اقتٶبەلٸكتەر باسپاناسى سۋعا كەتكەن كەزدە ٷيلەرٸنە كٸرمەي, سىرتتان كەتكەن كوميسسييا مٷشەلەرٸنە رەنٸشتٸ. ولار ارنايى رەزەڭكە ەتٸك دايىنداپ, باقىلاۋعا كەلگەن ادامداردىڭ جاعدايىن جاساپ قويعان, دەپ حابارلايدى قازاقپارات تٸلشٸسٸ.
سۋ تاسقىنى كەزٸندە جالعىز باسپاناسىنان ايىرىلعان اقتٶبەلٸكتەر ارنايى بەكەتتەرگە ورنالاستىرىلىپ, جاتىن ورىنمەن, تاماقپەن, كيٸممەن قامتاماسىز ەتٸلدٸ. بٸراق ەل كٶڭٸلٸ الاڭ. ولار كٷندٸز ٷيلەرٸن قاراۋ ٷشٸن باۋ-باقشانى جاعالايدى. بەرٸ رەزەڭكە ەتٸك ساتىپ العان. سەبەبٸ, سۋ باسىپ, بالشىققا اينالعان جەرگە كٸرۋ مٷمكٸن ەمەس.
«بٸزگە ساياجاي دەپ قىرىن قارايدى. بٸراق بەرٸمٸزدە جەر تۋرالى اكتٸ, قۇجاتتارىمىز بار. ٷنەمٸ شەتتەتەدٸ. كٶشٸپ كەلگەن كەزدە جارىعىن, گازىن جٷرگٸزٸپ الدىق. ال بيىل جالعىز باسپانامىز سۋعا كەتتٸ. كٶمەك كەرەك بٸزگە», - دەدٸ ماحامبەتوۆكا اۋىلىنىڭ تۇرعىنى گٷلبارشىن قامىسباەۆا.
قازٸر باسپاناسىن سۋ باسقان ادامدار قالاداعى جالدامالى پەتەردٸڭ, بازارداعى رەزەڭكە ەتٸكتٸڭ باعاسى قىمباتتاپ كەتتٸ دەپ شاعىم ايتىپ جاتىر.
«ٷيٸمٸزدەگٸ زاتتاردىڭ جاعدايىن بٸلە الماي, كٷندەرٸمٸز ۇيقىسىز ٶتٸپ جاتىر. جىعىلعاننىڭ ٷستٸنە جۇدىرىق دەمەكشٸ, بازارداعى رەزەڭكە ەتٸكتەر دە قىمباتتادى. بۇرىن 5 مىڭ تەڭگە ەدٸ, قازٸر باعاسى 10 مىڭعا كٶتەرٸلدٸ. نە دەگەن ماسقارا?», - دەدٸ ايدىن ٷسەنباەۆا.
ەسكە سالساق, بٷگٸن اقتٶبە وبلىسىنىڭ ەكٸمٸ بەردٸبەك ساپارباەۆ قالاداعى سۋ باسقان جەرلەردٸ قاراپ, ٷيلەردٸڭ جاعدايىمەن تانىستى. كەيٸن باسپاناسىن سۋ باسقان قاراپايىم حالىقپەن كەزدەسۋ ٷشٸن مەكتەپتەرگە بارىپ, جاعدايلارىن بٸلدٸ.
