Batys Qazaqstan oblysynda koronavirýs indetinen bir naýqas kóz jumdy, dep habarlaidy "Ult aqparat" coronavirus2020.kz saityna silteme jasap.
BQO densaýlyq saqtaý basqarmasy málim etkenindei, 1967 jylǵy er adam – Oral qalasynyń turǵyny. Ol Teńiz ken ornynda vahtalyq ádispen jumys istegen.
Marqum 3 mamyr kúni Oralǵa avtobýspen kelgen. Blokpostan karantindik statsionarǵa jatqyzylyp, Covid-19-ǵa alynǵan synama teris nátije kórsetken.
Epidemiologiialyq ahýaldy eskere otyryp, qarym-qatynasta bolǵan adam retinde provizorlyq statsionarǵa aýystyrylǵan. 9 mamyr kúni alynǵan synama da teris nátije kórsetkennen keiin úi karantinine jiberilgen. 10 mamyrdan bastap meditsina qyzmetkerleriniń baqylaýynda bolǵan. Sol kúni tamaǵy jybyrlap, álsizdik paida bolyp, tábeti tómendegen.
Alaida sodan keiingi toǵyz kún boiy kómekke júginbegen, meditsina qyzmetkerleri kún saiyn qońyraý shalǵan kezde densaýlyǵyna shaǵymdanbaǵan.
19 mamyr kúni densaýlyǵy nasharlap, júrgende demi jetpei, hali álsiregen, tóseginen tura almaǵan. Jedel járdem brigadasymen provizorlyq statsionarǵa jetkizilip, synama alynǵan ýaqytta koronavirýs tabyldy.
Oblystyq juqpaly aýrýlar aýrýhanasynda kezekshi dáriger qaraǵannan keiin demalysy qiyndaǵandyqtan, birden jansaqtaý bólimine jatqyzylǵan.
Jansaqtaý bóliminde aýyr jaǵdaida bolǵan naýqastyń 30 mamyr kúni júregi soǵýyn toqtatty.
Ólim nátijelerin zertteý jónindegi komissiia bul jaǵdaidy koronavirýstyq infektsiiadan qaitys bolǵan dep tirkeýge sheshim qabyldady.
Bul derek koronavirýs dertiniń qaýipti ekendigin, eger der kezinde dáriger kómegine júgingen kezde ólimniń aldyn alyp, naýqastyń jazylyp ketýine múmkindigi bolǵandyǵyn kórsetedi.
Qazaqstan boiynsha barlyǵy 41 adam qaitys boldy.
