پرەزيدەنت قاسىم-جومارت توقاەۆ سىبايلاس جەمقورلىقپەن كٷرەستە باسىمدىق بەرۋ قاجەت سالالاردى اتادى, سونداي-اق قۇزىرلى ورگان باسشىلارىنىڭ جۇمىسى جەمقورلىقپەن كٷرەس كٶرسەتكٸشٸ ارقىلى دا باعالاناتىنىن جەتكٸزدٸ.
بۇل تۋرالى پرەزيدەنت سىبايلاس جەمقورلىققا قارسى ٸس-قيمىل مەسەلەلەرٸ جٶنٸندەگٸ كەڭەستە ايتتى, دەپ حابارلادى Sputnik قازاقستان اگەنتتٸگٸ اقوردانىڭ رەسمي سايتىنا سٸلتەمە جاساپ.
"كەدەن, قۇرىلىس, بٸلٸم بەرۋ جەنە دەنساۋلىق ساقتاۋ سالالارىنداعى جەمقورلىقپەن كٷرەسۋگە باسا مەن بەرۋ كەرەك. جاۋاپتى مينيسترلٸكتەر وسى باعىتتار بويىنشا جەمقورلىقتى جٷيەلٸ نەگٸزدە جويۋ جٶنٸندە جوسپار ەزٸرلەۋٸ قاجەت. بۇل جوسپاردى بٸرٸنشٸ توقساننىڭ قورىتىندىسى بويىنشا مۇقييات پىسىقتاپ, ۇسىنۋدى تاپسىرامىن. بارلىق ٸس-شارانى سىبايلاس جەمقورلىققا قارسى ٸس-قيمىل اگەنتتٸگٸمەن كەلٸسۋ قاجەت. قۇزىرلى ورگاندارداعى بٸرٸنشٸ باسشىلاردىڭ جۇمىسىن جەمقورلىقپەن كٷرەس كٶرسەتكٸشٸ ارقىلى دا باعالايتىن بولامىن", - دەدٸ قاسىم-جومارت توقاەۆ.
پرەزيدەنت سىبايلاس جەمقورلىققا قارسى ٸس-قيمىلدىڭ بارلىق باعىتىن تٷبەگەيلٸ قايتا قاراۋعا شاقىردى. سونداي-اق كەسٸپكەرلەر مەن جۇرتشىلىقتىڭ سىبايلاس جەمقورلىق دەرەكتەرٸ بويىنشا بەرگەن ٶتٸنٸشتەرٸ نەگٸزٸندە جٷيەلٸ جۇمىس جٷرگٸزۋ قاجەت.
توقاەۆ مەملەكەت بەلگٸلەيتٸن باعالاردى رەتتەۋ كەزٸندەگٸ جەمقورلىقتى تٷبەگەيلٸ جويۋ مەسەلەسٸنە دە ەرەكشە نازار اۋداردى.
"تيٸستٸ ۋەكٸلەتتٸ ورگاندار باعانى بەلگٸلەگەن كەزدە ونىڭ قانشالىقتى نەگٸزدٸ ەكەنٸن مۇقييات قاراۋى كەرەك. مۇنىڭ استارىندا ەكونوميكالىق سەبەپتەن بٶلەك, بٸرەۋدٸڭ جىمىسقى ەرەكەتٸ جاتقان جوق پا دەگەن ساۋال تۋىندايدى. مىسالى, وتاندىق ٶنٸم ٶندٸرۋشٸلەر تەمٸرجول سالاسىن جەمقورلىق جايلاعانىن ايتىپ, ٷنەمٸ شاعىمدانادى. كەسٸپكەرلەر ناقتى بٸر نىسانعا اپاراتىن تەمٸرجولدى پايدالانعانى ٷشٸن تٶلەيتٸن اقىنىڭ كٶلەمٸنە بايلانىستى نارازىلىق بٸلدٸرۋدە. وسىعان وراي, بٸر ۋاقىتتا بٸرنەشە ٶڭٸردەن – قوستاناي, شىعىس قازاقستان, تٷركٸستان, اقمولا جەنە پاۆلودار وبلىستارىنان ارىز تٷسكەن. مونوپوليست كومپانييالار باعانى ٶز بەتٸمەن ەسەلەپ ٶسٸرگەن", - دەدٸ مەملەكەت باسشىسى.
ايتۋىنشا, وسىنداي ەرەكەتتەر حالىق تۇتىناتىن تاۋارلاردىڭ باعاسىنا بٸردەن ەسەر ەتەدٸ.
