنٸڭ باقىلاۋىندا بولعان. سول كٷنٸ تاماعى جىبىرلاپ, ەلسٸزدٸك پايدا بولىپ, تەبەتٸ تٶمەندەگەن.
الايدا سودان كەيٸنگٸ توعىز كٷن بويى كٶمەككە جٷگٸنبەگەن, مەديتسينا قىزمەتكەرلەرٸ كٷن سايىن قوڭىراۋ شالعان كەزدە دەنساۋلىعىنا شاعىمدانباعان.
19 مامىر كٷنٸ دەنساۋلىعى ناشارلاپ, جٷرگەندە دەمٸ جەتپەي, حالٸ ەلسٸرەگەن, تٶسەگٸنەن تۇرا الماعان. جەدەل جەردەم بريگاداسىمەن پروۆيزورلىق ستاتسيونارعا جەتكٸزٸلٸپ, سىناما الىنعان ۋاقىتتا كوروناۆيرۋس تابىلدى.
وبلىستىق جۇقپالى اۋرۋلار اۋرۋحاناسىندا كەزەكشٸ دەرٸگەر قاراعاننان كەيٸن دەمالىسى قيىنداعاندىقتان, بٸردەن جانساقتاۋ بٶلٸمٸنە جاتقىزىلعان.
جانساقتاۋ بٶلٸمٸندە اۋىر جاعدايدا بولعان ناۋقاستىڭ 30 مامىر كٷنٸ جٷرەگٸ سوعۋىن توقتاتتى.
ٶلٸم نەتيجەلەرٸن زەرتتەۋ جٶنٸندەگٸ كوميسسييا بۇل جاعدايدى كوروناۆيرۋستىق ينفەكتسييادان قايتىس بولعان دەپ تٸركەۋگە شەشٸم قابىلدادى.
بۇل دەرەك كوروناۆيرۋس دەرتٸنٸڭ قاۋٸپتٸ ەكەندٸگٸن, ەگەر دەر كەزٸندە دەرٸگەر كٶمەگٸنە جٷگٸنگەن كەزدە ٶلٸمنٸڭ الدىن الىپ, ناۋقاستىڭ جازىلىپ كەتۋٸنە مٷمكٸندٸگٸ بولعاندىعىن كٶرسەتەدٸ.
قازاقستان بويىنشا بارلىعى 41 ادام قايتىس بولدى.
